މިއީ ހަމާސް އާއި އިޒްރޭލު ސިފައިންނާ ދެމެދު ކުރިޔަށްދާ ހަނގުރާމައިގެ 25 ވަނަ ދުވަސް، 31 އޮކްޓޯބަރ 2023 ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 ގިނަ އަދަދެއްގެ ބަޔަކު ދިރިއުޅެމުންދިޔަ ޖަބަލިޔާ ކޭމްޕަށް އިސްރާއީލުން ދިން ހަމަލާތަކުގައި މިހާތަނަށް ގިނަ ބަޔަކު މަރުވެފައިވާކަމަށް ކަށަވަރުވެފައިވޭ. މީގެ އިތުރުން ގިނަ ބަޔަކަށް ވަނީ އެކިވަރުގެ އަނިޔާތައް ލިބިފަ. މި ސަރަޙައްދުން މީހުންގެ ހަށިގަނޑުތައް ހޯދުމުގެ މަސައްކަތް މިހާރު ކުރިޔަށްދޭ. އަދި މި ހަމަލާގެ ސަބަބުން އަރަބި ގިނަ ގައުމުތައް ދަނީ މިކަމާ ނުރުހުން ފާޅުކުރަމުން.

🔴 އިސްރާއީލުން ވަނީ ޖަބަލިޔާ ކޭމްޕަށް ހަމަލާ ދިންކަމަށް އެއްބަސްވެފަ. އެމީހުން ބުނާގޮތުން، އެތަނަށް ހަމަލާދީފައިވަނީ އެތާ ހުރި ހަމާސް ކޮމާންޑަރަކަށް އަމާޒުކޮށް. ނަމަވެސް ހަމާސްގެ ކޮމާންޑަރަކު އެތާ ނުހުންނާނެކަމަށް ހަމާސް އިން ބުނޭ.

Advertisement

🔴 ޣައްޒާގައި ހިންގަމުންދާ މިލިޓަރީ ރެއިޑްތަކުގައި ގިނަ ކުރިއެރުންތަކެއް ހޯދާފައިވާކަމަށް އިސްރާއީލުން ބުނެފި. އެގޮތުން ހަމާސްގެ 50 ހަނގުރާމަވެރިން މަރާލާ އަދި ހަމާސްގެ ހަމަލާތަކުގެ ފަހަތުގައި ތިބި މުހިންމުބަޔަކު ހޯދާ ހައްޔަރުކޮށްފައިވާކަމަށް ބުނޭ. 

🔴 އެހީގެ 66 ޓްރަކް ޣައްޒާއަށް ވަދެފައިވާކަމަށް އެމެރިކާއިން ބުނޭ. ނަމަވެސް ތެޔޮ ފޯރުކޮށްދީފައެއް ނުވޭ.

🔴 ޣައްޒާގެ ހެލްތް މިނިސްޓްރީއިން ވަނީ މުޅި ދުނިޔެއަށް އާދޭހުގެ އިންޒާރެއް ފޮނުވާފަ. އެ މިނިސްޓްރީއިން ބުނީ، ޣައްޒާގައި ހުރި އެންމެ ބޮޑު ދެ ހޮސްޕިޓަލުގެ ޖެނެރޭޓަރުތައް ދެން މަސައްކަތްކުރާނީ މަދު ގަޑިއިރުތަކެއް ކަމުގައާއި، އެއަށްފަހު އެއްކޮށް އެ ދެ ހޮސްޕިޓަލުގެ ހިންގުން ހުއްޓުމަކަށް އަންނާނެކަމަށް. 

🔴 ހިފާފައިވާ ހުޅަނގު އައްސޭރީގައި އަނިޔާވެރިކަން އިތުރުވަމުންދާތީ އީޔޫ އާއި އެމެރިކާގެ އޮފިޝަލުން ކަންބޮޑުވުން ފާޅުކޮށްފައިވާއިރު، އޮކްޓޯބަރު މަހުގެ 7 ވަނަ ދުވަހުން ފެށިގެން އިސްރާއީލު ސިފައިން ވަނީ ހުޅަނގު އައްސޭރިން މަދުވެގެން 121 ފަލަސްތީނު މީހުން މަރާލާފައިކަމަށް އދ. އިން ހާމަކުރޭ.

🔴 އިސްރާއީލުގެ ސިފައިންނާއި ލުބުނާނުގެ ހިޒްބުالله ޖަމާއަތާއި ދެމެދު ބޯޑަރު ހުރަސްކޮށް ހަމަލާތައް ކުރިއަށްދާއިރު، ހަނގުރާމަ ފެށުނު ފަހުން އިސްރާއީލުގެ ދެކުނަށް ތިން ހަމަލާއެއް ދީފައިވާނެކަމަށް ޔަމަނުގައި ތިބި ހޫތީން ބުނޭ.

🔴 އެމެރިކާގެ ޚާރިޖީ ވަޒީރު އެންޓޯނީ ބްލިންކެން ހުކުރު ދުވަހު އަނެއްކާވެސް އިސްރާއީލަށް ޒިޔާރަތްކުރާނެކަމަށް އެމެރިކާގެ ސްޓޭޓް ޑިޕާޓްމަންޓުން ވަނީ ކަށަވަރުކޮށްދީފަ.

🔴 ބޮލިވިއާއިން، އިސްރޭލާއި ދެމެދު އޮތް ހާރިޖީ ގުޅުން ކަނޑާލާފައިވާކަމަށް އިއުލާންކޮށްފި.