އަލް-ޝިފާ ހޮސްޕިޓަލުން ގިނަ ބަޔަކު މަރުވަމުންދާއިރު، މަރުވެފައި ތިބި މީހުންގެ ހަށިގަނޑުތައް ވަޅުލުމުގެ ފުރުސަތެއް އިސްރާއީލުން ނުދޭތީ ގިނަ ހަށިގަނޑުތައް މިހާރު ދަނީ ކުނިވަމުން. އަދި އަލް-ޝިފާ ހޮސްޕިޓަލުގައި ދުވަސް ނުފުރާ ވިހާފައި ތިބި ކުދިންނަށް ފަރުވާ ނުދެވި އެ ތުއްތު ފުރާނަތައް މަރުވަމުންދާ މަންޒަރު ފެނި، އެ ހޮސްޕިޓަލުގައި ތިބި ބަލި މީހުން އެހެން ހޮސްޕިޓަލްތަކަށް ބަދަލުކުރުމުގެ ފުރުސަތު ދިނުމަށް މުޅި ދުނިޔޭގެ އެކި ކަންކޮޅުތަކުން ގޮވާލަމުން އެބަދޭ.

ޣައްޒާގެ 700،000 އަށް ވުރެން ގިނަ ކުޑަކުދިން ގެދޮރު ގެއްލި މަގުމަތިވެފައިވާކަމަށް އދ. ގެ ކުޑަކުދިންނާ ބެހޭ ޖަމްއިއްޔާ، ޔުނިސެފުން ބުނެފި.

ވޯލްޑް ހެލްތް އޯގަނައިޒޭޝަންއިން ހާމަކުރާ ގޮތުގައި ހޮސްޕިޓަލްތަކަމަށް ހަމަލާ ދިނުމުގެ ނަތީޖާއެއްގެ ގޮތުން، ފަރުވާ ނުލިބިފައި ތިބި އެތައް ބަޔަކު އަންނަނީ މަރުވަމުން. މީގެ ތެރޭގައި ދުވަސް ނުފުރާ އަލަށް ވިހާފައި ތިބި ތުއްތު ކުދިން ވެސް ހިމެނޭ.

ހިޒްބުﷲގެ ލީޑަރ ސައްޔިދު ޙަސަން ނަސްރުﷲ ބުނީ އި ޖަމާއަތުން އިސްރާއީލަށް ހަމަލާ ދިނުމަށް މުޅިން އައު ދެ ވައްތަރެއްގެ ހަތިޔާރު ބޭނުންކުރަމުން އަންނަކަމަށް. އަދި އިސްރާއީލަށް ހަމަލާ ދިނުމުގައި އެ ޖަމާއަތުން ވަރުގަދަކޮށް ތިބޭނެ ކަމަށް ވެސް ހާމަކޮށްފައިވޭ.

ގާޒާއަށް އަރާފައިވާ އިޒްރޭލުގެ ސަޙްޔޫނީ ސިފައިން ދަނީ، ގާޒާގެ ހޮސްޕިޓަލްތަކަށް ހަމަލާދެމުންނެވެ. އަލްޝިފާ ހޮސްޕިޓަލުގެ އޮޕަރޭޝަން ތިއޭޓަރުތައް ހުންނަ އިމާރާތަށްވެސް އިޒްރޭލު ސިފައިން ވަނީ ހަމަލާދީފައެވެ.

އިސްރާއީލުގެ އަސްކާރިއްޔާއިން އަލް ޝިފާ ހޮސްޕިޓަލަށް ހަމަލާދިން ނަމަވެސް، ހޮސްޕިޓަލުގެ މުވައްޒަފުން ބަލި މީހުންނަށް ހިދުމަތް ކުރުމުގައި ދެމިތިބޭނެކަމަށް ހޮސްޕިޓަލްގެ ޑިރެކްޓަރ މުޙައްމަދު އަބޫ ސަލްމިޔާ ބުނެފައިވޭ. މީގެ އިތުރުން، އދ. ގެ ސެކިއުރިޓީ ކައުންސިލްގައި ވޯލްޑް ހެލްތް އޯގަނައިޒޭޝަންގެ ވެރިޔާ ހާމަކޮށްފައިވާ ގޮތުން، ހޮސްޕިޓަލްތަކަށް މި ވަރަށް ހަމަލާ ދިނުމަކީ ދުވަހަކުވެސް ހީކުރި ގޮތެއް ނޫންކަމަށާއި، ހަނގުރާމަ ހުއްޓާލުމަށް އޭނާ އަނެއްކާވެސް ގޮވާލާފައިވޭ.

ޣައްޒާއަށް ދެމުންގެންދާ ހަމަލާތަކުގައި މިހާރު މިހާތަނަށް އދ. ގެ 92 މުވައްޒަފަކު މަރުވެފައިވާކަމަށް އެ ޖަމްއިއްޔާއިން ހާމަކޮށްފި. މިއީ މިފަދަ ހަނގުރާމައެއްގައި މިހާތަނަށް އެންމެ ގިނައިން އދ. ގެ މުވައްޒަފުން މަރުވި ފަހަރު.

ރިޕޯޓުތައް ބުނާގޮތުން، އެމެރިކާގެ ރައީސް ޖޯ ބައިޑަން ވަނީ ހަނގުރާމަ 3 ދުވަހަށް މެދުކަނޑާލުމަށް ނަތަންޔާހޫއަށް ގޮވާލާފަ. އަދި މި ކަމުގައި ބައިޑެންގެ ބޭނުމަކީ ރަހީނުކޮށްފައި ތިބި މީހުން ދޫކޮށްލުމާގުޅޭ މަޝްވަރާތައް ކުރުންކަމަށްވެސް އަޑު ފެތުރޭ.

ރޭ އިޒްރާއީލުން ޣައްޒާއަށް ދިން ވައިގެ ހަމަލާތަކުގައި، ވެސް ވަނީ ފަލަސްޠީނުގެ ނޫސްވެރިއަކު ޝަހީދުކޮށްލާފައެވެ. ރޭ ޝަހީދުކޮށްލާފައި ވަނީ، މުހައްމަދު އަލް ޖަލާލް ނަމަކަށްކިޔާ ނޫސްވެރިއެކެވެ. އިޒްރާއީލުން އޭނާ ދިރިއުޅޭ އިމާރާތަށް ބޮން އެޅުމުގެ ސަބަބުން އޭނާ އާއި އޭނާގެ އަނބިމީހާއާި އެދެމަފިރިންގެ ކުޑަ ދެދަރިން ވަނީ ޝަހީދުވެފައެވެ.

ފަލަސްތީނުގެ ހެލްތް މިނިސްޓްރީއިން ހާމަކުރާ ގޮތުގައި އިސްރާއީލުން 7 އޮކްޓޯބަރގެ ފަހުން ދިން ހަމަލާތަކުގައި މިހާތަނަށް 10،000 އަށް ވުރެން ގިނަ މީހުން މަރުވެފައިވޭ. އޭގެ ތެރޭގައި ކުށެއް ނެތް އެތައް ބަޔަކު؛ 4،104 ކުޑަ ކުދިންނާއި 2،641 އަންހެނުން ހިމެނޭ. އަދި އދ.ގެ ސެކްރެޓަރީ ޖެނެރަލް އެންޓޯނިއޯ ގުޓެރޭޒް މިހާރު ޣައްޒާ ސިފަކުރަނީ ކުޑަކުދިންގެ ގަބުރުސްތާނެއް ގޮތަށް. އަދި އޭނާ ވަނީ ހަނގުރާމަ ހުއްޓާލުމަށް އަނެއްކާ ވެސް ގޮވާލާފަ.

ޙަމާސް ޖަމާއަތުގެ ތަރުޖަމާން ޢަބޫ ޢުބައިދާ ވިދާޅުވީ، ޣައްޒާއަށް ވަދެ ހަނގުރާމަކުރަމުންދާ އިޒްރޭލު ޓެރަރިސްޓް ސިފައިންގެ 27 އަސްކަރީ އުޅަނދަކަށް، މޯޓަރޝެލްއިންނާ ބޮމުން ހަމަލާދީ ހަލާކުކޮށްލާފައިވާ ކަމަށެވެ.

ހަނގުރާމައިގައި މިހާތަނަށް ފަލަސްތީނުގެ 4،000 އަށް ވުރެން ގިނަ ކުޑަ ކުދިން މަރުވެފައިވާކަމަށް ފަލަސްތިނުގެ ހެލްތް މިނިސްޓްރީއިން ހާމަކުރޭ. އަދި އެ ގައުމުގެ 2.3 މިލިއަން މީހުންގެ ތެރެއިން 1.5 މިލިއަން މީހުންގެ ގެދޮރު ވަނީ ގެއްލިފައި.

ފާއިތުވި ގަޑިއެއްހާ އިރުގެ ތެރޭގައި އިޒްރޭލުން ވަނީ ޣައްޒާއަށް ސަތޭކައަށް ވުރެ ގިނަ ވައިގެ ހަމަލާތައް ދީފައެވެ. ރޭގަނޑުގެ ވަގުތުތަކުގައި އަމާޒުކުރާ މިހަމަލާތަކުގެ ސަބަބުން މަރުވެގެން ދަނީ ކުށެއްނެތް ކުށަކުދީންނާއި އަންހެނުންނެވެ.

ޣައްޒާގެ ހެލްތް މިނިސްޓްރީއިން ހާމަކޮށްފައިވާ ގޮތުގައި، އޮކްޓޯބަރ 7 އިން ފެށިގެން އިސްރާއީލުން ދެމުންގެންދާ ހަމަލާތަކުގައި މިހާތަނަށް ފަލަސްތީނުގެ 9،448 މީހުން މަރުވެފައިވާކަމަށް ކަށަވަރުކުރެވިފައިވޭ.

އަލް-ޝިފާ ހޮސްޕިޓަލް ކައިރީގައި އޮތް މެޑިކަލް ކޮންވޯއީއަކަށް އިސްރާއީލުން ދިން ހަމަލާތަކެއްގައި 15 މީހުން މަރުވިއިރު، މިއީ ޣައްޒާ ސިޓީގެ މެޑިކަލް ފެސިލިޓީއެއް ކައިރީގައި ނޮވެމްބަރު މަހުގެ 3 ވަނަ ދުވަހު ދިން ތިން ހަމަލާގެ ތެރެއިން އެއް ހަމަލާކަމަށް ޣައްޒާގެ ހެލްތު އޮތޯރިޓީއިން ބުނެފި.