މިއީ ހަމާސް އާއި އިޒްރޭލު ސިފައިންނާ ދެމެދު ކުރިޔަށްދާ ހަނގުރާމައިގެ 24 ވަނަ ދުވަސް،30 އޮކްޓޯބަރ 2023 ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 ހަމާސްއިން އާންމުކޮށްފައިވާ ވީޑިއޯއެއްގައި އަސީރުން ބަދަލުކުރުމަށް ޑިމާންޑްކޮށް، އަދި އިސްރާއީލު ސަރުކާރުން އެ ގައުމުގެ މީހުން ރައްކާތެރި ކުރުމުގެ މަސައްކަތް ނުކުރާތީ އެކަމަށް ފާޑުކިޔާފައިވޭ. އިސްރާއީލުން މި ވީޑިއޯއާ ގުޅިގެން ބުނަނީ އެއީ ހަމާސްގެ "ސައިކޮލޮޖިކަލް ޕްރޮޕެގެންޑާ" އެއް ކަަމަށް.

🔴 އިސްރާއީލުން ޣައްޒާގައި ހިންގި މިލިޓަރީ އޮޕަރޭޝަނެއްގައި ހަމާސްގެ ބެލުމުގެ ދަށުގައި ބަހައްޓާފައި ހުރި އިސްރާއީލް ސިފައިންގެ މީހަކު ދޫކޮށްލާފައިވާކަމަށް އިސްރާއީލުން ބުނެފި.

Advertisement

🔴 ހަމާސް-އިސްރާއީލް ހަނގުރާމަ މެދުކަނޑާލުމަށް ގޮވާލަމުންދާ ގޮވާލުމަށް އިސްރާއީލުގެ ޕްރައިމް މިނިސްޓަރ ނަތަންޔާހޫ އެއްބަހެއް ނުވޭ. 

🔴 އިސްރާއީލުގެ ވައިގެ ހަމަލާއަކުން ތުރުކީ-ފަލަސްތީނުގެ ފްރެންޑްޝިޕް ހޮސްޕިޓަލަށް ބޮޑެތި ގެއްލުންތަކެއް ލިބިފައިވާއިރު، އަންކާރާއިން ވަނީ ވަރަށް ބޮޑަށް އިސްރާއީލުގެ މި އަމަލު ކުށްވެރިކޮށްފަ.

🔴 އިސްރާއީލުން ދިން ހަމަލާތަކެއްގައި ފަލަސްތީނުގެ ރެޑް ކްރެސެންޓު ޖަމާއަތުގެ ގުދަންތަކަކަށް ގެއްލުން ލިބިފައިވާކަމަށް އެ ޖަމްއިއްޔާއިން ބުނެފި. 

🔴 މެދުކެނޑުމެއްނެތި އިސްރާއީލުން ޣައްޒާއަށް ބޮންއަޅަމުންދާތީ، ޣައްޒާއަށްވަނީ މީގެ ކުރިން ދުވަހަކުވެސް ހީނުކުރާ މިންވަރަށް ބޮޑެތި ގެއްލުންތައް ލިބިފައިކަމަށް، ޔޫނައިޓެޑް ނޭޝަންސް ރިލީފް އެންޑް ވޯކްސް އެޖެންސީ (ޔޫ.އެން.އާރު.ޑަބްލިޔު.އޭ) ގެ ޗީފް، ފިލިޕް ލަޒާރިނި ބުނެފި.

🔴 ޣައްޒާގެ އުތުރުގެ ހޮސްޕިޓަލްތަކަށް ބޭނުންވާތަކެތި މިހާރު ފޯރުކޮށްދެވެމުން ނުދާކަމަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ބުނެފި.

🔴 އޮކްޓޯބަރ 7 ން ފެށިގެން އިސްރާއީލުން ފަލަސްތީނަށް ދެމުންގެންދާ ހަމަލާތަކުގައި އެ ގައުމުގެ 8،306 މީހަކު މިހާތަނަށް މަރުވެފައިވޭ. ހަމާސްގެ ހަމަލާތަކުން މަރުވެފައިވަނީ އިސްރާއީލުގެ 1400 މީހުން.