ޣައްޒާގެ އިންޑޮނޭޝިއަން ހޮސްޕިޓަލްގެ މައި ޖަނަރޭޓަރ ތެޔޮ ހުސްވުމުގެ ސަބަބުން މިހާރުވަނީ ހުއްޓިފަ. އަދި މިހާރު ބޭނުންކުރަނީ ބެކަޕް ޖަނަރޭޓަރު. މިކަމުގެ ސަބަބުން ހޮސްޕިޓަލްގެ އޮކްސިޖަން ސަޕްލައި ހުއްޓިފައިވާއިރު، ވެންޓިލޭޓަރުތަކާއި އޭސީތައް ވެސް ދެން ބޭނުމެއް ނުކުރެވޭނެ. އަދި މާގިނަ ދުވަހެއް ނުވެ މުޅި ހޮސްޕިޓަލް އެއްކޮށް ހުއްޓުމަކަށް އަންނާނެ ކަމަށް ޣައްޒާގެ ހެލްތް މިނިސްޓްރީއިން ހާމަކުރޭ.

ބޮލީވިއާއިން އިޒްރޭލާއިއެކު ޤާއިމްކޮށްފައިވާ ސިޔާސީ ގުޅުންތައް ކަނޑާލިކަން އެޤައުމުން ހާމަކުރީ އިއްޔެއެވެ. ބޮލީވިއާއިން އިޒްރޭލާއިއެކު ޤާއިމްކޮށްފައިވާ ސިޔާސީ ގުޅުންތައް ކަނޑާލީ، އިޒްރޭލުން ޣައްޒާގައި ހިންގަމުންދާ ޤަތުލްއާއްމުތަކާއި ދެކޮޅު ހެދުމުގެ ގޮތުންނެވެ.

ގިނަ އަދަދެއްގެ ބަޔަކު ދިރިއުޅެމުންދިޔަ ޖަބަލިޔާ ކޭމްޕަށް އިސްރާއީލުން ދިން ހަމަލާތަކުގައި މިހާތަނަށް ގިނަ ބަޔަކު މަރުވެފައިވާކަމަށް ކަށަވަރުވެފައިވޭ. މީގެ އިތުރުން ގިނަ ބަޔަކަށް ވަނީ އެކިވަރުގެ އަނިޔާތައް ލިބިފަ. މި ސަރަޙައްދުން މީހުންގެ ހަށިގަނޑުތައް ހޯދުމުގެ މަސައްކަތް މިހާރު ކުރިޔަށްދޭ.

އިޒްރޭލުގެ ނިއުކްލިއަ ފެސިލިޓީއަށް ހަމަލާދޭނެ ކަމުގެ އިންޒާރުދީފައި ވަނީ، ޔަމަނުގެ އަންސާރުﷲ ޖަމާއަތުންނެވެ. އެޖަމާއަތަކީ، ދުރު ރާސްތާ މިސައިލްތަކުން ހަމަލާ ދިނުމުގެ ޤާބިލްކަން އޮތް ޖަމާޢަތެކެވެ. އެޖަމާއަތުން ވަނީ އިޒްރޭލުގެ ނިއުކުލިއަ ފެސިލިޓީގެ އޭރިއަލް ފޮޓޯއެއް އާއްމުކޮށް، އެޖަމާޢަތުން ހަމަލާ ދިނުމަށް ފަސް ނުޖެހޭނެ ކަމުގައި ބުނެފައެވެ.

ހޫތީ ހަނގުރާމަވެރިން ވަނީ، މީގެ ކުރިންވެސް އިޒްރޭލަށް އަމާޒްކޮށް ބެލެސްޓިކް މިސައިލެއް ފޮނުވާލާފައެވެ. އެހެން ނަމަވެސް ސަޢޫދީ އަރަބިއްޔާގެ މަތިން އެ މިސައިލް ދަތުރުކުރަނިކޮށް، އެމެރިކާގެ މިސައިލުން ދިފާއުވާ ނިޒާމްތައް ބޭނުންކޮށްގެން އެ މިސައިލް ވަނީ ވައިގެ ތެރޭގައި ގޮއްވާލާފައެވެ.

މި ހަމަލާތައް ބަދަލުކޮށްފައިވަނީ، ޣައްޒާގެ އުތުރުގެ އަވަށެއް ކަމުގައިވާ ބައިތު ހަނޫންގައެވެ. ހަމާސްއިން ބުނެފައިވަނީ، ޣައްޒާގެ އުތުރުން ވަދެގަތް އިޒްރޭލު ސިފައިންނަށާއި ޓޭންކަރުތަކަށް އަދި އަސްކަރީ އުޅަނދުތަކަށް މުޖާހިދުން ހަމަލާދީފައިވާ ކަމަށެވެ.

ޣައްޒާގެ ޖަބަލިއާ ރެފިއުޖީކޭންޕަށް އިޒްރާއީލުގެ ހައްދުފަހަނަ އެޅި ސިފައިން ވަނީ 6 މިސައިލުން ހަމަލާދީފައެވެ. އެއިން ކޮންމެ މިސައިލެއްގައި އެއްޓަނުގެ ގޮވާތަކެތި ހުރި އިރު، އެކޭމްޕްގައި ވަނީ، ބޮޑެތި ފުން ވަޅުގަނޑުތައް ހެދިފައެވެ.

ހަމާސްއިން އާންމުކޮށްފައިވާ ވީޑިއޯއެއްގައި އަސީރުން ބަދަލުކުރުމަށް ޑިމާންޑްކޮށް، އަދި އިސްރާއީލު ސަރުކާރުން އެ ގައުމުގެ މީހުން ރައްކާތެރި ކުރުމުގެ މަސައްކަތް ނުކުރާތީ އެކަމަށް ފާޑުކިޔާފައިވޭ. އިސްރާއީލުން މި ވީޑިއޯއާ ގުޅިގެން ބުނަނީ އެއީ ހަމާސްގެ "ސައިކޮލޮޖިކަލް ޕްރޮޕެގެންޑާ" އެއް ކަަމަށް.

ލުއިސް ޑިއާޒްގެ ބައްޕަ ހޯދުމަށް ފުލުހުންނާއި ސިފައިން ގުޅިގެން ބޮޑު މިލިޓަރީ އޮޕަރޭޝަނެއް މިހާރު ފަށާފައިވާއިރު، މި އިދާރާތަކުންވަނީ ޑިއާޒްގެ ބައްޕަ ހޯދުމަށް މައުލޫމާތު ދޭ ފަރާތަކަށް 40،000 ޕައުންޑު ދޭނެކަމަށް އިއުލާންކޮށްފައެވެ. ފުލުހުންނާއި ސިފައިން ކުރިޔަށް ގެންދާ އޮޕަރޭޝަންގައި 120 ސިފައިންގެ އިތުރުން ގިނަ އަދަދެއްގެ ފުލުހުން އަންނަނީ ހަރަކާތްތެރިވަމުންނެވެ.

ޔަހޫދީންގެ ކައްފާރާ ދުވަހާއި ދިމާކޮށް، ހިފާފައިވާ ފަލަސްޠީނުގެ ބިމުގައި އިޒްްރާއީލުން ބޭއްވި ނޯވާ މިޔުޒިކް ފެސްޓިވަލްގެ ތެރެއިން ހަމާސްއިން އަސީރުންގެ ގޮތުގައި ޣައްޒާއަށް ގެންދިޔަ މީހުންގެ ތެރޭގައި، ޝާނީ ހިމެނޭކަމަށް އިޒްރޭލުން ކުރިން ބުނެފައިއެވެ. އަދި އޮރިހާން ހާލުގައި ޕިކަޕަކަށްލައިގެން ގެންދަނިކޮށް ފެނުނީ، ޝާނީގެ ހަށިގަނޑުކަމަށްވެސް ހަމަލާގެ ކުރީކޮޅު އިޒްރޭލުން ބުނެފައިވެއެވެ.

ބެއިތު ހަނޫންއަށް ވަންނަ ހިސާބުގައި އިސްރާއީލާއި ހަމާސްއާ ދެމެދު ކުރިމަތިލުންތަކެއް ހިނގާފައިވޭ. ހަމާސްއިން ބުނަނީ މި ކުރިމަތިލުންތަކުގައި އިސްރާއީލުގެ ބައެއް ސިފައިން މަރާލާފައިވާ ކަމަށް، ނަމަވެސް އިސްރާއީލުން ހަމައެކަނި ބުނެފައިވަނީ އޮފިސަރަކާއި ސިފައިންގެ މީހަކަށް އަނިޔާވެފައިވާ ކަމަށް.

އިނގިރޭސިވިލާތުގެ ލިވަރޕޫލް ފުޓުބޯޅަ ކުލަބަށް މިދިޔަ ސީޒަނުގައި ބަދަލުވި ކޮލްމަބިއާގެ ހަލުވި މިޑްފިލްޑަރ، ލުއިޒް ޑިއާޒްގެ މަންމަ އާއި ބައްޕަ ހޮނިހިރު ދުވަހު ކޮލަންބިއާގައި ރަހީނުކޮށްފިއެވެ.

ތުރުކިއާއެކު ޤާއިމްކޮށްފައިވާ ހުރިހާ ގުޅުމެއް ކަނޑާލިކަން އިޒްރޭލުން އިއްޔެ ހާމަކޮށްފައި ވަނީ އިޒްރޭލުން ޣައްޒާގެ އާއްމު ރައްޔިތުންނާއި ދެކޮޅަށް ހިންގަމުންދާ ޤަތުލްއާއްމުތަކާއި ގުޅިގެން ތުރުކިޔޭގެ ރައްޔިތުން އިސްތަންބުލްގައި އިޒްރޭލާއި ދެކޮޅަށް ވަރުގަދަ މުޒާހަރާތަކެއް ފަށާފައި ވަނިކޮށެވެ. ރުޅިއަރައިގެންފައިވާ އާއްމުން ވަނީ އިސްތަންބުލްގައި ހުންނަ އިޒްރޭލުގެ ކޮންސިއުލޭޓަށް ދެފަހަރެއްގެ މަތިން ހަމަލާދީފައެވެ.

ހުކުރުދުވަހުގެރޭ އިޒްރޭލުގެ ހައްދުފަހަނަ އެޅި ސިފައިން އުތުރު ޣައްޒާއަށް 3 ދިމާލަކުން ވަދެގަތުމާއި ދިމާކޮށް، މުޅި ޣައްޒާއިން ވަނީ މުވާޞަލާތީ ޚިދުމަތްތައް ކަނޑާލާފައެވެ. ޣައްޒާއިން މުވާސަލާތީ ޚިދުމަތް ކަނޑާލީ އެކަމަށް އިޒްރޭލުން އިންޒާރު ދިނުމަށްފަހުގައި ނަމަވެސް ފަހުން އިޒްރޭލުން ވަނީ އެކަމަށް އިންކާރުކޮށްފައެވެ.

ހަމާސްގެ ޖަލުތަކުގައި ތިބި އިސްރާއީލުގެ ގައިދީން ބަދަލުކުރުމަށް ހަމާސްއިން ތައްޔާރަށް އޮތް ކަމަށް، ޣައްޒާގައި ހުންނަ ހަމާސްގެ ލީޑަރު ޔަހްޔާ ސިންވާރު ބުނެފި. މި ބުނުމާ ގުޅިގެން ފަލަސްތީނުގެ ގައިދީންނަށް އަސީރުން ބަދަލުކުރުމުގެ އެއްބަސްވުމެއްގެ ޚިޔާލު އިސްރާއީލުގެ ހަނގުރާމައިގެ ކެބިނެޓްގެ ތެރޭގައި ދެކެވުނު ނަމަވެސް އެކަމާ މެދު އެއްވެސް ނިންމުމެއް ނިންމާފައި ނުވާ ކަމަށް އިސްރާއީލުގެ ލީޑަރަކު ހާމަކުރޭ.