Advertisement

އަލް-ޝިފާ ހޮސްޕިޓަލް ކައިރިން އެމްބިއުލެންސްތަކަކަށް ދިން ހަމަލާ ---

04 Nov 2023
ދުނިޔެ

އިއްޔެ އެކަނިވެސް 3 މެޑިކަލް ފެސިލިޓީއެއް ކައިރިއަށް ހަމަލާދިން: ދުވަސް 28

މިއީ ހަމާސް އާއި އިޒްރޭލު ސިފައިންނާ ދެމެދު ކުރިޔަށްދާ ހަނގުރާމައިގެ 28 ވަނަ ދުވަސް،03 ނޮވެމްބަރ 2023 ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 އަލް-ޝިފާ ހޮސްޕިޓަލް ކައިރީގައި އޮތް މެޑިކަލް ކޮންވޯއީއަކަށް އިސްރާއީލުން ދިން ހަމަލާތަކެއްގައި 15 މީހުން މަރުވިއިރު، މިއީ ޣައްޒާ ސިޓީގެ މެޑިކަލް ފެސިލިޓީއެއް ކައިރީގައި ނޮވެމްބަރު މަހުގެ 3 ވަނަ ދުވަހު ދިން ތިން ހަމަލާގެ ތެރެއިން އެއް ހަމަލާކަމަށް ޣައްޒާގެ ހެލްތު އޮތޯރިޓީއިން ބުނެފި.

🔴 އިސްރާއީލު ސިފައިން ބުނީ އަލް-ޝިފާ ކައިރީގައި އޮތް އެމްބިއުލަންސަށް ހަމަލާދިނީ އެއީ ހަމާސް އިން ބޭނުންކުރާ އުޅަނދަކަށް ވުމުންކަމަށް. ނަމަވެސް ފަލަސްތީނުގެ ހެލްތް މިނިސްޓްރީގެ ތަރުޖަމާނު ބުނީ، އެ ހަމަލާ 2 އެމްބިއުލެންސަށް އަމާޒުވިކަމަށާއި، އެއީ ބަލިމީހުން އުފުލަން ގެންގުޅޭ އެމްބިއުލެންސްތަކެއްކަމަށް.

🔴 ގެދޮރު ދޫކޮށް ދާން އިންޒާރުދީފައިވުމުން، އެހެން ބޯހިޔާވަހިކަމެއް ހޯދުމަށް އާންމުންގެ ބަޔަކު ދަތުރުކުރަމުން ދިޔަ ވެހިކަލްތަކަކަށް އަމާޒުކޮށް އިސްރާއީލް ސިފައިން ޣައްޒާގެ އުތުރުގައި ހަމަލާދީފައިވޭ. މި ހަމަލާގައި މަދުވެގެން 14 މީހުން މަރުވެފައިވާކަމަށް ބުނޭ. އަދި ސަފްތާވީގައި ގިނަ އަދަދެއްގެ ބަޔަކު ބޯހިޔާވަހިކަން ހޯދައިގެން ތިބި ސްކޫލަކަށް އިސްރާއީލުން ދިން ހަމަލާއެއްގައި 20 މީހުން މަރުވެފައިވޭ.

🔴 ހަމަލާތައް ކުރިޔަށް ދިޔަނަމަވެސް، ފަލަސްތީނުގެ ރެފިއުޖީންނާ ބެހޭ އދ. ގެ ބްރާންޗުން ބުނެފައިވަނީ، ފަލަސްތީނުގެ ރެފިއުޖީންނަށް ސަލާމަތާއި ރައްކާތެރިކަން އިތުރަށް ދިނުމުގެ ގާބިލްކަން މިހާރު އެމީހުންގެ ނެތްކަމަށް. މީގެ އިތުރުން އެ ޖަމްއިއްޔާގެ 38 މީހަކު އޮކްޓޯބަރ 7 ގެ ފަހުން މަރުވެފައިވާކަމަށް.

🔴 އެމެރިކާގެ ސެކްރެޓަރީ ޖެނެރަލް، އެންތޮނީ ބްލިންކެން، އިސްރާއިލްގެ ލީޑަޝިޕް ޓީމާއި ބައްދަލު ކުރުމަށް ތެލް އަވީވްއަށް ކުރި ދަތުރަށްފަހު ބުނީ، އެ ބައްދަލުގައި ވާހަކަ ދެކެވުނީ އާންމުން ރައްކާތެރިކުރުމާ ގުޅެގޮތުންކަމަށް. ނަމަވެސް މި ބައްދަލަށްފަހު އިސްރާއީލުގެ ޕްރައިމް މިނިސްޓަރ ނަތަން ޔާހޫ ބުނެފައިވަނީ ވަގުތީގޮތުން ވިޔަސް ހަނގުރާމަ ހުއްޓާނުލާނެކަމަށް.

🔴 ހަނގުރާމަ ފެށިފަހުން ފުރަތަމަ ފަހަރަށް ދިން ބަސްދީގަތުމުގައި ހިޒްބުﷲގެ ޗީފް ޙަސަން ނަސްރުއްލާ ބުނީ، ސަރަހައްދީ މަޖެހުމަށް ވިސްނާނަމަ ޣައްޒާގައި ހިނގާ ހަމަނުޖެހުންތައް ހުއްޓުވަންޖެހޭކަމަށް. މީގެ އިތުރުން އޭނާ ބުނީ އެމީހުން އޮތީ ކޮންމެ ހާލަތަކަށް ވެސް ތައްޔާރަށް ކަމަށް

🔴 ރަފާހް ބޯޑަރ ހުރަސްކޮށް ޣައްޒާގައި ތިބި ގިނަ ބަޔަކު މިސްރު މަގުން ޣައްޒާއިން ބޭރުވުމަށް ހުއްދަދީފައިވޭ. މީގެ ތެރޭގައި ސްކޮޓްލަންޑުގެ ފުރަތަމަ މިނިސްޓަރުގެ އާއިލާ މީހުންވެސް ހިމެނޭ

ކޮމެންޓް
އިތުރު އާޓިކަލް
04 Apr 2025
ރާއްޖެ އޮތީ ފައިސާ ޗާޕުކުރަންޖެހޭ ހާލަތުގައި ނޫންކަމަށް ޔައުޤޫބު ވިދާޅުވެއްޖެ
ރާއްޖެ އޮތީ ފައިސާ ޗާޕުކުރަންޖެހޭ ހާލަތުގައި ނޫންކަމަށް ދާންދޫ ދާއިރާގެ ކުރީގެ މެންބަރު ޔައުގޫބް އަބްދުﷲ ވިދާޅުވެއްޖެއެވެ.
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.