ފަލަސްޠީނުގެ މިނިވަންކަމަށްޓަކައި ޖިހާދު ކުރަމުން އަންނަ މުޖާހިދުންގެ ހަމަލާތަކުގައި މިހާތަނަށް އިޒްރޭލު ސިފައިންގެ 332 މީހުން މަރާލާފައިވާ ކަމުގައި އިޒްރޭލުގެ އަސްކަރިއްޔާއިން ބުނެފިއެވެ.

އިޒްރޭލުގެ އަސްކަރިއްޔާއި ހާމަކޮށްފައިވާ ގޮތުގައި ޣައްޒާގައި މިއަދު ހިނގި ކުރިމަތިލުންތަކުގައިވެސް އިޒްރޭލު ސިފައިންގެ 3 މީހަކު މަރުވެފައިވެއެވެ. އަދި ހުޅަނގު އައްސޭރީގައިވެސް އިޒްރޭލުގެ އަސްކަރީ އުޅަނދަކަށް މުޖާހިދުން ހަމަލާދީ، އިޒްރާއީލް ސިފައިންގެ މީހަކު މިއަދު ވަނީ މަރާލާފައެވެ. މީގެ އިތުރުން އަންގާރަ ދުވަހު، ހަމާސް ޖަމާއަތުން ވަނީ އިޒްރޭލުގެ ސިފައިންގެ ތެރެއިން އެއް ގައްޒާއަށް ވަތް އެއްގުރޫޕް ތިބި ޓޭންކަރެއް ގޮއްވާލައި އެއްފަހަރާ އިޒްރޭލު ސިފައިންގެ 10 މީހުން މަރާލާފައެވެ.

އިޒްރޭލު ސިފައިން ބަރު ހަތިޔާރާއިއެކު ޣައްޒާގެ ތެރެއަށް ވަދެފައި ވާއިރު، ޣައްޒާއިން އިޒްރޭލު ސިފައިންނާއި ކުރިމަތިވާ ގޮންޖެހުންތަކާއި ލިބޭ ގެއްލުންތައް ބޮޑު ކަމުގައި އިޒްރޭލުގެ ޑިފެންސް މިނިސްޓަރު ވަނީ ވިދާޅުވެފައެވެ.

Advertisement

އޮކްޓޫބަރު މަހުގެ 7 ވަނަ ދުވަހު އިޒްރޭލާއި ހަމާސް ޖަމާޢަތާއި ދެމެދު ފެށުނު ހަނގުރާމައިގައި، އިޒްރޭލުން ހަމަލާދީ ޝަހީދުކޮށްލި ފަލަސްޠީނުގެ މީހުންގެ އަދަދު ވަނީ ދިހަ ހާހަށް ވުރެ މަތިވެފައެވެ.