މިއީ ހަމާސް އާއި އިޒްރޭލު ސިފައިންނާ ދެމެދު ކުރިޔަށްދާ ހަނގުރާމައިގެ 29 ވަނަ ދުވަސް،04 ނޮވެމްބަރ 2023 ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 ޖަބަލިއާ ރެފިއުޖީ ކޭމްޕްގައި ހުރި ސްކޫލަކަށް އިސްރާއީލުން ދިން ހަމަލާގައި މަދުވެގެން 15 މީހުން މަރުވެފައިވާކަމަށް ރިޕޯޓްތައް ބުނޭ. 

🔴 ޣައްޒާގެ ހެލްތް މިނިސްޓްރީއިން ހާމަކޮށްފައިވާ ގޮތުގައި، އޮކްޓޯބަރ 7 އިން ފެށިގެން އިސްރާއީލުން ދެމުންގެންދާ ހަމަލާތަކުގައި މިހާތަނަށް ފަލަސްތީނުގެ 9،448 މީހުން މަރުވެފައިވާކަމަށް ކަށަވަރުކުރެވިފައިވޭ.

🔴 ދުނިޔޭގެ އެކިކަންކޮޅުތަކުގައި އެތައް ހާސް ބަޔަކު އެއްވެ، ހަނގުރާމަ ހުއްޓާލުމަށް ގޮވަމުން ދާ އަޑުތައް އަނެއްކާވެސް އަންނަނީ ގަދަވަމުން. މީގެތެރޭގައި އެމެރިކާގެ ވޮޝިންގްޓަން އަދި ކެނަޑާގެ ޓޮރޮންޓޯ ހިމެނޭ.

🔴 ޣައްޒާގެ އުތުރު ސަރަހައްދުތަކަށް އިސްރާއީލުން ވަނީ ގިނަ ހަމަލާތަކެއް ދީފައި.

🔴 އެމެރިކާގެ ރައީސް ޖޯ ބައިޑަން ބުނާ ގޮތުން، ހަނގުރާމަ ހުއްޓާލުމާ ގުޅޭގޮތުން އިސްރާއީލާ ކުރެވޭ މަޝްވަރާތަކުގައި ކުރިއެރުންތަކެއް ލިބިފައިވޭ.

🔴 އެމެރިކާގެ އިތުރު މަނަވަރެއް މެދުއިރުމައްޗަށް ފޮނުވާފައިވޭ. އެމެރިކާއިން ބުނީ، އެއީ ހަނގުރާމަ އިތުރަށް ފުޅާވިޔަނުދިނުމަށް އެޅި ފިޔަވަޅެއްކަމަށް.

🔴 ހަނގުރާމައާ ގުޅޭ ބައެއް ތަފާސްހިސާބު:

·      27 އެމްބިއުލެންސް ވަނީ ބޭނުން ނުކުރެވޭވަރަށް ހަލާކުކޮށްލާފަ

·      ސިއްޙީ ހިދުމަތްދޭ 105 ތަނަކަށް ހަމަލާދީ އެ ތަންތަނުގެ ހިންގުން ހުއްޓުމަކަށް ގެނުވާފައިވޭ

·      ފަލަސްތީނުގެ 3 ޔުނިވާސިޓީއަކަށް ހަމަލާދީ، އެ ތަންތަން ނެތިކޮށްލާފައިވޭ

·      އާންމުން ދިރިއުޅޭ ޖުމްލަ 8،500 އަށް ވުރެން ގިނަ އިމާރާތް ބިމާހަމަކޮށްފައިވޭ

·      ގާތްގަނޑަކަށް 220،000 އެއްހާ އެޕާޓްމަންޓްސް ގޮއްވާލާފައިވޭ

·      އިތުރު 40،000 އެޕާޓްމެންޓަކަށް ވަނީ މީހުންނަށް ދިރިނޫޅެވޭ ވަރަށް ގެއްލުންދީފަ

·      220 ސްކޫލް އިމާރާތައް އަމާޒުކޮށް ހަމަލާދީފައިވާއިރު، 60 އިމާރާތެއް ދެން ބޭނުމެއް ނުކުރެވޭނެ

·      ސަރުކާރުގެ ޖުމްލަ 88 އިމާރާތަކަށް ހަމަލާދިނީ އެތަންތަން މުޅިން ނައްތާލާފައިވޭ

·      55 މިސްކިތަކެއް މުޅިން ނައްތާލާފައިވޭ