ބިލް ފާސްކުރީ ސަރުކާރުން ހުށައަޅާފައިވާ ގޮތަށް އެއްވެސް ބަދަލެއް ނުގެނެހެއެވެ. ބިލް މަޖިލީހަށް ބަލައި ގަނެ އިބްތިދާއީ ބަހުސް ނިންމައި ކޮމިޓީއަށް ފޮނުވުމަށް ފާސްކުރީ، ދައުރުން ބޭރުން މިއަދު ހެނދުނު ބޭއްވި ރައްޔިތުންގެ މަޖިލީހުގެ ޖަލްސާގައެވެ. މިދިޔަ ބުދަ ދުވަހު ސަރުކާރުން މަޖިލީހަށް ހުށައެޅި މި ބިލް މަޖިލީހަށް މިއަދު ބަލައިގަތީ 77 މެމްބަރުންގެ ވޯޓުންނެވެ.

ޕްރޮސެކިއުޓާ ޖެނެރަލް (ޕީޖީ) ގެ މަގާމަށް ހ. ޔެލޯރޯޒް، އައްބާސް ޝަރީފް ޢައްޔަނުކުރެއްވުމަށްޓަކައި، އޭނާގެ ނަންފުޅު ރައީސް ޑރ. މުހައްމަދު މުއިއްޒު ރައްޔިތުންގެ މަޖިލީހުގެ ރުހުން ހޯއްދެވުމަށް އެ މަޖިލީހަށް ފޮނުއްވީ، މި ސެޕްޓެމްބަރު މަހުގެ 11 ވަނަ ދުވަހުގައެވެ. ޢައްބާސް މި ވަގުތު ހުންނެވީ، ރައިސުލްޖުމްހޫރިއްޔާގެ އޮފީހުގެ ސެކްރެޓެރީ ޓު ދަ ޕްރެޒިޑެންޓް އޮން ލީގަލް އެފެއާޒްގެ މަޤާމުގައި ކަމަށްވުމާއި އެކު އޭނާ އެމަޤާމަށް ކުރިމަތިލެއްވީ، ރައީސުލްޖުމްހޫރިއްުޔާ އެދިވަޑައިގެން ކަމަށް ބައެއް ފަރާތްތަކުން ވަނީ ސޯޝަލްމީޑިއާގައި ވާހަކަތައް ފަތުރާފައެވެ.

މެމްބަރު ނާޒިލް މިހެން ވިދާޅުވީ، ސަރުކާރުގެ ފަރާތުން، ފޭދޫ އުތުރު ދާއިރާ ގެ މެންބަރު އިސްމާޢީލް ނިޒާރު ހުށަހަޅުއްވާ ފައިވާ ، ޤާނޫނުނަންބަރު 7/2023 (ކުންފުނީގެ ޤާނޫނު) އަށް އިޞްލާޙް ގެނައުމުގެ ބިލުގެ ބަހުސްގައި ވާހަކަފުޅު ދައްކަވަމުންނެވެ.

ރައްޔިތުންގެ މަޖިލީހުގެ ޤަވާއިދުގައި ބަޔާންކޮށްފައިވާ ގޮތުން ރައްޔިތުންގެ މަޖިލީހުގެ ޖަލްސާއެއް، މަޖިލީހުގެ ދައުރުން ބޭރުގައި ބޭއްވޭނީ، މަދުވެގެން މަޖިލީހުގެ ޖުމުލަ އަދަދުގެ 3/1 މެމްބަރުންގެ ސޮޔާއިއެކު މަޖިލީހުގެ ރައީސަށް ހުށައެޅުމުންނެވެ.

ފައްޔާޒު ވިދާޅުވީ، ކާބޯތަކެތީގެ ރައްކާތެރިކަން ކަށަވަރުކުރުމާއި، ކާބޯތަކެތި ތައްޔާރުކޮށް ވިއްކާ ތަންތަނުގެ ސާފުތާހިރުކަމުގެ މިންގަނޑު ހިފެހެއްޓުމަކީ ވިޔަފާރި ރަޖިސްޓަރީ ކުރުމާއި ގުޅޭ ކަމެއް ނޫން ކަމަށެވެ. އެކަމުގެ ޤާނޫނީ ޒިންމާ ހަވާލުކޮށް ފުރިހަމަ ބާރު އޭރުވެސް މިހާރުވެސް ލިބިދީފައިވާ އިދާރާތަކަށް އެކަން ކުރެވޭނެ ކަމުގައިވެސް ފައްޔާޒު ވިދާޅުވިއެވެ.

މަޖިލީހުގެ ތަޅުމުގައި ޕީޖީ ވަކިކުރަން ވޯޓަށް އެހުމުން އެވޯޓުގައި، 75 މެމްބަރުން ބައިވެރިވެވަޑައިގެންނެވިއެވެ. އޭގެ ތެރެއިން 65 މެމްބަރުން ޕީޖީ މަޤާމުން ވަކިކުރުމަށް ވޯޓު ދެއްވި އިރު، ޕީޖީ މަޤާމުން ވަކިކުރަން ނުފެންނަ ކަމަށް 9 މެމްބަރުން ވޯޓު ދެއްވިއެވެ.

ޝަމީމް މަޤާމުން އިސްތިއުފާ ދެއްވީ، އެމަނިކުފާނު މަޤާމުން ވަކިކުރުމުގެ މައްސަލަ ކުރިޔަށް ގެންދިޔުމަށްޓަކައި، ރައްޔިތުންގެ މަޖިލީހުގެ ޚާއްޞަ ޖަލްސާއެއް މިރެއަށް އެޖެންޑާކޮށް އެޖަލްސާ ފަށާފައި ވަނިކޮށެވެ. މިޖަލްސާގެ ރިޔާސަތު ބަލަހައްޓަވަމުން ގެންދަވަނީ، ރައްޔިތުންގެ މަޖިލީހުގެ ނައިބު ރައީސް އަޙްމަދު ނާޒިމެވެ.

ޝާހިދު ހުށަހެޅުއްވި މައްސަލާގައި ބުނެފައިވާގޮތުން، ޕީޖީ ޝަމީމް މަސައްކަތް ކުރެއްވުމުގައި ތަފާތު ކުރުން ގެންގުލުއްވާކަމަށް ފާހަގަ ކުރައްވާފައިވެއެވެ. އަދި މީގެ އިތުރުން، އެ މަނިކުފާނު މަސައްކަތް ކުރައްވަމުން ގެންދަވަނީ ވަކި މީހެއްގެ ނުފޫޒުން ކަމަށް ވެސް ފާހަގަކޮށްފައި ވެއެވެ. އެގޮތުން، ޕީޖީގެ ބާރުތައް ބޭނުން ކުރަން ވާނީ ވެސް ވަކި ފަރާތަކަށް މަންފާއެއް ހޯދައި ނުދީ، ޒާތީ ތައައްސަބުން އެއްކިބާވެ ހުރެ ބަންޑާރަ ނައިބު ކަނޑައަޅާފައިވާ މައިގަނޑު ސިޔާސަތުތަކާ އެއްގޮތަށް ކަމަށް ޝާހިދު ވިދާޅުވެފައިވެއެވެ.

ރައްޔިތުންގެ މަޖިލީހުގެ އިދާރާއިންކޮށްފައިވާ އިޢުލާނުގައި ބުނެފައި ވަނީ އެބިލަށް ޚިޔާލު ހުށައެޅުމަށް ބޭނުންވާ ފަރާތްތަކަށް، މަހުގެ 25 ވަނަ ދުވަހުގެ ހަވީރު 4:00 އާއި ހަމައަށް ފުރުޞަތު ހުޅުވާލާފައި ވާކަމަށެވެ.

މިސެމިނާގައި ބައިވެރިވެވަޑައިގެންނެވުމަށް ކުރައްވާ ދަތުރުުފުޅުގައި، ރައްޔިތުންގެ މަޖިލީހުގެ ރައީސް، ޢަބްދުއްރަޙީމް ޢަބްދުﷲ ޗައިނާއަށް ފުރާވަޑައިގެންނެވީ ރޭގައެވެ. މިއީ ރައްޔިތުންގެ މަޖިލީހުގެ ރައީސް ކަމުގެ މަޤާމަށް ވަޑައިގެންނެވުމަށްފަހު، ޢަބްދުއްރަޙީމް ރަސްމީ ހައިސިއްޔަތުން މިފަދަ ސެމިނަރއެއްގައި ބައިވެރިވެވަޑައިގެންނެވުމަށް އެމަނިކުފާނު ރާއްޖެއިން ބޭރަށް ކުރައްވާ ފުރަތަމަ ދަތުރުފުޅެވެ.

ރައްޔިތުންގެ މަޖިލީހުން މިއަދު އާއްމުންނަށް ޚިޔާލު ހުށައެޅުމުގެ ފުރުޞަތު ހުޅުވާލާފައި ވަނީ، ފޮރިން އިންވެސްޓްމަންޓްގެ ބިލާއި ވިޔަފާރި ރަޖިސްޓަރީކުރުމުގެ ޤާނޫނަށް އިޞްލާޙު ގެނައުމުގެ ބިލާއި އަދި ދިވެހިރާއްޖޭގެ މާލީ ސެކިއުރިޓީޒްއާބެހޭ ޤާނޫނަށް އިޞްލާޙު ގެނައުމުގެ ބިލަށެވެ.

ޕީޖީ ހުސައިން ޝަމީމަށް މިހާރު ނޯޓިސް ފޮނުއްވާފައިވާކަމުގައި ރައްޔިތުންގެ މަޖިލީހުގެ އިދާރާއިން ވަނީ، ނޫން.އެމްވީއަށް މައުލޫމާތު ދެއްވާފައެވެ. ޕްރޮސެކިއުޓާ ޖެނެރަލް (ޕީޖީ) ހުސައިން ޝަމީމް މަގާމުން ވަކިކުރުމަށް ރައްޔިތުންގެ މަޖިލީހުގެ ޖުޑިޝަރީ ކޮމިޓީއަށް ހުށަހަޅާފައިވާ މައްސަލާގައި ޖަވާބުދާރީވާން އެމަނިކުފާނު އެކޮމިޓީއަށް ހާޒިރުކުރުމަށް ކޮމެޓީގެ މިއަދުގެ ބައްދަލުވުމުގައި ވަނީ ފާސްކޮށްފައެވެ.

މި އިސްލާހް ފާސްކުރުމަށް ކޮމިޓީ މަރުޙަލާގައި ވޯޓަށް އެހުމުން، ވޯޓު އެއްވަރުވުމުން ގޮތެއް ކަނޑައަޅަށް ވޯޓު ދެއްވަން ޖެހިވަޑައިގަތީ، ކޮމިޓީގެ މުގައްރިރު އޭދަފުށީ ދާއިރާގެ މެމްބަރު އަހުމަދު ސަލީމް (ރެޑްވޭވް) އަށެވެ. ސަލީމަކީ ވެސް ގިނަ އަދަދެއްގެ ބިދޭސީ މުވައްޒަފުން ގެންގުޅުއްވާ ބޭފުޅެއް ނަމަވެސް، އެ މާއްދާ އޭނާގެ ވޯޓުން ފާސްކުރެއްވި އިރު، އެކޮމެޓީގައި ހިމެނިވަޑައިގެން ތިއްބެވި އެހެން ބޮޑެތި ވިޔަފާރިވެރިން ވޯޓު ދެއްވާފައި ވަނީ އެގޮތަށް ފާސްކުރުމަށް ނުފެންނަ ކަމަށެވެ. އޭގެ ތެރޭގައި ޤާސިމް އިބްރާހީމާއި، މެމްބަރު ނާޒިމް ހިމެނިވަޑައިގަންނަވައެވެ.

ފްރޮސެކިއުޓަރ ޖެނެރަލް (ޕީޖީ) ހުސައިން ޝަމީމް މަގާމުން ވަކިކުރުމަށް ރައްޔިތުންގެ މަޖިލީހަށް ހުށަހެޅި މައްސަލަ މިއަދު އެޖެންޑާ ކުރުމަށްފަހު، އެ ބޭފުޅާ މަގާމުން ވަކިކުރުމުގެ މައްސަލަ ދިރާސާ ކުރަން ފާސްކޮށްފިއެވެ. މި މައްސަލަ މަޖިލީހަށް ހުށަހަޅާފައިވަނީ ހުޅުދޫ ދާއިރާގެ ޕީއެންސީގެ މެމްބަރު މުހައްމަދު ޝާހިދުއެވެ.

ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް (ކުޑޫ)، މިނިސްޓަރ އޮފް ހައުސިންގ، ލޭންޑް އެންޑް އަރބަން ޑިވެލޮޕްމަންޓް ޑޮކްޓަރ ޢަލީ ޙައިދަރު އަޙްމަދާއި ކުރެއްވި ސުވާލަށް ފަހު މެމްބަރުންނަށް އިތުރު ސުވާލު ކުރުމަށް ހުޅުވާލި ފުރުޞަތުގައި، ވައިކަރަދޫ ދާއިރާގެ މެމްބަރު ހުސެއިން ޒިޔާދު ވަނީ، ރައީސްގެ ވަޢުދުފުޅާއި ޚިލާފަށް ހައުސިންގ މިނިސްޓްރީ ޢަމަލުކުރަމުންދާ ސަބަބެއް އޮޅުން ފިލުވުމަށް ސުވާލު ކުރައްވާފައެވެ. އެގޮތުން، ކުރީގެ ސަރުކާރުން ދީފައިވާ ގޯއްޗާއި ފްލެޓު އަތުނުލައްވާނެ ކަމަށް ރިޔާސީ އިންތިޚާބުގެ ތެރޭގައި މިހާރުގެ ރައީސް ޑރ. މުހައްމަދު މުޢިއްޒު ވައުދުވެވަޑައިގެންފައިވާ އިރު، އެ ސިޔާސަތު މިނިސްޓްރީން ބަދަލު ކުރީ ރައީސް ޑރ. މުހައްމަދު މުއިއްޒުއާ މަޝްވަރާކުރެއްވުމަށްފަހުގައި ތޯ ޒިޔާދު ސުވާލު ކުރެއްވިއެވެ.

މިއަދު ކުރިޔަށްދާ ރައްޔިތުންގެ މަޖިލީހުގެ ޖަލްސާ ހޫނުވީ، ހައުސިން މިނިސްޓަރު ޑރ. އަލީ ހައިދަރާއި، އެމްޑީޕީގެ ވައިކަރަދޫ މެންބަރު ޒިޔާދު ކުރެއްވި ސުވާލާއި ގުޅިގެންނެވެ. ކުރީ ސަރުކާރުން ދީފައިވާ ގޯއްޗާއި ފެލްޓެތައް އަތުނުލައްވާނެ ކަމުގައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވަޢުދުވެވަޑައިގެންފައި ވާއިރު، ފްލެޓާއި ގޯތިތައް ދޫކުރުމުގައި އަމަލު ކުރަމުން އަންނަ ގޮތް ހައުސިން މިނިސްޓްރީން ބަދަލު ކުރީ ރައީސް ޑރ. މުޙައްމަދު މުޢިއްޒާއި މަޝްވަރާކޮށްފައިތޯ ދެންނެވި ސުވާލަށް މިނިސްޓަރު ޖަވާބެއް ނުދެއްވިއެވެ.