ސަރުކާރުން ރައްޔިތުންގެ މަޖިލީހަށް ހުށައަޅާފައިވާ، އާބަން ޑިވެލޮޕްމަންޓު ބިލަށް އާންމުންގެ ހިޔާލު ހޯދުމަށް ރައްޔިތުންގެ މަޖިލީހުން ހުޅުވާލައިފިއެވެ.

ރައްޔިތުންގެ މަޖިލީހުގެ އިދާރާއިންކޮށްފައިވާ އިޢުލާނުގައި ބުނެފައި ވަނީ އެބިލަށް ޚިޔާލު ހުށައެޅުމަށް ބޭނުންވާ ފަރާތްތަކަށް،  މަހުގެ 25 ވަނަ ދުވަހުގެ ހަވީރު 4:00 އާއި ހަމައަށް ފުރުޞަތު ހުޅުވާލާފައި ވާކަމަށެވެ. މިގޮތުން، ލިޔުމުން ނުވަތަ އީމެއިލްގެ ޒަރީއާއިންވެސް ޚިޔާލު ހުށައެޅޭނެ ކަމަށާއި އީމެއިލްގެ ޒަރީއާއިން ޚިޔާލު ހުށައަޅާނީ، [email protected]އަށް ކަމުގައިވެސް މަޖިލީހުގެ އިދާރާއިން ވިދާޅުވެފައިވެއެވެ.

އާބަން ޑިވެލޮޕްމަންޓްގެ ބިލްގެ ބޭނުމަކީ ދިވެހިރާއްޖޭގެ ބިނާވެށި ޕްލޭންކޮށް ހިންގުމާ ގުޅޭ ކަންކަން ހަރުދަނާ ގާނޫނީ އޮނިގަނޑެއްގެ ދަށުން އިންތިޒާމު ކުރުމަށްޓަކައި، ދެމެހެއްޓެނިވި އަދި ޒިންމާދާރު ގޮތެއްގައި ބިމުގެ ބޭނުން ހިފޭނެ މޭރުމުން ބިނާވެށި ޕްލޭންކޮށް ހިންގުމާއި އެ ޕްލޭންތަކާ އެއްގޮތްވާ ގޮތުގެ މަތިން ބިން ތަރައްގީކޮށް ހިންގުމުގެ އަސާސީ މިންގަނޑުތަކާއި ތަރައްގީގެ މަސައްކަތްތައް މޮނިޓަކޮށް ފިޔަވަޅު އެޅުމާބެހޭ އުސޫލުތައް ބަޔާން ކުރުން ކަމުގައި އެބިލް ހުށައެޅި ސަބަބުގެ ގޮތުގައި ސަރުކާރުން ބަޔާންކޮށްފައިވެއެވެ.

މިބިލް ރައްޔިތުންގެ މަޖިލީހަށް ހުށައަޅުއްވާފައި ވަނީ، ރައްޔިތުންގެ މަޖިލީހުގެ ވިލިގިލި ދާއިރާގެ މެމްބަރު އާޒިމް ޢަބްދުލް ޢަޒީޒެވެ.