އީރާނުގެ ފިދާއީ ޑްރޯން ހަމަލާތައް އިޒްރޭލާ ދިމާއަށް ފޮނުވާލައިފި ކަމުގައި ބައިނަލްއަޤުވާމީ މީޑިއާތަކުން ރިޕޯޓްކުރަން ފަށައިފިއެވެ.

އިޒްރާއީލާއި ދިމާއަށް އީރާނުން ފޮނުވާލާފައި ވަނީ، ޝަހީދު136 ނަން ދީފައިވާ ޑްރޯންތަކެކެވެ. އީރާނުގެ 50 ވުރެ ގިނަ ޑްރޯން އިޒްރޭލާއި ދިމާއަށް ފޮނުވާލާފައި ވާއިރު، ޑްރާންހަމަލާތައް އިޒްރޭލާއި ހަމައަށް ފޯރުމަށް ގަޑިއެއްގެ އިރު ނަގާނެ ކަމުގައި، އިޒްރޭލުގެ އަސްކަރިއްޔާއިން ވަނީ ބުނެފައެވެ.

އީރާނާ ގުޅުން ހުރި މީޑިއާތަކުން ހާމަކޮށްފައިވާ ގޮތުގައި، އީރާނުން ދަނީ އިޒްރޭލަށް ސައިބަރ ހަމަލާތައްވެސް ދެމުންނެވެ. މިގޮތުން އިޒްރޭލުގެ އަސްކަރީ ރާޑަރުތައް ހެކްކޮށް، އިޒްރޭލްގެ މައި ކަރަންޓް ވިއުގަ ހެކްކްކޮށް ތެލްއަވީވާއި އެހެންވެސް އިޒްރޭލުގެ މުހިއްމު ބައެއް ސިޓީތަކުން ވަނީ ކަރަންޓުގެ ޚިދުމަތް ކަނޑާލާފައެވެ.

އީރާނުގެ ހަމަލާތަކަށް ފުރިހަމައަށް ތައްޔާރުވެ އޮތް ކަމަށް އިޒްރޭލުން ބުނެފައިވާއިރު، އިޒްރޭލުގެ ސްކޫލުތަކާއި އޮފީސްތައް މިއަދުންފެށިގެން ބަންދުކޮށް އެއްވުންތައް ނުބޭއްވުމަށް އިޒްރޭލު ސަރުކާރުން ވަނީ އަންގާފައެވެ.

އިޒްރޭލަށް ފިދާއީ ޑްރޯންތަކުން ދޭ ހަމަލާތައް އީރާނުން ފަށާފައިވާއިރު ދެކުނު ލުބުނާނުން ދަނީ އިޒްރޭލުން ހިފާފާއިވާ ގޯލާނުގެ ސަރަހައްދުތަކަށާއި އިޒްރޭލުގެ އުތުރުގެ ސިޓީތަކަށް ރޮކެޓް ހަމަލާތައްދީ އިޒްރޭލުގެ އަޔަންޑޯމްއަށް މަތަ ނުވާވަރު ކުރަމުންނެވެ.

މީގެ އިތުރުން އިރާގުގެ ތެރެއިން މުޖާހިދުން އިޒްްރޭލަށް އަމާޒުކޮށް ހަމަލާތައް ދޭން ފަށާފައިވާ ކަމުގައި ރިޕޯޓްތައް ބުނެއެވެ.

އެމެރިކާގެ ރައީސް ޖޯ ބައިޑަންގެވެސް ރަސްމީ ދަތުރުފުޅެއް ކުރުކޮށްލެއްވުމަށްފަހު އެނބުރި ވޮޝިންޓަނަށް ދަތުރު ކުރަމުންދާ ކަމުގައިވެސް ރިޕޯޓްތައް ބުނެއެވެ.