އިޒްރޭލުގެ ގެ ސިފައިން، ބިމުގެ ޞަތަހައިން 30 މީޓަރު އަޑީގައި ހުންނަ، ޓަނަލުތަކާއި ބަންކަރުތައް ގޮއްވައިލެވޭ ބާރުގަދަ ބޮންތައް ޣައްޒާއަށް އަޅަންފަށައިފިއެވެ.

އިޒްރާއީލްގެ ޓެރަރިސްޓް ސިފައިން މިހާރު ޣައްޒާއަށް ދެމުންދާ ހަމަލާތަކަކީ ހަނގުރާމަ ފެށިފަހުން މިހާތަނަށް ދެމުން އަންނަ އެންމެ ވަރުގަދަ ހަމަލާތަކެވެ. މިގޮތުން ހަމާސްއިން ބިމުގެ އަޑީގައި ހަދާފައިވާ ޓަނަލްތައް ހަލާކުކޮށްލުމަށް ކަމަށް ބުނެ، އިޒްރާއީލުން މިހާރު ދަނީ ޣައްޒާއަށް ބަންކަރ ބަސްޓަރ ބޮން ނުވަތަ، ޕެނެޓްރޭޓިން ބޮމުން ހަމަލާ ދެމުންނެވެ.

މިބޮމަކީ އެ ވައްޓާލުމުން ބިންގަޑުގެ ތެރެއަށް 200 ފޫޓު ފުނަށް ވަދެގެންދިޔުމަށްފަހުގައި، ގޮވާ ގޮތަށް ހަދާފައި ހުންނަ ބާރުގަދަ ބޮމެކެވެ. މިއިން ކޮންމެ ބޮމެއް ބިމުގެ އަޑީގައި ގޮވާ ވަގުތު، އެބޮން އަޅާ ސަރަހަދަކަށް ބިންހެލުންތައް ބަލާ ރިކްޓަރ ސްކޭލްއިން 3.6ގެ ގުޑުމެއް އިހްސާސްކުރެވޭނެއެވެ. މިއީ އެބޮން ވައްޓާލާ ސަރައްދާއި ގާތުގައި ހުންނަ އިމާރާތްތައް ފުނޑުފުނޑުވެގެންދާނެ ވަރުގެ ގުޑުމެކެވެ.

Advertisement

ބަންކަރ ބަސްޓަރ ބޮން ގޮވާގޮތް ދައްކައިދޭ ކުރެހުމެއް --

ހަމާސްގެ ހަނގުރާމަވެރިން ނައްތާލުމަށް ކަމަށް ބުނެ އިޒްރޭލުން ޣައްޒާއަށް ދެމުންދާ ހަމަލާތަކަށް އެއް މަސްދުުވަސް ވީއިރުވެސް، ހަމާސްގެ ހަމަލާތައް އިޒްރޭލަށް ހުއްޓުވާލެވިފައެއް ނުވެއެވެ. އަދި ހަމަލާތަކުގައި މިހާތަނަށް، އިޒްރޭލު ސިފައިންގެ 338 މީހުން ވަނީ މަރުވެފައެވެ. އަދި އިޒްރޭލުގެ ހައްދުފަހަނަ އެޅި ސިފައިން ވައިގެ މަގުން ދެމުންދާ ހަމަލާތަކުގައި މިހާތަނަށް ފަލަސްޠީނުގެ ކުށެއް ނެތް އާއްމުންގެ ތެރެއިން 10000ވުރެ ގިނަ މީހުން ވަނީ ޝަހީދުކޮށްލާފައެވެ.