ހަމާސްގެ ޖަލުތަކުގައި ތިބި އިސްރާއީލުގެ ގައިދީން ބަދަލުކުރުމަށް ހަމާސްއިން ތައްޔާރަށް އޮތް ކަމަށް، ޣައްޒާގައި ހުންނަ ހަމާސްގެ ލީޑަރު ޔަހްޔާ ސިންވާރު ބުނެފި. މި ބުނުމާ ގުޅިގެން ފަލަސްތީނުގެ ގައިދީންނަށް އަސީރުން ބަދަލުކުރުމުގެ އެއްބަސްވުމެއްގެ ޚިޔާލު އިސްރާއީލުގެ ހަނގުރާމައިގެ ކެބިނެޓްގެ ތެރޭގައި ދެކެވުނު ނަމަވެސް އެކަމާ މެދު އެއްވެސް ނިންމުމެއް ނިންމާފައި ނުވާ ކަމަށް އިސްރާއީލުގެ ލީޑަރަކު ހާމަކުރޭ.

ޣައްޒާގެ އިންޓަނެޓާއި މުވާސަލާތީ ގުޅުންތައް މިހާރު މުޅިންހެން މެދުކެނޑުމަކަށް އައިސްފައިވާއިރު، ޣައްޒާއާއި މުޅި ދުނިޔެއާ މިވަނީ ގުޅުން ކެނޑިފައި. އަދި އ.ދ. ހިމެނޭހެން ޣައްޒާގައި ހަރަކާތްތެރިވަމުން އަންނަ ބައިނަލްއަގްވާމީ އެހީދޭ ޖަމްއިއްޔާތަކުން ބުނަމުން އަންނަނީ، ޣައްޒާގައި ތިބި އެމީހުންގެ ޓީމުތަކާ ވެސް އެއްކޮށް ގުޅުންކެނޑިފައިވާކަމަށް.

އަލްޖަޒީރާއާއި ގާޒާޓައިމްސްއިން ރިޕޯޓްކޮށްފައިވާ ގޮތުގައި އުތުރު ގާޒާއިން މުވާސަލާތީ ހުރިހާ ޚިދުމަތެއް ވަނީ ކަނޑާލާފައެވެ. އަދި ކަރަންޓާއި ފެންކަނޑާލިތާވެސް އެތައް ދުވަހެއް ވެފައި ވާއިރު، އުތުރު ޣައްޒާ އޮތީ އެއްވެސް ޚަބަރެއް ނުލިބޭ ހާލަތުގައި ކަޅު އަނދިރިކަމުގައި ކަމަށްވެސް މައުލޫމާތު ލިބެއެވެ.

ގާޒާއަށް ހަމަލާދޭން ފެށިއިރުވެސް އެ ހޮސްޕިޓަލަކީ އިޒްރޭލުން ހަލާކުކޮށްލަން ބޭނުންވާ މުހިއްމު ތަނެކެވެ. އަދި އެހޮސްޕިޓަލަށް ހަމަލާދިނުމަށްޓަކައި ހޮސްޕިޓަަލް ހުސްކުރުމަށްވެސް ތަކުރާރުކޮށް އިޒްރޭލުން އެންގިއެވެ. ގެދޮރުނެތި ހިމާޔަތް ހޯދަމުންދާ އެތައްހާސް އާއްމުންނާއި އަދި އިޒްރާއީލުގެ ވައިގެ ހަމަލާތަކުގައި ޒަޚަމްވެފައިވާ މީހުންނާއިއެކު އެހޮސްޕިޓަލް އޮތީ ފުރިފައެެވެ.

ގާޒާގެ ޚަބަރުތައް ގެނެސްދޭ މީޑިއާތަކުން ބުނެފައިވާ ގޮތުގައި، އިޒްރޭލުންގެ ހަނގުރާމަ މަތީ ބޯޓުތަކުން ބޮން އަޅާފައި ވަނީ އިރުމަތީ ގައްޒާގައި އޮންނަ ޤަބުރުސްތާނަކަށެވެ. ހަމާސްގެ ޓަނަލްތައް ހަލާކުކޮށްލުމަށްކަމަށްވުބުނެ އިޒްރާއީލުން، ބޮޑެތި ވަޅުގަނޑުގަނޑު ހެދޭހައި ބާރުގަދަ ބޮންތައް ޣައްޒާއަށް އޮއްސަމުންދާއިރު، ޤަބުރުސްތާނަށް އެޅި ބޮމާއެކުވެސް ގިނަ މަހާނަތަކެއް ހަލާކުވެ އެމަހާނަތަކުގައި ވަޅުލެވިފައިވާ މީހުންގެ ކަށިތައްވެސް ވަނީ މައްޗަށް އަރާފައެވެ.

ފަލަސްޠީނުގެ މިނިވަންކަމަށް ޖިހާދުކުރަމުން އަންނަ މުޖާހިދުންގެ ޖަމާޢަތް ހަމާސްއިން ބުނެފައި ވަނީ، އިޒްރޭލުން ދެމުން އަންނަ ހަމަލާތަކުގައި، ޣައްޒާގެ އެކި ސަރަހައްދުތަކުގައި ބަންދުކޮށްފައިވާ، އިޒްރޭލު މީހުންގެ ތެރެއިން މިހާތަނަށް 50 ވުރެ ގިނަ މީހުން އިޒްރޭލުގެ ހަމަލާތަކުގައި މަރުވެފައިވާ ކަމަށެވެ. އަދި މަރުވި މީހުން ދެނެގަތުމުގެ މަސައްކަތްތައް ކުރަމުންދާކަމުގައިވެސް ހަމާސްއިން ވަނީ ބުނެފައެވެ.

މި 8 މީހުންގެ މައްޗަށް މަރުގެ އަދަބު ކަނޑައަޅާފައި ވަނީ އެމީހުންގެ މައްޗަށް ހިންގުނު ޝަރީޢަތްތަކަށްފަހުގައި، އެމީހުން މެރުމަށް ޙުކުމްކޮށްފައި ވަނީ އިއްޔެއެވެ. އިޒްރޭލަށް އެމީހުން ޖާސޫސްކޮށްދީފައި ވަނީ، ޤަތަރުގެ އަސްކަރީ މަޢުލޫމާތެކެވެ. މިގޮތުން އިޓަލީން ޤަތަރަށް ފޯރުކޮށްދީފައިވާ އަސްކަރީ ސަބްމެރިނަކާއި ގުޅޭ މައުލޫމާތުތައް ވަގަށް ނަގައި އެމައުލޫމާތު ވަނީ މޮސާޑަށް ފޯރުކޮށްދީފައެވެ.

އިސްރާއީލުން މިހާރު ދެމުންގެންދާ ބޮމުގެ ހަމަލާތަކުގައި މަރުވެފައިވާ ކަމަށް ބުނާ 7،028 ފަލަސްތީނު މީހުންގެ ނަމާއި އައިޑެންޓިފިކޭޝަން ނަންބަރު، ޣައްޒާގައި ހުންނަ ފަލަސްތީނުގެ ހެލްތު މިނިސްޓްރީން އާންމުކޮށްފި. މި ލިސްޓު ހާމަކުރީ ފަލަސްތީނުން މަރުވެފައިވާ މީހުންގެ އަދަދާ ގުޅިގެން އެމެރިކާއިން ސުވާލު އުފައްދާތީކަމަށް ބެލެވޭ.

ޣައްޒާގެ ސިއްހީ ނިޒާމު އޮތީ މުޅިން ފުނޑުފުނޑުވެފައިކަމަށް ފަލަސްތީނުގެ ހެލްތު މިނިސްޓްރީން ބުނެފި. މިކަމާ ގުޅިގެން ޣައްޒާގެ އުތުރުގެ ކަމާލް އަދްވާން ހޮސްޕިޓަލުގެ ޑޮކްޓަރަކު ބުނީ، އެ ހޮސްޕިޓަލް ވެސް މިހާރު އޮތީ ސަހަރާއަކަށް ބަދަލުވުމުގެ މަގުމަތީގައިކަމަށް.

ޣައްޒާއަށް ތެލާއި ސިއްހީ ހިދުމަތް ފޯރުކޮށްދިނުމަށްޓަކައި ވަގުތުން ހަނގުރާމަ ހުއްޓާލުމަށް ދުނިޔޭގެ ސިއްހަތު ޖަމިއްޔާއިން ވަނީ ގޮވާލާފައި. އެ ޖަމްއިއްޔާއިން ބުނީ އެހެން ނޫންނަމަ ޣައްޒާގެ އެތައް ހާސް ބަލިމީހުންނެއްގެ ފުރާނައަސް ނުރައްކާ ކުރިމަތިވާނެކަމަށް.

އިސްރާއީލުން މެދުނުކެނޑި ޣައްޒާއަށް ވައިގެ މަގުން ހަމަލާތައް ދެމުން ދާއިރު، ގިނަ އަދަދެއްގެ މީހުން ބޯހިޔާވަހިކަން ހޯދައިގެން ތިބި އަލް-ޝަޓި ރެފިއުޖީ ކޭމްޕަށް އިއްޔެ ވަނީ ހަމަލާދީފައި. ފަލަސްތީނުގެ ހެލްތް މިނިސްޓްރީއިން ހާމަކޮށްފައިވާ ގޮތުގައި، މި ހަމަލާތަކުގައި ގިނަ އަދަދެއްގެ ބަޔަކު މަރުވެފައިވާއިރު، އޭގެ ތެރޭގައި ގިނައީ އަންހެނުންނާ ކުޑަކުދިން.

ހަމާސްއިން ނެރުނު ބަޔާނުގައި ބުނެފައި ވަނީ، މިސްރާއި ޤަޠަރު މެދުވެރިއެއްގެ ގޮތުގައި ކުރެވުނު މަޝްވަރާތަކަށް ފަހުގައި، އަސީރުންގެ ތެރެއިން ދެމީހުން ދޫކޮށްލުމަށް ނިންމީ، އިންސާނީ ސަބަބުތަކަށްޓަކައި، އަދި ހައްދު ފަހަނަ އެޅި އިޒްރޭލުން ހިންގާ ހަނގުރާމައިގެ ކުށްތަކާއި އެކުގައި ކަމަށެވެ. ހަމާސްގެ ބެލުމުގެ ދަށުގައިވާ އަސީރުންގެ ތެރެއިން މިިނިވަންކޮށްފައި ވަނީ، ނޫރިތް ޔިޓްޒަކް ނަމަަކަށް ކިޔާ މީހަކާއި، ޔޯޝުވެދް ނަމަކަށް ކިޔާ މީހެކެވެ. އެމީހުންނަކީ ކޮން ޤައުމެއްގެ ރައްޔިތުންނެއް ކަމެއް އަދި ހާމަކަކޮށްފައެއް ނުވެއެވެ.

އދ. ގެ އިންސާނީ އެހީ ދިނުމުގެ ގޮފި، ޔުނައިޓެޑް ނޭޝަންސް ރިލީފް އެންޑް ވޯކްސް އޭޖެންސީ (ޔޫ.އެން.އާރް.ޑަބްލިޔު.އޭ)އިން ނެރުނު ބަޔާނުގައި ބުނެފައި ވަނީ، ޣައްޒާއަށް އިޒްރާއީލުން ދެމުންދާ ހަމަލާތަކަށް 16 ދުވަސްވިއިރު، އިޒްރޭލުގެ ހަމަލާތަކުގައި މަރުވި އެ ޖަމާޢަތުގެ މުވައްޒަފުންގެ އަދަދު މިހާރު ވަނީ 35އަށް އަރާފައި ކަމަށެވެ.

ފާއިތުވި 24 ގަޑިއިރަކީ، އޮކްޓޯބަރ 7 ގައި ޣައްޒާއަށް ހަމަލާތައް ދޭންފެށިފަހުން އެންމެ ލޭ އޮހޮރުވުން ގިނަ ވަގުތު. ފަލަސްތީނުގެ ނޫހަކުން ހާމަކޮށްފައިވާ ގޮތުގައި، މި މުއްދަތުގައި އިސްރާއީލުން 25 އަށް ވުރެ ގިނަ ރޮކެޓް ހަމަލާތައް އާންމުން ދިރިއުޅޭ ސަރަޙައްދުތަކަށް ދީފައިވާއިރު، މިހާތަނަށް 400 އަށް ވުރެން ގިނަ މީހުން މަރުވެފައިވާކަމަށް ކަށަވަރުވެފައިވޭ.

ޣައްޒާ ވަށާލާފައި ތިބި އިސްރާއީލު ސިފައިން އެ ރަށަށް ތެޔޮ އެތެރެކުރުން ހުއްޓުވުމާ ގުޅިގެން އ.ދ. އިން ކަނބޮޑުވުން ފާޅުކޮށްފައިވޭ. އަދި ޣައްޒާގެ ހޮސްޕިޓަލްތަކުގައި ހުރި ތެލުގެ ސަޕްލައި ހަލުވިކަމާއެކު ހުސްވަމުންދާތީ، ވިހެއުމަށްފަހު އެކި ފަރުވާތައް ދެމުންގެންދާ 130 ތުއްތު ކުދިންގެ ފުރާނަ ގެއްލިދާނެކަމުގެ އިންޒާރު މެޑިކަލް އެއިޑް ފޯ ފަލަސްތީނުން (އެމްއޭޕީ) އިން ދީފައިވޭ.

އެހީގެ ތަކެއްޗާއިއެކު ޣައްޒާއަށް ވަނުމުގެ ފުރުޞަތު ފުރަތަމަ ދީފައި ވަނީ 20 ޓްރަކަށެވެ. އޭގެ ތެރޭގައި ހިމެނެނީ ޣައްޒާގެ އާއްމުންނަށް ބޭނުންވާ އެންމެ އަސާސި ތަކެއްޗެވެ. ޣައްޒާ އާ މިސްރުގެ ރަފަހް ގުޅޭ ރަފަހް ކްރޮސިންގ މިއަދު ހުޅުވައި، އެހީގެތަކެތި ޣައްޒާއަށް ވައްދަން ފަށާފައި މިވަނީ، އިޒްރޭލުން ދެމުންދާ ވައިގެ ހަމަލާތަކާއި، ހިޞާރުގެ ސަބަބުން ޣައްޒާގެ 2.1 މިލިއަން ރައްޔިތުންނަށް އިންސާނީ ބޮޑު ކާރިސާއެއް ކުރިމަތިވެފައި ވަނިކޮށެވެ.