ގެއްލިގެން ހޯދަމުން އަންނަ، އަލީ މުޝްފިގް މުހައްމަދު (25އ)-- ފޮޓޯ: ސޯޝަލް މީޑިއާ
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
ނ. ހޮޅުދޫ ބޯޓުގައި ހިނގި އަލިފާނުގެ ހާދިސާގައި ޒުވާނަކު ގެއްލިއްޖެއެވެ. އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ.
އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.
އަލިފާނުގެ ހާދިސާ ހިނގި ހޮޅުދޫ ބޯޓުން ޖުމުލަ 18 މީހުން ދަތުރުކުރިއެވެ. އޭގެ ތެރޭގައި ހިމެނެނީ 11 ދިވެހިންނާއި 7 ބިދޭސީންނެވެ.
އެމްއެންޑީއެފުން ވިދާޅުވީ ބޯޓުގައި އަލިފާން ރޯވީ، ލ މާވަށުގައި ދުއްވާ “ހޮޅުދޫ ބޯޓު”ގައި ރޯވީ ހިރިލަންދޫއިން ފުރައިގެން މާލެ ދަނިކޮށް ތ. ކަނޑޫދޫ ކައިރިން ކަމަށެވެ.
އަލިފާނުގެ ހާދިސާގައި ބޯޓުގެ މަތީބައި ވަނީ މުޅިން އަނދައިގެން ގޮސްފައެވެ.