Advertisement

ރައްޔިތުންގެ މަޖިލީހުގެ ރައީސް މުޙައްމަދު އަސްލަމް --

04 Feb 2024
ޚަބަރު
ޢަލީ ސުލައިމާން

މަޖީލީހުގެ ރައީސާއި ނައިބުރައީސްގެ އިތުބާރު ނެތްކަމުގެ މައްސަލައިގެ ނޯޓިސް ފޮނުވައިފި

ރައްޔިތުންގެ މަޖީލީހުގެ ރައީސް މުޙައްމަދު އަސްލަމާއި ނައިބުރައީސް އަޙްމަދު ސަލީމުގެ މައްޗަށް ސަރުކާރު ކޯލިޝަނުން ހުށައަޅާފައިވާ ޢިތުބާރު ނެތްކަމުގެ މައްސަލައިގެ ނޯޓިސް މަޖިލީހުގެ އިދާރާއިން އެދެބޭފުޅުންނަށް ފޮނުވައިފިއެވެ.

މަޖިލީހުގެ ރައީސާއި ނައިބުރައީސް މަޤާމުން ވަކިކުރުމުގެ މައްސަލައިގެ ނޯޓިސް އެބޭފުޅުންނަށް މަޖިލީހުގެ އިދާރާއިން ފޮނުވާފައިވަނީ މިއަދުއެވެ.

މަޖިލީހުގެ ނައިބު ރައީސާއި ރައީސްގެ އިތުބާރު ނެތްކަމުގެ މައްސަލަ މަޖިލީހަށް ހުށައެޅިއްޖެނަމަ މަޖިލީހުގެ ޤަވާއިދުގައިވާ ގޮތުން 14 ދުވަހުގެ ނޯޓިހެއް ދޭންޖެހޭނެއެވެ. އަދި 14 ދުވަހުގެ ނޯޓިހުގެ މުއްދަތު ހަމަވުމަށްފަހު އެންމެ އަވަހަށް އެޖެންޑާ ކުރާ ޖަލްސާއެއްގައި އެމައްސަލަކުރިޔަށް ގެންދަން ޖެހޭނެއެވެ.

މަޖިލީހުގެ ރައީސާއި ނާއިބު ރައީސްގެ މައްޗަށް ޢިތުބާރުނެތްކަމުގެ މައްސަލަ ހުށައަޅުއްވާފައި ވަނީ، އެމްޑީޕގެ ޓިކެޓްގައި މަޖިލީހުގެ ގޮނޑިއަށް ވަޑައިގެން ފަހުން ޕާޓީ ބަދަލުކުރައްވައި ސަރުކާރު ހިންގާޕާޓީ ޕީއެންސީއާ ގުޅިވަޑައިގެންނެވި ރައްޔިތުންގެ މަޖިލީހުގެ ފޮނަދޫ ދާއިރާގެ މެމްބަރު މޫސާ ސިރާޖެވެ. އެމައްސަލަ ހުށައެޅީ ސަރުކާރަށް ތާއީދު ކުރާ 23 މެމްބަރެއްގެ ސޮޔާއި އެކުގައެވެ.

މަޖިލީހުގެ ރައީސްގެ އިތުބާރު ނެތްކަމުގެ މައްސަލަ ސަރުކާރު ކޯލިޝަން މެމްބަރުން ހުށައެޅީ ވަޒީރުންނަށް ރުހުން ދިނުމުގެ މައްސަލައިގައި، މަޖިލީހުގެ ރައީސް އަސްލަމް ޤާނޫނު އަސާސީ އާއި މަޖިލީހުގެ ޤަވާއިދާއި ޚިލާފަށް އަމަލުކޮށްފައިވާ ކަމަށް ބުނެއެވެ. އަދި މަޖިލީހުގެ ނައިބު ރައީސް ސަލީމްގެ އިތުބާރު ނެތްކަމުގެ މައްސަލަ ހުށައެޅީ، އެކަމާއި މެދު ނައިބު ރައީސްގެ ހައިސިއްޔަތުން ސަލީމް އެއްވެސް ކަމެއް ކުރައްވާފައި ނުވާކަމަށް ބުނެއެވެ.

ސަރުކާރު ކޯލިޝަންގެ މެމްބަރުން މަޖިލީހުގެ ރައީސާއި ނައިބު ރައީސްގެ އިތުބާރު ނެތްކަމުގެ ވޯޓު ނަގަށް ހުށައެޅި ނަމަވެސް، އެފަރާތްތަކަށް އެވޯޓު ކާމިޔާބު  ކުރެވޭނެ ކަމަކަށް ނުބެލެވެއެވެ. އެއީ އެމްޑީޕީއާ ދަ ޑިމޮކްރެޓްސްއިން މަޖިލިސް ތެރޭގައި އެކުގައި މަސައްކަތް ކުރަން ފަށާފައިވާއިރު، މަޖިލީހުގެ ސާފު އަޣުލަބިއްޔަތު އެ ދެޕާޓީއަށް އޮތީމައެވެ. މަޖިލީހުގައި 80 މެމްބަރުން ތިއްބެވި އިރު އެމްޑީޕީއާ ދަ ޑިމޮކްރެޓްސްގެ މެމްބަރުންގެ އަދަދަކީ، 57 އެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.