ދެކުނު އެމެރިކާގެ ޤައުމެއް ކަމުގައިވާ ބޮލީވިއާ އިން އިޒްރޭލާއި އެކު ޤާއިމްކޮށްފައިވާ ސިޔާސީ ގުޅުންތައް ކަނޑާލައިފިއެވެ.

ބޮލީވިއާއިން އިޒްރޭލާއިއެކު ޤާއިމްކޮށްފައިވާ ސިޔާސީ ގުޅުންތައް ކަނޑާލިކަން އެޤައުމުން ހާމަކުރީ އިއްޔެއެވެ. ބޮލީވިއާއިން އިޒްރޭލާއިއެކު ޤާއިމްކޮށްފައިވާ ސިޔާސީ ގުޅުންތައް ކަނޑާލީ، އިޒްރޭލުން ޣައްޒާގައި ހިންގަމުންދާ ޤަތުލްއާއްމުތަކާއި ދެކޮޅު ހެދުމުގެ ގޮތުންނެވެ. 

މީގެ ކުރިންވެސް 2009 ވަނަ އަހަރުވެސް ބޮލީވިއާއިން އިޒްރޭލާ ގުޅުންތައް ކަނޑާލިއެވެ. އެފަހަރުވެސް ބޮލީވިއާއިން އިޒްރޭލާ ގުޅުން ކަނޑާލީ، ފަލަސްޠީނުގެ ރައްޔިތުންނާއި ދެކޮޅަށް ހިންގަމުންދާ އުދުވާންތަކާއި ބިންފޭރުމުގެ އަމަލުތަކާއި ދެކޮޅު ހެދުމުގެ ގޮތުންނެވެ. އޭގެ 11 އަހަރު ފަހުން 2020 ވަނަ އަހަރު ބޮލީވިއާއިން އަލުން އިޒްރޭލާއިއެކު ސިޔާސީ ގުޅުންތައް ޤާއިމްކުރީ، ބޮލީވިއާގެ ރައީސް ކަމުގެ މަޤާމުގައި ޖެނީން އަނޭޒް ހުންނެވި އިރުގައެވެ.

ޣައްޒާގެ ރައްޔިތުންނާއި ދެކޮޅަށް އިޒްރޭލުން ހިންގަމުންދާ ޤަތުލްއާއްމުތައް މިހާރު ވަނީ ހައްދު ފަހަނައަޅައިފައެވެ.