އޮސްޓްރޭލިއާގެ ސިޑްނީގެ ބޮންޑީ ޖަންޝަންގެ ޝޮޕިންމޯލްގެ ތެރޭގައި ވަޅިން ހަމަލާދީ 6 މީހުން މަރާލި މީހާ ދެނެގަނެވިފައިވާ ކަމަށާއި އޭނާ އަކީ ނަފްސާނީ ބަލި ހުރި މީހެއް ކަމުގައި އޮސްޓްރޭލިއާ ފުލުހުން ބުނެފިއެވެ.

ވަޅިން ހަމަލާދީ ޝޮޕިންގ މޯލްގެ ތެރޭގައި 6 މީހުން މަރާލި މީހާ ދެނެ ގަނެވިފައިވާ ކަމަށާއި އޭނާއަކީ، އުމުރުން 40 އަހަރުގެ ޖޮއެލް ކޯޗީ ނަމަކަށް ކިޔާ މީހެއް ކަމުގައި އޮސްޓްރޭލިއާއިން ވަނީ ބުނެފައެވެ.

އޮސްްޓްރޭލިއާ ފުލުހުން ބުނީ އެހަމަލާއަކީ ޓެރަރިސްޓް ހަމަލާއެއް ނޫންކަމަށާއި އެއީ ހާދިސާއެއް ކަމަށެވެ. އަދި އެ ހާދިސާ ޓެރަރިސްޓް އެއްވެސް ޖަމާޢަތަކާއި ގުޅުމެއް އޮތް ކަމުގެ ހެއްކެއް ނެތްކަމުގައިވެސް އޮސްޓްރޭލިއާ ފުލުހުން ވަނީ ބުނެފައެވެ.

ވަޅިން ހަމަލާދެމުން ދިޔަ މީހާ ހުއްޓުވުމަށް އޮސްޓްރޭލިއާ ފުލުހުން ދިން ހަމަލާގައި އޭނާ ވަނީ މަރުވެފައެވެ.

ސިޑްނީގައި ދިން މިހަމަލާގައި، 6 މީހުން މަރުވެފައި ވާއިރު އޭގެ ތެރޭގައި 9 މަހުގެ ތުއްތު ކުއްޖެއްގެ މަންމަވެސް ހިމެނެއެވެ. 8 މަހުގެ ކުއްޖާއަށްވެސް އެމީހާ ވަޅިން ހަމަލާ ދީފައިވެއެވެ.

މި ހާދިސާ ފުރަތަމަ ރިޕޯޓު ކުރުމާއި އެކުވެސް ހުޅަނގުގެ މީޑިއާތަކުންވެސް ވަނީ އެހަމަލާ އާއި މުސްލިމުންނާއި ގުޅުވާލުމަށް މަސައްކަތް ކޮށްފައެވެ.