މިއީ ހަމާސް އާއި އިސްރާއީލު ސިފައިންނާ ދެމެދު ކުރިޔަށްދާ ހަނގުރާމައިގެ 35 ވަނަ ދުވަސް، 10 ނޮވެމްބަރ 2023ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 ޣައްޒާގެ އޮފިޝަލުން ހާމަކުރާ ގޮތުގައި އަލް ޝިފާ އާއި އަލް ޤުދުސް ހޮސްޕިޓަލް ހިމެނޭހެން ޣައްޒާގެ މެޑިކަލް ފެސިލިޓީތަކަށް ގިނަ ހަމަލާތަކެއް ދިނުމަށްފަހު، އިސްރާއީލުގެ ސިފައިން ޣައްޒާގެ އުތުރުގެ ބައެއް ހޮސްޕިޓަލްތަކަށް އަރައިގަނެފައިވޭ.

🔴 އިސްރާއީލުގެ އަސްކާރިއްޔާއިން އަލް ޝިފާ ހޮސްޕިޓަލަށް ހަމަލާދިން ނަމަވެސް، ހޮސްޕިޓަލުގެ މުވައްޒަފުން ބަލި މީހުންނަށް ހިދުމަތް ކުރުމުގައި ދެމިތިބޭނެކަމަށް ހޮސްޕިޓަލްގެ ޑިރެކްޓަރ މުޙައްމަދު އަބޫ ސަލްމިޔާ ބުނެފައިވޭ. މީގެ އިތުރުން، އދ. ގެ ސެކިއުރިޓީ ކައުންސިލްގައި ވޯލްޑް ހެލްތް އޯގަނައިޒޭޝަންގެ ވެރިޔާ ހާމަކޮށްފައިވާ ގޮތުން، ހޮސްޕިޓަލްތަކަށް މި ވަރަށް ހަމަލާ ދިނުމަކީ ދުވަހަކުވެސް ހީކުރި ގޮތެއް ނޫންކަމަށާއި، ހަނގުރާމަ ހުއްޓާލުމަށް އޭނާ އަނެއްކާވެސް ގޮވާލާފައިވޭ.

🔴 މިކަމުގެ ރައްދުގައި އިސްރާއީލް ސިފައިންގެ ތަރުޖަމާނެއް ބުނެފައިވަނީ، ހަމާސް އިން ހޮސްޕިޓަލްތަކުން ހަމަލާދޭނަމަ، އިސްރާއީލް ސިފައިން ހޮސްޕިޓަލްތަކަށް ހަމަލާ ދިނުމުގައި ދެމިތިބޭނެ.

🔴 އިސްރާއީލުން މެދުކެނޑުމެއްނެތި ކުރިޔަށް ގެންދާ ހަމަލާތަކުގައި ޣައްޒާ ސިޓީގެ އަލް-ބްރާޤް ސްކޫލަށް ދިން ހަމަލާއެއްގައި މަދުވެގެން 50 މީހަކު މަރުވެފައިވޭ. މީގެ އިތުރުން ޖަބަލިއާ ރެފިއުޖީ ކޭމްޕަށް ދިން ހަމަލާތަކުގައި 3 މީހަކު އަދި އަލް-ބްރޫޖް ރެފިއުޖީ ކޭމްޕަށް ދިން ހަމަލާތަކުގައި 3 މީހަކު މަރުވެފައިވޭ.

🔴 ފަލަސްތީނުގެ މީހުން ތިބީ ޣައްޒާގައި ތާށިވެފައިކަމަށް ބުނާ ބުނުން އިސްރާއިލުން ދޮގުކޮށްފައިވޭ. އަދި އެމީހުން ބުނީ ފާއިތުވި 2 ދުވަހު ވެސް ފަލަސްތީނުގެ 100،000 އަށް ވުރެން ގިނަ މީހުން ޣައްޒާގެ އެހެން ސަރަހައްދުތަކަށް ހިޖުރަކޮށްފައިވާ ކަމަށް. ހަގީގަތް އޮޅޭ ގޮތަށް އިސްރާއީލުން ކަންކަން ފަތުރަން މަސައްކަތް ކުރިނަމަވެސް، ފަލަސްތީނުގެ ރައްޔިތުން އެމީހުންގެ ގެދޮރު ދޫކޮށް މި ދާން ޖެހުނީ، އެ މީހުންގެ ގެދޮރު ނެތިކޮށް، އަދި ގެއިން ނިކުތުމަށް އަމުރުކުރަމުން ދާ ދުވަސްވަރެއްގައި.

🔴 ހަނޑުރާމައަށްފަހު ޣައްޒާ ސިޓީ އިސްރާއީލުގެ ބެލުމުގެ ދަށަށް ގެންދާނެކަމަށް ނަތަން ޔާހޫ ވަނީ އިއްޔެ ބުނެފައި.