Advertisement
ހޯމް މިނިސްޓަރ ޢަލީ އިޙްސާން --
ދެމައިން މަރުވި މައްސަލައިގައި ޖިނާޢީ ތަޙްޤީޤެއް ހިންގަނީ
ގއ. ވިލިގިލީގައި އިއްޔެގެ ވަގުތެއްގައި ތުއްތުކުއްޖަކާއި އެކުއްޖާގެ މަންމަ ނިޔާވެފައިވާ ހާދިސާގައި އެއްވެސް ފަރާތެއްގެ އިހުމާލެއްވޭތޯ ބެލުމަށް ޖިނާޢީ ތަހުގީގެއް ހިންގުމަށް އަންގާފައިވާ ކަމުގައި ހޯމް މިނިސްޓަރ ޢަލީ އިޙްސާން ވިދާޅުވެއްޖެއެވެ.
އިޙްސާން ވިދާޅުވީ އެކަމުގައި އިހުމާލުވެފައިވާ ފަރާތެއްވާނަމަ އެފަރާތެއް ނުވަތަ ފަރާތްތަކެއްހޯދާ ޤާނޫނީ ފިޔަވަޅު އެޅުމަށް ސަރުކާރުގެ ފަރާތުންވަނީ ދިވެހި ފުލުހުންނަށް އަންގާފައި ކަމަށެވެ. ދެމައިން ނިޔާވެ ދިޔަ ހާދިސާގައި ކަމާއި ބެހޭ ފަރާތްތަކުގެ އިހުމާލު އޮތްކަމަށް އާއިލާއިން ވަނީ ތުހުމަތުކޮށްފައެވެ.
ޗެނަލް 13 އަށް ދިން ބަސްދީގަތުމުގައި، ނިޔާވި، ޝިއުނާ ތައުފީޤުގެ ފިރިމީހާ، ޝިފާޒު ޒާހިރު ބުނީ އޭނާގެ އަނބިމީހާ އާއި އަނބިމީހާ ވިހޭ ދަރިފުޅު ނިޔާވެގެން ދިޔުމުގައި ހޮސްޕިޓަލާއި ކަމާއި ބެހޭ ފަރާތްތަކުގެ އިހުމާލުވުން އޮތް ކަމަށް ޤަބޫލުކުރާ ކަމަށެވެ. މި
ގޮތުން ރޯގާޖެހި ނޭވާއަށް އުނދަގޫވާތީ، ގއ އަތޮޅު ހޮސްޕިޓަލަށް ފަރުވާ ހޯދަން ދިޔުމުން އެކަށީގެންވާ ފަރުވާ ނުލިބުމާއި، އިތުރު ފަރުވާއަށް ނުފޮނުވި 24 ގަޑިއިރަށް ވުރެ ގިނަ އިރުވުން އޭނާ ފާހަގަކުރިއެވެ.
