މި އަހަރުގެ ނޮވެމްބަރު 5 ވަނަ ދުވަހު އެމެރިކާގައި ބޭއްވުމަށް ހަމަޖެހިފައިވާ އެ ގައުމުގެ ރިޔާސީ އިންތިހާބުގައި ވާދަނުކުރައްވާނެކަމަށް، އެމެރިކާގެ މިހާރުގެ ރައީސް ޖޯ ބައިޑަން އިއުލާންކޮށްފިއެވެ. ބައިޑަން މިކަން އިއުލާންކުރީ އެކްސްގައި ކުރި ޕޯސްޓެއްގައެވެ.

ފައިނަލުގައި އިނގިރޭސީން ބަލިކޮށް، ޔޫއެފާ ޔޫރޯ ހަތަރު ވަނަ ފަހަރަށް ކާމިޔާބު ކުރުމަށްފަހު ބޭއްވި އުފާފާޅުކުރުމުގެ ހަރަކާތްތަކުގެ ތެރެއިން، ސްޕެއިންގެ ކެޕްޓަން، އަލްވާރޯ މޮރާޓާ އާއި އެ ޓީމުގެ މިޑްފީލްޑަރ، ރޮޑްރީގޯ ހެނާންޑޭޒް ކަސްކާންޓޭ (ރޮޑްރީ)، "ޗޭންޓް" ކުރި އިރު ބުނި ބަސަތަކަކުން، އެ ދެ ކުޅުންތެރިން ހޫނު ފެނަށް ވެއްޓިއްޖެއެވެ.

އިސްރޭލުގެ ޔަހޫދީން ފަލަސްތީނުގެ ބިންތަކަށް ވެރިވެގަންނަމުން ދިއުމަކީ ޣައިރު ގާނޫނީ އަމަލެއް ކަމަށާއި، މިކަން ހުއްޓާލައި ފަލަސްތީނުގެ ބިމުން ޔަހޫދީން ނެރެންޖެހޭކަމަށް ގުޅިފައިވާ ގައުމުތަކުގެ (އ.ދ.) އެންމެ މަތީ ކޯޓު، އިންޓަނޭޝަނަލް ކޯޓު އޮފް ޖަސްޓިސް (އައިސީޖޭ) އިން ބުނެފިއެވެ. އައިސީޖޭ އިން މި ގޮތަށް ނިންމާފައިވަނީ ހުކުރު ދުވަހު އޮތް އަޑުއެހުމުގައެވެ.

އިންޓަނެޓު މެދުކެނޑުނު ސަބަބު އަދި ސާފުވެފައި ނުވިނަމަވަސް، ހިދުމަތް މެދުކެނޑުނުތާ ގަޑިއިރުތަކެއް ފަހުން މައިކްރޯސޮފްޓުން ބުނެފައިވަނީ އިންޓަނެޓަށް ދިމާވި މައްސަލައަކާ ގުޅިގެން މައިކްރޯސޮފްޓް 365 އެޕްލިކޭޝަންތަކާއި ހިދުމަތްތަކަށް ބުރޫ އަރާފައިވާކަމަށެވެ.

ސަޕޯޓަރުން ހަމަނުޖެހުން ހިންގާފައިވަނީ މެޗު ފެށެން ގާތްގަނޑަކަށް ދެ ގަޑިއިރަށް ވެފައި ވަނިކޮށެވެ. އަދި ސްޓޭޑިއަމް ބަންދުކޮށް، މެޗު ފެށުން ލަސްކުރަން ޖެހުނީ، ޓިކެޓު ގަނެފައި ތިބި މީހުނަށް ދަނޑަށް ވަނުމަށް އުނދަގޫވުމުންނެވެ.

އެމެރިކާގެ ޕެންސިލްވޭނިޔާގައި ކުރިޔަށް ގެންދިޔަ ކެމްޕެއިން ހަރަކާތެއްގެ ތެރެއިން ޕޯޑިއަމްގައި ވާހަކަ ދައްކަން ހުއްޓާ މަރާލުމަށް މަސައްކަތްކުރި، އެމެރިކާގެ ކުރީގެ ރައީސް އަދި މި އަހަރުގެ ނޮވެމްބަރުގައި ބާއްވާ އެމެރިކާގެ ރިޔާސީ އިންތިހާބުގައި ރިޕަބްލިކަން ޕާޓީގެ ފަރާތުން ވާދަކުރާ ޑޮނާލްޑް ޓްރަމްޕް އަށް ހަމަލާދިނީ 20 އަހަރުގެ އެމެރިކާ މީހެއް ކަމަށާއި، އޭނާ ނިސްބަތްވަނީ ސިޔާސީ ހަރަކާތް ކުރިޔަށް ދިޔަ ޕެންސިލްވޭނިއާއަށްކަމަށް، ސީއެންއެން އިން ރިޕޯޓުކޮށްފިއެވެ.

އެމެރިކާގެ ކުރީގެ ރައީސް އަދި މި އަހަރުގެ ނޮވެމްބަރުގައި ބާއްވާ އެމެރިކާގެ ރިޔާސީ އިންތިހާބުގައި ރިޕަބްލިކަން ޕާޓީގެ ފަރާތުން ވާދަކުރާ ޑޮނާލްޑް ޓްރަމްޕް، އެމެރިކާގެ ޕެންސިލްވޭނިޔާގައި ކުރިޔަށް ގެންދިޔަ ކެމްޕެއިން ހަރަކާތެއްގެ ތެރެއިން ޕޯޑިއަމްގައި ވާހަކަ ދައްކަން ހުއްޓައި ދިން ބަޑީގެ ހަމަލާއަކުން އޭނާ ސަލާމަތްވެއްޖެއެވެ. ނަމަވެސް ޓްރަމްޕްގެ ކަނާތު ކަންފަތް ވަނީ ވަޒަނުގެ ބައެއް އަމާޒުވުމުގެ ސަބަބުން ޒަހަމް ވެފައެވެ.

އެމެރިކާގެ ވޮޝިންޓަންގައި ޖުލައި 9 ވަނަ ދުވަހުން ފެށިގެން 11 ވަނަ ދުވަހާއި ހަމައަށް ކުރިޔަށް ދިޔަ ނޭޓޯ ސަމިޓުގެ ފަހު ދުވަހު، އެމެރިކާގެ ރައީސް ޖޯ ބައިޑަންއަށް އޮޅިގެން، ޔޫކްރެއިންގެ ރައީސް ވޮލޮޑިމީރް ޒެލެންސްކީއާ، ރަޝިއާގެ ރައީސް ވްލާޑިމީރް ޕޫޓިންގެ ނަމުން މުހާތަބު ކުރެވިއްޖެއެވެ.

މި މައްސަލަ ފެންމަތިވީ، އެ އެއާލައިނުގެ ކެބިން ކުރޫއެއްގެ ޔުނީފޯމުގެ މޭމަތީގައި ފަލަސްތީނުގެ ދިދަ ރަމްޒުކޮށްދޭ ޕިން އެއް ޖަހާފައި ހުރުމުން، އެކަމާ ހިންހަމަ ނުޖެހިގެން އެ އެއާރލައިނުން ދަތުރުކުރި ޖުވިޝް ޕެސެންޖަރެއް، ހަގީގަތް އޮޅުވާލައި އެކްސްގައި ކުރި ޕޯސްޓުންނެވެ. އޭނާ ކުރި ޕޯސްޓުގައި ބުނެފައިވަނީ، ޓެރަރިސްޓު ހަމަލާތަކުން ރައްކާތެރިވުމަށް 2001 ވަނަ އަހަރުގެ ފަހުން ކޮންމެ އެއާރޕޯޓަކުން ދަތުރު ކުރި ނަމަވެސް އެމީހުން ސެކިއުރިޓީ ޗެކްގައި ބޫޓު ބާލަން ޖެހޭއިރު، ޑެލްޓާ ފްލައިޓުގެ މުވައްޒަފުން ޑިއުޓީގައި ތިބެނީ ހަމާސްގެ ބެޖު ޖަހައިގެން ކަމަށެވެ.

ޓެކްސް ބޮޑު ކުރުމަށް ކެންޔާގެ ޕާލަމެންޓުން ފައިނޭންސް ބިލް ފާސްކުރުމާ ގުޅިގެން އެ ގައުމުގެ ރައްޔިތުން މަގުމައްޗަށް ނިކުމެ، ރައީސް ވިލިއަމް ރޫޓޯ އިސްތިއުފާ ދިނުމަށް ގޮވާލައިފިއެވެ. މުޅި ގައުމުގެ އެކި ހިސާބުތަކުގައި ކުރިޔަށް ގެންދާ މި މުޒާހަރާ މިހާރު ހަފްތާއަކަށް ދެމިގެން ގޮސްފައިވާއިރު، ރޫޓޯ ވަނީ އެ ބިލު ތަސްދީގު ނުކުރުމަށް މިދިޔަ ބުދަ ދުވަހު ނިންމާފައެވެ.

ޠޫނިސްގެ ރައީސް ޤައިސް ސަޢީދު އެމަނިކުފާނުގެ ކެބިނެޓުން މިނިސްޓަރ އޮފް ރިލިޖަސް އެފެއާޒް ސައްޔިދު އިބްރާހީމްް އަލް ޝައިބީ ވަކި ކުރެއްވީ މިއަދު ކަމުގައި، ޠޫނިސްގެ ރައީސުލްޖުމްހޫރިއްޔާގެ އޮފީހުން ހާމަކުރައްވާފައެވެ. ޝައިބީ މަޤާމުން ވަކިކުރެއްވި އިރު އޭނާ ހުންްނެވީ އެޤައުމުން ހައްޖަށްދިޔަ މީހުންގެ ކަންކަމާއި ހަވާލުވެވަޑައިގެން މައްކާގައެވެ. ޝައިބީ މަޤާމުން ވަކިި ކުރެއްވި ނަމަވެސް އޭނާގެ ބަދަލުގައި ކެބިނެޓަށް އައު ބޭފުޅަކު އަދި ޢައްްޔަނު ކުރައްވާފައެއް ނުވެއެވެ.

އިންޑިއާގެ މީޑިއާތަކުން ރިޕޯޓްކޮށްފައިވާ ގޮތުގައި ދެ ރަންވޭއެއް އޮންނަ މުމްބާއީ އެއާޕޯޓުގައި އިންޑިގޯ ފްލައިޓް ޖެއްސީ އެއަރ އިންޑިއާ ފްލައިޓް ޓޭކްއޮފް ކުރިތާ އެންމެ 3 ސިކުންތުގެ ތެރޭގައި ހަމަ އެރަންވޭ އަށެެވެ. އަދި ދެފްލައިޓް 1679 ފޫޓަށް ކައިރިވިއެވެ. އެ ދެފްލައިޓަކީވެސް އެއާބަސް 320 މަރުކާގެ ދެ ބޯޓެވެ.

ހަފްތާއަކަށް ދެމިގެން ދިޔަ އިންޑިއާގެ އާއްމު އިންތިޚާބު، ޤާނޫނު ހަދާ މަޖިލީހުގެ ތިރިގެ، ލޮކްޝަބާއަށް މެމްބަރުން އިންތިޚާބު ކުރުމަށް ނެގި ވޯޓުގައި ކުރިން ބީޖޭޕީން ހޯދާފައި އޮތް ސާފު މެޖޯރިޓީ މިފަހަރު އެޕާޓީއަށް ވަނީ ގެއްލިފައެވެ. ބީޖޭޕީއަށް ސަރުކާރު އެކުލަވާލަން ބޭނުންވާ 272 ގޮނޑި ލިބިފައި ނުވި ނަމަވެސް އެޕާޓީއާއިއެކު އިއްތިހާދުވެފައިވާ ޕާޓީތަކަށް ލިބުނު ގޮނޑީގެ އަދަދާއިއެކު، ބީޖޭޕީއަށް ސަރުކާރު އެކުލަވާލުމަށް ވަނީ ފުރުޞަތު ލިބިފައެވެ.

އިނގިރޭސި ބަހުން "All eyes on Rafah" ޖެހުމަށްފަހު، ރެފިއުޖީ ޓެންޓްތަކެއް ދައްކުވައިދޭގޮތަށް އާޓިފިޝަލް އިންޓެލިޖެންސް ބޭނުންކޮށްގެން ހަދާފައިވާ ފޮޓޯއެއް ފެންނަ ސޯޝަލް މީޑިއާ ސްޓޯރީއަކީ ހޯމަ ދުވަހުން ފެށިގެން ސޯޝަލް މީޑިއާގައި ވަރަށް އާންމުވެފައިވާ ފޮޓޯއެކެވެ. ހަނަފަސް ސަހަރާއެއްގައި މި ޓެންޓުތައް ޖަހާފައިވާއިރު، އޭގެ މާ ދުރުން ފަރުބަދަތަކެއް ވެސް ފެނެއެވެ.

ގާޒާގެ ރަފާހްއަށް ދެމުންގެންދާ ހަމަލާތައް ވަގުތުން ހުއްޓާލުމަށް މިދިޔަ ހުކުރު ދުވަހު އިންޓަނޭޝަނަލް ކޯޓް އޮފް ޖަސްޓިސް (އައިސީޖޭ) އިން އިޒްރޭލުގެ މައްޗަށް އަމުރުކޮށްފައި ވަނިކޮށް، އެކަމަށް ބެލުމެއްނެތި އިޒްރޭލުން ގާޒާގެ ރަފާހްއަށް ހޮނިހިރު ދުވަހު ބޮން އަޅައިފިއެވެ. ރިޕޯޓުތައް ބުނާ ގޮތުން، މި ހަމަލާތަކުގައި ގިނަ ބަޔަކުވަނީ ޝަހީދުވެފައެވެ.

މިދިޔަ އަހަރުގެ އޮކްޓޯބަރު މަހުގެ 7 ވަނަ ދުވަހުން ފެށިގެން ފަލަސްތީނުގެ ނަސްލު ނެތިކޮށްލުމަށް އިޒްރޭލުން ހިންގަމުންދާ ޖަރީމާ މެދުކެނުޑުމެއްނެތި ކުރިޔަށްދަނިކޮށް، އިންޓަނޭޝަނަލް ކޯޓް އޮފް ޖަސްޓިސް (އައިސީޖޭ) އިން މިހާތަނަށް ކުރި އެންމެ ވަރުގަދަ އަމުރު އިއްޔެ އިޒްރޭލުގެ މައްޗަށް ކޮށްފިއެވެ. އެގޮތުން އައިސީޖޭއިން އިޒްރޭލަށް އަމުރުކޮށްފައިވަނީ، ގާޒާގެ ރަފާއަށް ދެމުންގެންދާ ހަމަލާތައް ވަގުތުން ހުއްޓާލުމަށެވެ.