ޣައްޒާއަށް ވަދެ ގަތުމަށް މަސައްކަތް ކުރި، އިޒްރާއީލުގެ ސިފައިންނާއި ކުރިމަތިލައި ހަމާސްގެ މުޖާހިދުންގެ ހަމަލާތަކުގައި އިޒްރާއީލް ސިފައިންގެ ބަޔަކު މަރާލައިފިއެވެ.

މި ހަމަލާތައް ބަދަލުކޮށްފައިވަނީ، ޣައްޒާގެ އުތުރުގެ އަވަށެއް ކަމުގައިވާ ބައިތު ހަނޫންގައެވެ. ހަމާސްއިން ބުނެފައިވަނީ، ޣައްޒާގެ އުތުރުން ވަދެގަތް އިޒްރޭލު ސިފައިންނަށާއި ޓޭންކަރުތަކަށް އަދި އަސްކަރީ އުޅަނދުތަކަށް މުޖާހިދުން ހަމަލާދީފައިވާ ކަމަށެވެ.

އެހެން ނަމަވެސް މިހަމަލާތަކުގައި މަރުވީ އިޒްރާއީލުގެ ކިތައް ސިފައިން ކަމެއް ސާފެއް ނުވެއެވެ.

ޣައްޒާގެ އުތުރުގެ އަވަށްތަކަށް އިޒްރޭލުގެ އަސްކަރީ ސިފައިން، ބަރު ހަތިޔާރާއި ޓޭންކަރުތަކާއި އަދި އަސްކަރީ އުޅަނދުތަކުގައި ވަނީ ވަދެގެންފައެވެ. އަދި އެސަރަހައްދުގައި މުޖާހިދުން ދަނީ، އިޒްރޭލުގެ ސިފައިންނާއި ކުރިމަތިލަމުންނެވެ.

އިޒްރާއީލުގެ ފައުޖަށް މުޖާހިދުން ހަމަލާދީ އިޒްްރޭލުގެ ސިފައިންތަކެއް މަރާލި އިރު، ޣައްޒާއަށް އެއްގަމުން މަގުން ވަންނަ ސިފައިންނަށް ޣައްޒާއަކީ ނަރަކައަކަށް ވެދާނެ ކަމުގައި މީގެ ކުރިން އިޒްރޭލުގެ ޑިފެންސް މިނިސްޓަރވެސް ވަނީ ވިދާޅުވެފައެވެ.