ބިދޭސީ މަސައްކަތްތެރިންނަށް ވަޒީފާ ދޭ ފަރާތުން ދައުލަތަށް ކޮންމެ މަހަކު ދައްކަންޖެހޭ ވާރކް ޕާމިޓް ފީ، ކޯޓާ ފީ އަދި ޖޫރިމަނާގެ އަދަދު 100،000ރ. (އެއް ލައްކަ ރުފިޔާ) އަށް ވުރެން އިތުރުވާ ފަރާތްތަކުގެ ނަންތައް މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީ އިން ބުދަ ދުވަހު ގެޒެޓުކުރި އިރު، އެ ލިސްޓުގެ ހަތަރު ވަނައިގައި، ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒުގެ ޕްރިންސިޕަލް އެޑްވައިޒަރ ޓު ދަ ޕްރެޒިޑެންޓް އޮން ޓްރޭޑް އެންޑް އިންވެސްޓްމަންޓްގެ މަގާމުގައި ހުންނެވި، މުޙައްމަދު ޢަލީ ޖަނާހުގެ ހޮޓެލްސް އެންޑް ރިޒޯޓް ކޮންސްޓްރަކްޝަން ޕްރައިވެޓް ލިމިޓެޑް ހިމެނިއްޖެއެވެ.

ބިދޭސީ މަސައްކަތްތެރިންނަށް ވަޒީފާ ދޭ ފަރާތުން ދައުލަތަށް ކޮންމެ މަހަކު ދައްކަންޖެހޭ ވާރކް ޕާމިޓް ފީ، ކޯޓާ ފީ އަދި ޖޫރިމަނާގެ އަދަދު 100،000ރ. (އެއް ލައްކަ ރުފިޔާ) އަށް ވުރެން އިތުރުވާ ފަރާތްތަކުގެ ނަންތައް ހާމަކުރާނެކަމަށް އަންގާރަ ދުވަހު އިއުލާން ކުރުމަށްފަހު، އެފަދަ ކުންފުނިތަކާއި ފަރުދުންގެ މައުލޫމާތުތައް މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީ އިން އިއުލާންކޮށްފިއެވެ.

ޤަވާޢިދާ ޚިލާފަށް ރާއްޖޭގައި އުޅެމުންދާ ބިދޭސީންގެ މައްސަލަ ހައްލުކުރުމުގެ ގޮތުން ތަންފީޒީ ނިޒާމު ހަރުދަނާކުރުމަށް، ބިދޭސީ މަސައްކަތްތެރިން ރާއްޖެ ގެނައުމަށްފަހު ވަޒީފާދޭ ފަރާތުން އެ ފަރާތްތަކާމެދު އިހުމާލުވާނަމަ އެ ފަރާތްތަކުގެ ލިސްޓް އެކުލަވައިލައި އާންމުކުރުމާއި އަދި މިގޮތަށް ވަޒީފާދޭ ފަރާތުން އިހުމާލުވާ ފަރާތްތައް ޖޫރިމަނާކުރުމަށް، ވަޒީރުންގެ މަޖިލީހުގެ ލަފާފުޅާއެކު ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ނިންމަވައިފިއެވެ.

މިނިސްޓަރ އިޙްސާންދައުލަތުގެ މީޑިއާގައި ވާހަކަފުޅު ދައްކަވަމުން ވިދާޅުވީ، ރާއްޖޭގައި އުޅޭ ބިދޭސީ މަސައްކަތު މީހުން އަތޮޅުތަކުގެ ރަށްރަށުގައި މަސައްކަތް ކުރުމުގައި ރަށުކައުންސިލްތަކުން ހުއްދައެއް ނަގަންޖެހޭ ގޮތަށް ހަމަޖައްސަވާނެ ކަމަށެވެ. އެކަން ތަފްސީލްކޮށްދެއްވައި، މިނިސްޓަރ އިޙްސާން ކުރެއްވި ޓްވީޓެއްގައި ވިދާޅުވީ، އެ ނިންމުމަކީ. ބިދޭސީންގެ މައްސަލަ ހައްލު ކުރުމުގެ ގޮތުން ކުރިއަށް އޮތް 3 އަހަރަށް ކުރިޔަށް ގެންދާ ޕްލޭންގެ ތެރޭގައި ހިމަނާފައިވާ ކަމެއް ކަމަށެވެ. އަދި ރާއްޖޭގައި ދިރިއުޅޭ ބިދޭސީންގެ ބަޔޯމެޓްރިކް މައުލޫމާތު އެއްކޮށް ތައްޔާރުކުރަމުންދާ ޑާޓާ ބޭސްގެ އެކްސެސްވެސް ކައުންސިލްތަކަށް ލިބިގެންދާނެ ކަމުގައި މިނިސްޓަރ ވިދާޅުވިއެވެ.

ޤަވާއިދާއި ޚިލާފަށް އުޅޭ ބިދޭސީންގެ ބަޔޮމެޓްރިކް ޑާޓާ އެއްކުރުމަށް މިހާރު، ހޯމް މިނިސްޓްރީން ކުރިޔަށްގެންދާ އޮޕަރޭޝަން "ކުރަނގި" އާއި ގުޅޭ ގޮތުން ސްޓޭޓް މިނިސްޓަރ ސިއްދީޤު ވިދާޅުވީ، އެޕްރޮގްރާމްގެ ތެރޭގައި އެއްވެސް މީހަކު ހިފައި ހައްޔަރު ކުރުމެއް ނޯންނާނެ ކަމަށެވެ.

މިނިސްޓަރ އިހްޞާން ވިދާޅުވީ، އޮޕަރޭޝަން ”ކުރަނގި“މިވަގުތު ހިނގަމުންދަނީ ކ. ހިންމަފުށީގައި ކަމަށާއި، ހިންމަފުށި ކައުންސިލުން މިކަމަށް ދެއްވާ އެއްބާރުލުމަށް ޝުކުރު އަދާކުރައްވާ ކަމަށެވެ. އަދި ދާދި އަވަހަށް ރާއްޖޭގެ ފަސް ސަރަހައްދެއްގައި އެއްފަހަރާ މި މަސައްކަތް ފެށޭނެ ކަމުގައިވެސް މިނިސްޓަރ އިހްސާން ވިދާޅުވިއެވެ.

މެމްބަރުގެ ސުވާލަށް ޖަވާބު ދެއްވަމުން މިނިސްޓަރ އިޙްސާން ވިދާޅުވީ، ރާއްޖެއަށް ބޭނުންވާ އަންސްކިލްޑް ލޭބަރސްގެ ނީޑް އެނަލިސިސްއެއް މިހާރު ސަރުކާރުން ކުރަމުން އެބަގެންދާ ކަމަށާއި، މިއަދާއި ހަަމައަށް އެކަމުގެ ފުރިހަމަ ދިރާސާއެއް ހަދާފައި ނުވާކަމުގައިވެސް މިނިސްޓަރ ވިދާޅުވިއެވެ.

ހޯމް މިނިސްޓްރީގެ ބަޔާނުގައި ބުނެފައި ވަނީ، ރ. މީދޫ ފެންފިޔާޒްގޭ މުހައްމަދު އަނަސްއަށް ތޫނު އެއްޗަކުން ހަމަލާދީ، އަނިޔާވެރިގޮތަކަށް މަރާލާފައިވާ މައްސަލައިގައި، ކްރިމިނަލް ކޯޓުގައި ދައުވާ އުފުލާފައިވާ، ހުރިހާ ފަރާތްތަކުގެ މައްޗަށް ދައުވާ ސާބިތު ނުވާކަމަށް ކްރިމިނަލްކޯޓުން ނިންމާފައިވާ ނިންމުމަކީ، ސަރުކާރުން ނުހަނު ކަންބޮޑުވާ ކަމެއް ކަމަށެެވެ.

މިއަހަރު ބާއްވާ ރައްޔިތުންގެ މަޖިލީހުގެ އިންތިޚާބުގައި ދަ ޑިމޮކްރެޓްސްގެ ޓިކެޓުގައި ވާދަކުރަން ބޭނުންވާ ފަރާތްތަކަށް ކުރިމަތިލުމުގެ ފުރުޞަތު ހުޅުވާލައިފިއެވެ.

ދަ ޑިމޮކްރެޓްސް ރަޖިސްޓްރީވެ އަދި މެމްބަރުން ޕާޓީއަށް ސޮއެކުރެއްވުމާއި އެކު، ރައްޔިތުންގެ މަޖިލީހުގެ މައިނޯރިޓީޕާޓީގެ މަޤާމު ދަ ޑިމޮކްރެޓްސްއަށް ލިބި، މައިނޯރިޓީ ލީޑަރުގެ މަޤާމު ލިބިވަޑައިގަތީ، ކުރީގެ ރައީސް އިބްރާހީމް މުޙައްމަދު ޞާލިހަށާއި، އެމްޑީޕީއަށް އެންމެބޮޑަށް ފާޑު ވިދާޅުވަމުން ގެންދެވި، ރައްޔިތުންގެ މަޖިލީހުގެ މެދު ހެންވޭރު ދާއިރާގެ މެމްބަރު ޢަލީ އާޒިމަށެވެ.

ދަ ޑިމޮކްރެކްޓްސްގެ އިންތިޚާބުގެ ވަގުތީ ނަތީޖާ އިއުލާނުކޮށްދެއްވީ، މެދު ހެންވޭރު ދާއިރާގެ މެމްބަރު ޢަލީ އާޒިމެވެ. ޢަލީ އާޒިމް އެކްސްގައި ކުރައްވި ޕޯސްޓެއްގައި ވިދާޅުވީ، ރޭގައި ވަގުތީ ނަތީޖާ އިއުލާން ކުރިއިރު ދެންނެވިން 4 ރަށެއްގެ ފޮށީގެ ނަތީޖާ ނުލިބޭ ވާހަކަ ދެންނެވި ކަމަށާއި، ވަގުތީ ނަތީޖާގައި މިހާރު އެ ހަތަރު ފޮށީގެ ވޯޓު ހިމަނާފައިވާ ކަމަށެވެ. އަދި ރޭގައި ބާތިލް ވޯޓުގެ އަދަދު 50 ކަމަށް ދެންނެވުނީ އޮޅުމަކުން ކަމަށާއި، ރަނގަޅު ގޮތަކީ ބާތިލް 25 ވޯޓްކަމަށާއި އެކަމަށް ވަރަށް ބޮޑަށް މަޢާފަށް އެދޭ ކަމުގައި އާޒިމް ވިދާޅުވިއެވެ.

ވަގުތީ ނަތީޖާ އިއުލާނުކޮށްފައި ވަނީ، މިރޭގެ 8:00 އިރުުގައި ދަ ޑިމޮކްރެޓްސްގެ ހަރު ގޭގައެވެ. ވަގުތީ ނަތީޖާ އިޢުލާނުކޮށްދެއްވީ ޢަލީ އާޒިމެވެ. އޭނާ ވިދާޅުވީ، މި އިންތިޚާބުގައި ވޯޓުލާފައި ވަނީ، 3029 މެމްބަރުން ކަމަށެވެ. އަދި ހަސަން ލަޠީފަށް ލިބިވަޑައިގަތީ 1704 ވޯޓުކަމަށާއި، އޭނާ އާ ވާދަކުރެއްވި ޙުސައިން އަމުރަށް ލިބިވަޑައިގަތީ، 1300 ވޯޓު ކަމަށެވެ. އަދި 50 ވޯޓު ބާޠިލްވި ކަމުގައިވެސް އާޒިމް ވިދާޅުވިއެވެ.