ދަ ޑިމޮކްރެޓްސްގެ އެތެރޭގެ އިންތިޚާބުގެ ވޯޓުލުން ނިމުނުތާ 28 ގަޑިއިރު ފަހުން ވަގުތީ ނަތީޖާ އިއުލާނުކޮށް އެޕާޓީގެ މުއައްސިސް އަލްއުސްތާޛު ހަސަންލަތީފް ރައީސްކަމަށް ހޮވުނުކަން އިއުލާނުކޮށްފިއެވެ.

ވަގުތީ ނަތީޖާ އިއުލާނުކޮށްފައި ވަނީ، މިރޭގެ 8:00 އިރުުގައި ދަ ޑިމޮކްރެޓްސްގެ ހަރު ގޭގައެވެ. ވަގުތީ ނަތީޖާ އިޢުލާނުކޮށްދެއްވީ ޢަލީ އާޒިމެވެ. އޭނާ ވިދާޅުވީ، މި އިންތިޚާބުގައި ވޯޓުލާފައި ވަނީ، 3029 މެމްބަރުން ކަމަށެވެ. އަދި ހަސަން ލަޠީފަށް ލިބިވަޑައިގަތީ 1704 ވޯޓުކަމަށާއި، އޭނާ އާ ވާދަކުރެއްވި ޙުސައިން އަމުރަށް ލިބިވަޑައިގަތީ، 1300 ވޯޓު ކަމަށެވެ. އަދި 50 ވޯޓު ބާޠިލްވި ކަމުގައިވެސް އާޒިމް ވިދާޅުވިއެވެ.

ވޯޓުލުން ނިމުނުތާ 28 ގަޑިއިރު ފަހުން، ދަ ޑިމޮކްރެޓްސްގެ ރައީސް ކަމަށް ޙަސަން ލަތީފް ހޮވުނުކަން އިއުލާނު ކުރިއިރު، އިންތިޚާބު ކާމިޔާބުވިކަން އަމްރުވެސް ވަނީ ޢިއުލާނުކުރައްވާފައެވެ.

އިއްޔެ ބޭއްވި އިންތިޚާބު އޮޅުވާލާފައިވާ ކަމުގެ ތުހުމަތުތައް އަމްރުގެ ސަޕޯޓަރުންކޮށްފައިވެއެވެ.