މިއަހަރު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިޚާބުގެ ފައިނަލް ވޯޓާސް ލިސްޓްުގައި ކެންޑިޑޭޓުން ސޮއެކުރަން ފަށައިިއެވެ.

އިލެކްޝަންސް ކޮމިޝަނުން ހާމަކުރައްވާފައިވާ ގޮތުގައި، ކެންޑިޑޭޓުން ވޯޓާސް ލިސްޓްތަކުގައި ސޮއެކުރުން ކުރިޔަށްދާނީ، މިއަދުގެ ހެނދުނު 10:00 އިންފެށިގެން މާދަމާރޭގެ މެންދަމު 12:00 އާއި ހަމައަށް ކަމަށެވެ.

މިގޮތުން، ކެންޑިޑޭޓުން ވޯޓާސް ލިސްޓުތަކުގައި ސޮއި ކުރުމުގެ ކަންކަން ކުރިޔަށް ދަނީ، އިލެކްޝަން ކޮމިޝަނުގެ އިންތިޚާބާބެހޭ މަރުކަޒު (ދަރުބާރުގެ) ގޭގައި ކަމަށާއި، ކެންޑިޑޭޓުގެ ބަދަލުގައި ކެންޑިޑޭޓު ކަނޑައަޅާ ފަރާތްތަކުން ސޮއިކުރަން ވަޑައިގަންނަވާނަމަ، އެކަން ބަޔާންކޮށް ބަދަލުގައި ވަޑައިގަންނަވާ ފަރާތުގެ ފުރިހަމަ ނަމާއި ދާއިމީ އެޑްރެސް އަދި ދިވެހިރައްޔިތެއްކަން އަންގައިދޭ ކާޑު ނަންބަރު ހިމެނޭގޮތަށް ކެންޑިޑޭޓު ސޮއިކޮށްފައިވާ ސިޓީއާއެކު ކެންޑިޑޭޓުގެ އައިޑީކާޑުގެ ކޮޕީއެއް ގެންނަންވާނެކަމަށާއި، ރަޖިސްޓަރީގައި ސޮއިކުރަން ވަޑައިގަންނަވާ ފަރާތެއްގެ ދިވެހި ރައްޔިތެއްކަން އަންގައިދޭ ކާޑުގެ އަސްލު ގެންނަންޖެހޭނެ ކަމުގައި، އިލެކްޝަންސް ކޮމިޝަނުން ވަނީ ވިދާޅުވެފައެވެ.

ރައްޔިތުންގެ މަޖިލީހުގެ އިންތިޚާބު 2024 ގައި ވޯޓުދިނުމުގެ ޙައްޤު ލިބިފައިވާ މީހުންގެ ރަޖިސްޓަރީގައި ކެންޑިޑޭޓުން ނުވަތަ ކެންޑިޑޭޓުން ކަނޑައަޅާ ފަރާތްތަކުން ސޮއިކުރުން މިއަދު ކުރިޔަށްދާއިރު، މިކަމަކީ، ސްޕްރީމްކޯޓުން 2013 ވަނަ އަހަރުގެ ރިޔާސީ އިންތިޚާބުގެ ފުރަތަމަ ބުރު ބާޠިލްކޮށް އެކޯޓުގެ ރޫލިންގ އެއްގެ ދަށުން އިލެކްޝަން ކޮމިޝަންގެ މައްޗަށް ލާޒިމްކޮށްފައިވާ ކަމެކެވެ.