Advertisement
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް --
ހުޅުމާލޭގެ ދާއިރާތަކަށް އެމްޑީޕީން ވާދަކުރައްވާ ތިން ކެންޑީޑޭޓުންނަކީ، އެދާއިރާތައް އެންމެ ރަނގަޅަށް ތަމްސީލް ކުރައްވާނެ ބޭފުޅުން: ރައީސް ޞާލިޙް
ކުރިޔަށް އޮތް ރައްޔިތުންގެ މަޖިލީހުގައި، ހުޅުމާލޭގެ ތިންދާއިރާއަށް އެމްޑީޕީގެ ޓިކެޓްގައި ވާދަކުރައްވާ ކެންޑިޑޭޓުންނަކީ އެދާއިރާތަކުގެ ރައްޔިތުންގެ އަޑު ރައްޔިތުންގެ މަޖިލީހުގައި އެންމެ ރަނގަޅަށް އިއްވައިދޭނެ މެމްބަރުންނަށް ވާނެ ކަމުގެ ޔަޤީންކަން އެބައޮތް ކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ، ރޭ ބޭއްވި ހުޅުމާލޭގައި ބޭއްވި ކެމްޕޭން ޖަލްސާގައި ވާހަކަފުޅު ދައްކަވަމުންނެވެ.
ރައީސް ޞާލިޙް ވިދާޅުވީ، އެމްޑީޕީން ހުޅުމާލޭފެ ތިން ދާއިރާއަށް ކުރިމަތި ލެއްވި ތިން ކެންޑީޑޭޓުންނަކީވެސް، ހުޅުމާލޭގެ އެބޭފުޅަކު ކުރިމަތި ލެއްވި ދާއިރާއެއްގައި މިހާރުވެސް ދިރިއުޅުއްވަމުން ގެންދަވާ ބޭފުޅުންކަމަށެވެ.
Advertisement
އަދި އެބޭފުޅުންނަކީ، ހުޅުމާލޭގެ ރައްޔިތުން އެންމެ ރަނގަޅަށް ރައްޔިތުންގެ މަޖިލީހުގައި ތަންމްސީލް ކުރައްވާނޭ ބޭފުޅުންކަމަށާއި، ކައިރިން ރައްޔިތުންނާއި ބައްދަލު ކުރައްވައި، ރައްޔިތުންގެ އަޑުއައްސަވާނެ ބޭފުޅުން ކަމުގައިވެސް ރައީސް ޞާލިޙް ވިދާޅުވިއެވެ.
ރައީސް ޞާލިޙް ވިދާޅުވީ، ހުޅުމާލޭގައި ދިރިއުޅުއްވާ ރައްޔިތުންނާއި، ދަފްތަރުގައި ހިމެނިފައި ތިބި ރާއްޖޭގެ ރައްޔިތުން، އެ ތިންބޭފުޅުންނަށް ވޯޓު ދެއްވައި، އެމްޑީޕީއަށް އެތިން ގޮނޑި ކާމިޔާބުކޮށްދެއްވުމަށް އެދޭ ކަަމަށެެވެ.
ރައްޔިތުންގެ މަޖިލީހުގެ އިންތިޚާބުގައި ހުޅުމާލެ ދެކުނު ދާއިރާއަށް ވާދަކުރައްވަނީ، ޑރ. އަޙްމަދު ޝަމްހީދެވެ. ހުޅުމާލެ މެދު ދާއިރާއަށް އެމްޑީޕީގެ ޓިކެޓްގައި ވާދަ ކުރައްވަނީ، ސަފާތު އަޙްމަދު ޒާހިރެެވެ. އަދި ހުޅުމާލެ އުތުރު ދާއިރާއަށް ވާދަކުރައްވަނީ، މޫސާ ޢަލިމަނިކެވެ.
