މިއީ ހަމާސް އާއި އިސްރާއީލު ސިފައިންނާ ދެމެދު ކުރިޔަށްދާ ހަނގުރާމައިގެ 42 ވަނަ ދުވަސް، 17 ނޮވެމްބަރ 2023 ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴  އިސްރާއީލުގެ އަސްކަރިއްޔާއިން ޣައްޒާގެ އެންމެ ބޮޑު ހޮސްޕިޓަލް ކަމުގައިވާ އަލް-ޝިފާ ހޮސްޕިޓަލުގެ ވަށައިގެން ތިބެ ހަމަލާދެމުންދާތީ، އެ ހޮސްޕިޓަލުގައި 7،000 އެއްހާ މީހުން ތާށިވެފައި ތިބިކަމަށް ހޮސްޕިޓަލްގެ ޑައިރެކްޓަރ ހާމަކޮށްފި. މީގެ ތެރޭގައި ބަލިމީހުންނާއި، ސިއްހީ ޙިދުމަތްތެރިން އަދި އާންމުން ހިމެނޭ. އަދި މި ހޮސްޕިޓަލުގައި މަރުވި މީހުންގެ ހަށިގަނޑުތައް ހެލްތް މިނިސްޓްރީއަށް ނާންގާ ކޮންމެވެސް ތަނަކަށް ގެންދިއުމުން، ފަލަސްތީނުން އެކަން ކުށްވެރިކޮށްފި.

🔴 ޖަނަރޭޓަރުތައް ހިންގާނެ ތެޔޮ ނެތުމުން ފަލަސްތީނުގެ މުވާސަލާތީ ގުޅުން ކެނޑިފައި އޮތުމަށްފަހު ތެޔޮ ލިބި، މިހާރު އެ މައްސަލަ ކޮންމެވެސް ވަރަކަށް ހައްލުވެއްޖެކަމަށާއި، މުޅި ޣައްޒާއަށް މުވާސަލާތީ ގުޅުން ކޮންމެވެސް ވަރަކަށް މިހާރު ލިގެންދާނެކަމުގައި މުވާސަލާތީ ގުޅުން ފޯރުކޮށްދޭ ކުންފުނި، ޕަލްޓެލް އިން ބުނެފި.

🔴 ޣައްޒާހެ ހެލްތް މިނިސްޓްރީ އިން ހާމަކޮށްފައިވާ ގޮތުގައި، އަލް-ޝިފާ ހޮސްޕިޓަލުންގައި ދުވަސް ނުފުރާ ވިހެއުމަށްފަހު މަރުވި ކުދިންގެ އަދަދު 4 އަކަށް އަރައިފި.

🔴 ޣައްޒާގެ ކޮންމެ ތަނެއްގައި ތިއްބަސް ހަމާސްއަށް ހަމަލާ ދިނުމުގައި ފަސް ނުޖެހޭނެކަމަށް އިސްރޭލުގެ އަސްކަރިއްޔާއިން ބުނެފި.  އަދި އަލް-ޝިފާ ހޮސްޕިޓަލަށް ހަމަލާދެނީ ހޮސްޕިޓަލުގެ ތެރޭގައި ހަމާސްގެ ތަނެއް ހުންނަކަމަށް އިސްރާއީލުގެ އަސްކަރިއްޔާ އިން ތުހުމަތު ކުރާތީ.

🔴 ހިޒްބުﷲ އާއި އިސްރާއީލު ސިފައިންނާ ދެމެދު ބަދަލު ކުރަމުންދާ ހަމަލާތައް އަދިވެސް ދަނީ ކުރިޔަށް.

🔴 އޮކްޓޯބަރ 7 ވަނަ ދުވަހުގެ ފަހުން ފަލަސްތީނުގެ 12،000 އަށް ވުރެން ގިނަ މީހުން އިސްރާއީލުގެ ހަމަލާތަކުން މަރުވެފައިވާ ކަމަށް ޣައްޒާގެ މީޑިއާއިން ބުނޭ. އަދި މިހާރު ޣައްޒާގެ ހެލްތު ސިސްޓަމް މަސައްކަތް ކުރަމުން ނުދިއުމުގެ ސަބަބުން މަރުވެފައިވާ މީހުންގެ އަދަދު ކަށަވަރު ކުރުމަށް އުދަގޫތަކާ ކުރިމަތިވަމުން އަންނަކަމަށް ޣައްޒާގެ މީޑިއާއިން ބުނޭ.