އިޒްރޭލުން ބުނެފައިވާ ގޮތުގައި އީރާނުން ފޮނުވާލި 185 ޑްރޯންވެސް ކާމިޔާބު ކަމާއި އެކު ވައްޓާލި އިރު 103 ބެލެސްޓިކް މިސައިލްގެ ތެރެއިން 110 މިސައިލް ވައްޓާލި ކަމަށެވެ. އަދި އީރާނުން ފޮނުވާލި، 36 ކްރޫޒް މިސައިލްވެސް އިޒްރޭލުގެ ސަރަހައްދުތެރެއަށް ވަނުމުގެ ކުރިން ވައްޓާލި ކަމަށްވެސް ބުނެފައި ވެއެވެ.

ޖީއެމްޓީ ގަޑިން ހޮނިހިރު ދުވަހުގެ ރޭގެ ގާތްގަނޑަކަށް 8:00 ހާއިރު އިސްރާއީލަށް އަމާޒުކޮށް އިރާނުން ފޮނުވާލި 200 އަށް ވުރެން ގިނަ ޑްރޯން ހަމަލާތަކުގައި އިސްރާއީލަށް ބޮޑު ގެއްލުންތަކެއް ނުލިބޭކަމަށް އެ ގައުމުގެ ދިފާއީ ތަރުޖަމާނު، ޑެނިއަލް ހެގަރީ ބުނެފިއެވެ. އޭނާ އިތުރަށް ފާހަގަކޮށްފައިވާ ގޮތުގައި، އިސްރާއީލާއި އެ ގައުމަށް ހެޔޮ އެދޭ ގައުމުތައް ކަމުގައިވާ، އެމެރިކާ އާއި އިނގިރޭސި ވިލާތުގެ އެހީގައި އިރާނުން ފޮނުވާލި ގިނަ ހަމަލާތައްވަނީ އިސްރާއީލާ ހިސާބަށް ދިއުމުގެ ކުރިން ވައްޓާލާފައެވެ.

އީރާންގެ ހަމަލާތަކުގައި އިޒްރޭލަށް ލިބުނު ގެއްލުމުގެ ތަފްސީލްތަކެއް ނޭނގެއެވެ. އެހެން ނަމަވެސް އިޒްރޭލުގެ ބައެއް ނޫސްތަކުން ރިޕޯޓްކޮށްފައިވާ ގޮތުގައި، ޔަހޫދީން އާބާދުކޮށްފައިވާ ހުޅަނގު ޤުދުސް އަށާއި، ތެލްއަވީވަށް އަދި އީލާތަށް ވަނީ ހަމަލާތައް އަރާފައެވެ.

ގާޒާގެ ހަބަރުތައް ގެނެސްދޭ، ގާޒާގެ ނޫސްވެރިއަކު ބުނެފައިވާ ގޮތުގައި ގާޒާގެ މަތިން މިވަގުތު އިޒްރޭލުގެ އެއްވެސް ބޯޓެއް ދަތުރެއް ނުކުރެއެވެ. މިއީ އޮކްޓޫބަރު 7 ވަނަ ދުވަހުގެ ފަހުން ގާޒާއަށް ދޭ ހަމަލާތައް އިޒްރާއީލަށް ހުއްޓާލަން ޖެހުނު ފުރަތަމަ ރޭ ކަމުގައިވެސް އޭނާ ބުނެފައިވެއެވެ.

އީރާނާ ގުޅުން ހުރި މީޑިއާތަކުން ހާމަކޮށްފައިވާ ގޮތުގައި، އީރާނުން ދަނީ އިޒްރޭލަށް ސައިބަރ ހަމަލާތައްވެސް ދެމުންނެވެ. މިގޮތުން އިޒްރޭލުގެ އަސްކަރީ ރާޑަރުތައް ހެކްކޮށް، އިޒްރޭލްގެ މައި ކަރަންޓް ވިއުގަ ހެކްކްކޮށް ތެލްއަވީވާއި އެހެންވެސް އިޒްރޭލުގެ މުހިއްމު ބައެއް ސިޓީތަކުން ވަނީ ކަރަންޓުގެ ޚިދުމަތް ކަނޑާލާފައެވެ.

ލަންޑަންގެ ޒޮޑިއަކް މެރިޓައިމްއާ ގުޅިފައިވާ ކޮންޓެއިނަރު އާގު ބޯޓު އެމްއެސްސީ އެރީޒް ޕޯޗުގީޒްގެ ދިދަ ޖަހާފައިވާ ބޯޓެކެވެ. މިކޮންޓެއިނާ ކާގޯ ބޯޓު ދުއްވާ ޒޮޑިއަކް މެރިޓައިމް ކުންފުންޏަކީ، އިޒްރޭލުގެ ޔަހޫދީ ބިލިއަނަރު އެޔަލް އޮފަރގެ ޒޯޑިކް ގްރޫޕްގެ ކުންފުންޏެކެވެ.

ރަޝިޔާގެ ދިފާއީވުޒާރާއިން ބުނެފައި ވަނީ އެޤައުމުގެ ދެކުނުގެ އަސްޓްރާޚާން ސަރަޙައްދުގެ ކަޕޫސްޓިންޔާރް ރޮކެޓް ލޯންޗް ކޮމްޕްލެކްސްގައި އިންޓަރކޮންޓިނެންޓަލް ބެލިސްޓިކް މިސައިލެއް ހުކުރު ދުވަހު ކާމިޔާބުކަމާއެކު ޓެސްޓްކޮށްފައިވާ ކަމަށެވެ.

އެމެރިކާގެ ރައީސް ޖޯ ބައިޑަންވެސް ވިދާޅުވީ، އަވަހަށް ނުވަތަ ލަހުން ނަމަވެސް އީރާނު އިޒްރޭލަށް ހަމަލާދޭނެ ކަމަށެވެ. އަދި އިޒްރާއީލް ދިފާއުކުރުމުގައި އެމެރިކާއިން މަސައްކަތް ކުރާނެ ކަމަށްވެސް ވިދާޅުވެފައިވެއެވެ.

އިޒްރޭލުން ހަނިއްޔާގެ ތިން ދަރީންނާއި ކާފަ ދަރީން އަދި އާއިލާގެ އެހެން މެމްބަރުން ޝަހީދުކޮށްލި ޚަބަރު އޭނާއަށް ލިބިވަޑައިގެންނެވީ، ގައްޒާ ހަނގުރާމައިގައި އެކިވަރުގެ ޒަޚަމްތައް ލިބުމުގެ ސަބަބުން އިތުރު ފަރުވާއަށް ދޯހާއަށް ގެނެވުނު މީހުންނާއި ބައްދަލުކޮށްލުމަށް، ދޯހާ ހޮސްޕިޓަލަށް ވަޑައިގެން ހުންނަވަނިކޮށެވެ.

އިޒްރޭލުން ވަނީ، ޔަހޫދީ ސިފައިންގެ ހަތަރު މީހަކު، ޚާންޔޫނުސްގައި މުޖާހިދުން ދިން ހަމަލާއެއްގައި މަރުވެފައިވާ ކަމަށް ބުނެފަައެވެ. އެހެން ނަމަވެސް އެހަމަލާގައި މަރުވީ، 14 ސިފައިން ކަމަށާއި ފާއިތުވި 24 ގަޑިރުގެ ތެރޭގައި ޚާން ޔޫނުސްގައި ޔަހޫދީ ސިފައިންގެ ޖުމުލަ 21 މީހުން މަރާލާފައިވާ ކަމުގައި ގާޒާގެ ޚަބަރުތައް ގެނެސްދޭ ބައެއް މަސްދަރުތަކުން ބުނެފައިވެއެވެ.

މަސްދަރުތަކުން އަންދާޒާކޮށްފައިވާ ގޮތުގައި، މިރޭ ޙަރަމްފުޅުގައި ކުރެވުނު ތަރާވީޙް ނަމާދާއި ދަމު ނަމާދުގައި ބައިވެރިވި މީހުންގެ އަދަދު 2.5 މިލިޔަނަށް ވުރެ މަތިވާނެއެވެ. މިއީ ހައްޖު މޫސުމުގައިވެސް ހަރަމްފުޅަށް ޖަމާ ނުވާހައި ގިނަ މީހުންނެވެ.

މީޑިއާތަކުން ރިޕޯޓުކޮށްފައިވާ ގޮތުގައި، މިސްރާއި ބަޙްރައިން އަދި އުރުދުން އާއި މަޣުރިބު އަދި ތުރުކިޔޭގައި ހުންނަ އިޒްރާއީލުގެ އެމްބަސީތައް ހުސްކޮށް މިހާރު ވަނީ އެތަންތަން ބަންދުކޮށްފައެވެ.

އިޒްރޭލުގެ ސިފައިން ހޯމަ ދުވަހު ގާޒާގެ ތިން ސަރަހައްދެއްގައި ދަތުރުކުރަމުން ދިޔަ، ޑަބްލިޔު.ސީ.ކޭގެ ތިން ވެހިކަލަކަށް ޑްރޯން ހަމަލާތަކެއްދީ، އެޖަމިއްޔާގެ 7 ވޮލަންޓިއަރުން މަރާލިއެވެ. އޭގެ ފަހުގައި އިޒްރޭލުން ބުނެފައި ވަނީ އެއީ އެކްސިޑެންޓަކުން ވީކަމެއް ކަމަށެވެ. އަދި އެކަމަށް މަޢާފަށް އެދޭ ކަމަށްވެސް އިޒްރޭލުން ވަނީ ބުނެފައެވެ.

ޔޫއޭއީއަކީ، އިޒްރާއީލާއި އެންމެ ގާތްގުޅުމެއް ބާއްވަމުން އައި އަރަބި އިސްލާމީ ދުނިޔޭގެ ހަމައެކަނި ޤައުމެވެ. އިޒްރޭލަކީ ދައުލަތެއް ކަމުގައި ބަލައިގަންނަ މަދު ޤައުމުތަކުގެ ތެރޭގައިވެސް ޔޫއޭއީ ހިމެނެއެވެ.