އިޒްރޭލާއި ގުޅުން އޮންނަ ކާގޯ ބޯޓެއް ކަމަށްވާ، އެމްސީއެސް އޭރީޒް، ހޮރުމޫޒް ކަނޑު އޮޅިމަތިން އީރާނުގެ އަސްކަރިއްޔާގެ ބެލުމުގެ ދަށަށް ގެންގޮސްފިއެވެ.

އެ ކޮންޓައިނާ އާގުބޯޓު އީރާނުގެ ސިފައިންގެ ބެލުމުގެ ދަށަށް ގެންދިޔައީ، އީރާނުގެ އަސްކަރީ ހެލިކޮޕްޓަރެއްގައި ގޮސް ބޯޓަށް އެރުމަށްފަހުގައެވެ.

ލަންޑަންގެ ޒޮޑިއަކް މެރިޓައިމްއާ ގުޅިފައިވާ ކޮންޓެއިނަރު އާގު ބޯޓު އެމްއެސްސީ އޭރީޒް ޕޯޗުގީޒްގެ ދިދަ ޖަހާފައިވާ ބޯޓެކެވެ. މިކޮންޓެއިނާ ކާގޯ ބޯޓު ދުއްވާ ޒޮޑިއަކް މެރިޓައިމް ކުންފުންޏަކީ، އިޒްރޭލުގެ ޔަހޫދީ ބިލިއަނަރު އެޔަލް އޮފަރގެ ޒޯޑިކް ގްރޫޕްގެ ކުންފުންޏެކެވެ.

Advertisement

އެމްއެސްސީ އޭރީޒް --

އީރާނުން އިޒްރޭލަށް މުދާ އުފުލާ ކާގޯބޯޓު ހިފަހައްޓާފައި ވާއިރު، އިޒްރޭލުން ސީރިއާގައި ހުރި އީރާނުގެ އެމްބަސީއަށް ހަމަލާދީ، އީރާނުގެ އިސސް އޮފިޝަލުންތަކެއް މަރާލުމާއި ގުޅިގެން އީރާނުން އޮތީ އިޒްރޭލަށް ރައްދު ހަމަލާތައް ދޭން ތައްޔާރުވެގެންނެވެ. އިޒްރޭލަށް ނިސްބަތްވާ ބޯޓު ހިފަހައްޓާފައި މިވަނީ ކޮންމެ ވަގުތެއްގައިވެސް އެހަމަލާތައް ފަށައިފާނެ ކަމަށް ބެލެވިފައިވަނިކޮށެވެ.

އިޒްރޭލުން ގާޒާއަށް ދެމުންދާ ހަމަލާތަކާއި ގުޅިގެން ޔަމަނުގެ ހޫތީ ހަނގުރާމަވެރިން ވަނީ ރަތްކަނޑުގެ ތެރެއިން އިޒްރޭލުގެ ޕޯޓު ސިޓީ އީލާތަށް ދަތުރުކުރާ ކާގޯ ބޯޓުތައް އަތުލައިގަނެ ރަތްކަނޑު އިޒްރޭލަށް ބަންދުކޮށްފައެވެ. އެހެންވެ އިޒްރޭލަށް މުދާ އުފުލުމުގައި ބޭނުން ކުރަމުން އައީ ޕާސިއަން ގަލްފެވެ. އީރާނުން ހޮރްމޫޒް ކަނޑު އޮޅި ބަންދުކޮށްފި ނަމަ، އިޒްރޭލަށް އިޤުތިޞާދީ އިތުރު ދަތިތަކާއި ކުރިމަތިވާނެއެވެ.