ރޭ އީރާނުން އިޒްރޭލަށް އަމާޒުކޮށް ފިދާއީ ޑްރޯންތަކުންނާއި ބެލެސްޓިކް މިސައިލްތަކުން ދިން ހަމަލާތައް ހުއްޓުވުމަށް އިޒްރާއީލާއި އެމެރިކާ އިނގިރޭސި ވިލާތާއި އުރުދުން އަދި ސަޢޫދީ ޢަރަބިއްޔާއިން ގުޅިގެން މަސައްކަތް ކުރި ނަމަވެސް ބައެއް މިސައިލްތައް އަމާޒަށް ވާސިލްވެފައިވާ ކަަމަށާއި، އިޒްރޭލްގެ ރާމަން އެއާބޭސްއަށް ބޮޑެތި ގެއްލުންތަކެއް ލިބިފައިވާ ކަމުގައި ރިޕޯޓްތައް ބުނެފިއެވެ.

އީރާންގެ ހަމަލާތަކުގައި އިޒްރޭލަށް ލިބުނު ގެއްލުމުގެ ތަފްސީލްތަކެއް ނޭނގެއެވެ. އެހެން ނަމަވެސް އިޒްރޭލުގެ ބައެއް ނޫސްތަކުން ރިޕޯޓްކޮށްފައިވާ ގޮތުގައި، ޔަހޫދީން އާބާދުކޮށްފައިވާ ހުޅަނގު ޤުދުސް އަށާއި، ތެލްއަވީވަށް އަދި އީލާތަށް ވަނީ ހަމަލާތައް އަރާފައެވެ.

ހަމަލާތަކުގައި އެންމެ ބޮޑު ގެއްލުމެއް ލިބިފައިވާ ކަަމަށް ރިޕޯޓްކޮށްފައި ވަނީ ރާމަން އެއާ ބޭސްއަށެވެ. މީގެ އިތުރުން، އިޒްރޭލުން 10 އަހަރުގެ ކުޑަކުއްޖަކު މަރުވިކަމަށާއި އިތުރު މީހަކަށް ހޮސްޕިޓަލުފައި ފަރުވާދެމުންދާކަމަށް ބުނެފައިވެއެވެ.

އީރާނުން ބުނެފައި ވަނީ، އިރާނުން ދިން ބަދަލު ހިފުމުގެ ހަމަލާތަކާއި ގުޅުވައި އިޒްރޭލަށް އީރާނަށް އިތުރު ހަމަލާއެއް ދީފިނަ މިއަށްވުރެ ވަރުގަދަ ހަމަލާއެއް ދޭނެ ކަމަށެވެ.