ގާޒާގައި ޤަތުލު އާއްމުތައް ހިންގަމުންދާ ޔަހޫދީ ސިފައިންގެ އެއް ޔުނިޓުގައި ހިމެނޭ އެންމެން މުޖާހިދުން ދިން ހަމާލާއެއްގައި މަރާލައިފިއެވެ.

އިޒްރޭލުން ވަނީ، ޔަހޫދީ ސިފައިންގެ ހަތަރު މީހަކު، ޚާންޔޫނުސްގައި މުޖާހިދުން ދިން ހަމަލާއެއްގައި މަރުވެފައިވާ ކަމަށް ބުނެފަައެވެ. އެހެން ނަމަވެސް އެހަމަލާގައި މަރުވީ، 14 ސިފައިން ކަމަށާއި ފާއިތުވި 24 ގަޑިރުގެ ތެރޭގައި ޚާން ޔޫނުސްގައި ޔަހޫދީ ސިފައިންގެ ޖުމުލަ 21 މީހުން މަރާލާފައިވާ ކަމުގައި ގާޒާގެ ޚަބަރުތައް ގެނެސްދޭ ބައެއް މަސްދަރުތަކުން ބުނެފައިވެއެވެ. މަރާލި ގުރޫޕުގައި ހިމެނޭ ޔަހޫދީ ސިފައިންގެ ތެރޭގައި، ގާޒާގައި ތުއްތު ކުދިން ޝަހީދު ކުރުމަށް ފަހު އެކަން ފާހަގަކޮށް ފަލަސްޠީނުގެ މީހުންނަށް މަލާމާތް ކުރި ޔަހޫދީ ސިފައިންގެ މީހަކުވެސް ހިމެނެއެވެ. މަރުވިކަމަށް އިޒްރޭލުން ބުނި ހަތަރު ސިފައިންގެ ތެރޭގައި ހިމެނެނީ އުމުރުން 20 އަހަރުގެ ތިން މީހުންނާއި 21 އަހަރުގެ އެކެކެވެ.

މީގެ ކުރިންވެސް ގާޒާގެ އުތުރުގައި މުޖާހިދުން ދިން ހަމަލާއެއްގައި، ޔަހޫދީ ސިފައިންގެ އެއްޔުނިޓުގައި ހިމެނޭ 10 މީހުން އެއްފަހަރާ މަރާލާފައިވެއެވެ. ހަނގުރާމައިގައި ޔަހޫދީ ސިފައިންގެ ގިނަ އަދަދެއްގެ މީހުން މަރުވެފައި ވާއިރު، މަރުވާ ސިފައިންގެ ސާފު އަަދަދެއް އިޒްރޭލުން ހާމައެއް ނުކުރެއެވެ.