މިއީ ހަމާސް އާއި އިޒްރޭލު ސިފައިންނާ ދެމެދު ކުރިޔަށްދާ ހަނގުރާމައިގެ 27 ވަނަ ދުވަސް، 02 ނޮވެމްބަރ 2023 ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 އިސްރާއީލުން ބުނެފައިވާ ގޮތުގައި އެ ގައުމުގެ އަސްކަރިއްޔާއިން ވަނީ މިހާރު މުޅި ޣައްޒާ ވަށާލާފައި. އަދި އަސްކަރިއްޔާގެ ތަރުޖަމާނު ބުނާގޮތުން، ހަނގުރާމަ މެދުކަނޑާލުމަކީ އެމީހުންގެ އެއްވެސް ޕްލޭނެއްގައި އޮތް ކަމެއް ނޫން.

🔴 އިސްރާއީލު ސިފައިން މުޅި ޣައްޒާ ސިޓީއަށް ވެރިވެ ގަންނަން މަސައްކަތް ކުރަމުންދާ މި ދަނޑިވަޅުގައި ވެސް ޣައްޒާ ސިޓީގެ އެތައް އާންމުންނެއް، މި ކަމުގައި އޮތް ނުރައްކާ ބޮޑު ނަމަވެސް، ދަނީ ފިލައިގެން ސިޓީގެ ދެކުނަށް ދިއުމަށް މަސައްކަތް ކުރަމުން. 

🔴 އަލް-ޝިފާ ހޮސްޕިޓަލުގެ ޑޮކްޓަރަކު، އެތާގެ ހާލަތު ސިފަކުރަމުން ބުނީ މިހާރު އެއީ ކާރިސާއަކަށް ވުރެން ވެސް ދެރަހާލަތެއްގައި އޮތްތަނެއްކަމަށް.  

🔴 އިސްރާއީލުގެ އަސްކަރިއްޔާއިން ޣައްޒާއަށް ތެޔޮ އެތެރެކުރެވޭނެކަމުގެ އިޝާރާތެއްވެފައިވީ ނަމަވެސް، ޕްރައިމް މިނިސްޓަރުގެ އޮފީހުން ބުނީ އެއީ އެމީހުންގެ ރޭވުމުގައި އޮތް ކަމެއް ނޫންކަމަށް.

🔴 އިސްރާއީލާއި ލުބުނާނާއި ދެމެދު ބަދަލުކުރަމުންދާ ހަމަލާތައް އަންނަނީ ވަރުގަދަވަމުން. އަދި މިއަދު ހިޒްބުﷲ ގެ ވެރިޔާ ޙަސަން ނަސްރުﷲ އެ ހަނގުރާމައާ ގުޅިގެން ރަސްމީ ބަހެއް ބުނާނެކަމަށް އިއުލާންކޮށްފައިވޭ.  

🔴 ހުޅަނގު އައްސޭރީގައި ކުރިޔަށްދާ ރެއިޑް އޮޕަރޭޝަންގައި، ޖެނިންއިން ދެ މީހެއްގެ ގަޔަށް ބަޑި ޖަހާ މަރާލާފައިވޭ. 

🔴 ފަލަސްތީނުގައި ތިބި ބިދޭސީންތަކެއް ރަފާހް ބޯޑަރ ހުރަސްކޮށް ބުރާސްފަތި ދުވަހު މިސްރަށް ގޮސްފައިވާކަމަށް ފަލަސްތީނުގެ ބޯޑަރ އޮފިޝަލަކު ހާމަކޮށްފި. އަދި ރެޑް ކްރެސެންޓުން ހާމަކުރާ ގޮތުގައި 102 ޓްރަކްގެ އިންސާނީ އެހީ ވަނީ ބުރާސްފަތި ދުވަހު ޣައްޒާއަށް ވަދެފައި. 

🔴 ވޮޝިންޓަން: އެމެރިކާގެ ފުރަތަމަ ސެނެޓަރު ވަނީ ހަނގުރާމަ ހުއްޓާލުމަށް ތާއީދު ކުރައްވާކަމަށް ބުނެފަ. ނަމަވެސް އެމެރިކާގެ ކޮންގްރެސްގެ ބޮޑު އަޣުލަބިއްޔަތުން އަދިވެސް ތާއީދު ކުރަނީ އިސްރާއީލުން އޮޕަރޭޝަން ކުރިޔަށް ގެންދިއުމަށް.