ފެނަކަ ކޯޕަރޭޝަން އެސްޓީއޯގެ ދަށަށް ބަދަލު ކުރެއްވުމަށް ވަޒީރުންގެ މަޖިލީހުގެ ލަފާފުޅާއިއެކުގައި، ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ނިންމެވި ނިންމެވުމަކީ، ހަރުދަނާ ނިންމެވުމަށްކަމުގައި، ރައްޔިތުންގެ މަޖިލީހުގެ ރައީސް އަދި ދިއްގަރު ދާއިރާގެ މެމްބަރު އަޙްމަދު ނާޒިމް ވިދާޅުވެއްޖެއެވެ.

މެމްބަރު ނާޒިލް މިހެން ވިދާޅުވީ، ސަރުކާރުގެ ފަރާތުން، ފޭދޫ އުތުރު ދާއިރާ ގެ މެންބަރު އިސްމާޢީލް ނިޒާރު ހުށަހަޅުއްވާ ފައިވާ ، ޤާނޫނުނަންބަރު 7/2023 (ކުންފުނީގެ ޤާނޫނު) އަށް އިޞްލާޙް ގެނައުމުގެ ބިލުގެ ބަހުސްގައި ވާހަކަފުޅު ދައްކަވަމުންނެވެ.

މެމްބަރު ނާޒިމް ވިދާޅުވީ، އެސްޓީއޯއަކީ ފެނަކައިން އެންމެ ގިނަ ފައިސާ ލިބެންޖެހޭ ކުންފުނި ކަމަށާއި، ވޭތުވެ ދިޔަ 5 އަހަރު ނިމުނު އިރުވެސް، ފެނަކައިން އެސްޓީއޯއަށް ދައްކަން ޖެހޭ ފައިސާ އެއްވެސް މިންވަރަކަށް ދައްކާފައި ނުވާ ކަމަށެވެ. އެހެންކަމުން ފެނަކައިން އެސްޓީއޯއަށް ދައްކަންޖެހޭ 2.2 ބިލިއަން ރުފިޔާގެ މުޤާބިލްގައި ފެނަކައިގެ %100 ޙިއްޞާ އެސްޓީއޯއިން ގަންނަން މަސައްކަތް ކުރަމުންދާ މަންޒަރު މިހާރު ފެންނަމުންދާ ކަމުގައި މެމްބަރު ނާޒިމް ވިދާޅުވިއެވެ.

ފެނަކަ ކުންފުންޏަކީ، ދައުލަތުގެ ކުންފުނިތަކުގެ ތެރެއިން މިވަގުތު އެންމެ ދަރަނި ބޮޑު ކުންފުންޏެވެ. އަދި އެކުންފުނީގެ ދަރަނިތައް ދައްކައި، ފައިދާވާނެ ކުންފުންޏެއްގެ ގޮތުގައި ހިންގުމަށް ސަރުކާރުން އަންނަނީ މަސައްކަތްތައް ކުރަމުންނެވެ. މިގޮތުން އަންނަ އަހަރުގެ ޖެނުއަރީ މަހުގެ ނިޔަލަށް އެކުންފުނި ސްޓެލްކޯގެ ދަށަށް ބަދަލުކުރުމުގެ ހުރިހާ މަސައްކަތެއް ނިންމުމަށް އަމާޒު ހިފައިގެން ވަނީ މަސައްކަތް ފަށާފައެވެ. 

އިއްޔެ ވަނީ، ފެނަކައިގެ ޗެއާމަނަކަށް، އެސްޓީއޯގެ ސީއީއޯ އަދި އެމްޑީ ޝިމާދު އިބްރާހިމް ޢައްޔަނުކޮށްފައެވެ.