ޖެނުއަރީ 5 އިން ފެށިގެން މާރިޗް 31 ގެ ނިޔަލަށް އިންޑިއާއިން ފިޔާ އެކްސްޕޯޓް ކުރުން މުޅިން މަނާވާނެއެވެ. އަދި ޑިސެމްބަރު 8 ވަނަ ދުވަހުން ފެށިގެން ޖެނުއަރީ 5 ވަނަ ދުވަހާއި ހަމައަށް ވަކި ޝަރުޠުތަކަކާއި ހަމަތަކުގެ ތެރެއި ފިޔާ އެކްސްޕޯޓް ކުރެވޭނެ ކަމުގައި އިންޑިއާ ސަރުކާރުން ހާމަކޮށްފައިވެއެވެ.

އެމެރިކާގެ ދިފާއީ އޮފިޝަލަކު ހޮނިހިރު ދުވަހު އެސޯސިއޭޓެޑް ޕްރެސް ނިއުސް އެޖެންސީއަށް މައުލޫމާތު ދެއްވަމުން ވިދާޅުވީ މި ހަމަލާ ދީފައިވަނީ އީރާނުގައި އުފައްދާފައިވާ ޝަހީދު-136 ޑްރޯން ބޭނުންކޮށްގެން ކަމަށް ބެލެވޭ ކަމަށެވެ.

ޤަތަރު މެދުވެރިއަކަށްވެ، ހަމާސް އާއި އިސްރާއީލާއި ދެމެދު ކުރިޔަށް ގެންދިޔަ މަޝްވަރާތަކުން 4 ދުވަހަށް ހަނގުރާމަ މެދުކަނޑާލުމަށް އިސްރާއީލުން އެއްބަސްވެއްޖެ. ބަދަލުގައި ހަމާސްގެ ބެލުމުގެ ދަށުގައި ތިބި 50 އަސީރުން ދޫކޮށްލުމަށް ހަމާސްއިން އެއްބަސްވެފައިވޭ. އިސްރާއީލް ސަރުކާރުން ހާމަކޮށްފައިވާ ގޮތުގައި މި 50 މީހުންގެ ތެރޭގައި ހިމެނޭނީ އަންހެނުންނާއި ކުޑަކުދިން.

އިސްރާއީލް-ހަމާސް ގެ ހަނގުރާމަ 7 އޮކްޓޯބަރުގައި ފެށިފަހުން މިހާތަނަށް 50 ނޫސްވެރިއަކު މަރުވެފައިވާކަމަށް ނޫސްވެރިން ރައްކާތެރިކުރާ ކޮމިޓީ، "ކޮމިޓީ ޓު ޕްރޮޓެކްޓް ޖާނަލިސްޓްސް" އިން ބުނެފި.

އިސްރާއީލުގެ އަސްކަރިއްޔާއިން ޣައްޒާގެ އުތުރުން، ޖަބަލިއާ ރެފިއުޖީ ކޭމްޕްގައި ހުންނަ އަލް-ފަޚޫރާ ސްކޫލަށް ވަނީ ހޮނިހިރު ދުވަހުގެ ހެނދުނު ހަމަލާދީފި. އަދި ހަމަ އެ ދުވަހު ތަލް އަލް-ޒާތަރް ކިޔާ އަވަށެއްގައި ހުންނަ ސްކޫލަކަށް ވެސް ހަމަލާދީފައި. މި ދެ ސްކޫލަކީވެސް އދ. ގެ ކަމާ ގުޅޭ އެޖެންސީއިން ހިންގާ 2 ސްކޫލް.

އިސްރާއީލުގެ އަސްކަރިއްޔާއިން ޣައްޒާގެ އެންމެ ބޮޑު ހޮސްޕިޓަލް ކަމުގައިވާ އަލް-ޝިފާ ހޮސްޕިޓަލުގެ ވަށައިގެން ތިބެ ހަމަލާދެމުންދާތީ، އެ ހޮސްޕިޓަލުގައި 7،000 އެއްހާ މީހުން ތާށިވެފައި ތިބިކަމަށް ހޮސްޕިޓަލްގެ ޑައިރެކްޓަރ ހާމަކޮށްފި. މީގެ ތެރޭގައި ބަލިމީހުންނާއި، ސިއްހީ ޙިދުމަތްތެރިން އަދި އާންމުން ހިމެނޭ.

ޙަމާސް ޖަމާޢަތުގެ ތަރުޖަމާނު އަބޫ އުބެއިދާ ވިދާޅުވީ، ޣައްޒާއަށް ވަންނަ އިޒްރޭލުގެ ޓެރަރިސްޓް ސިފައިންނާއި، ޙަމާސްގެ މުޖާހިދުން ދަނީ ކުރިމަތިލަމުން ކަމަށެވެ.

ޙަމާސްއިން ހާމަކޮށްފައިވާ ގޮތުގައި މަރުވެފައި ވަނީ، އޮކްޓޫބަރު 7 ވަނަ ދުވަހު، ޙަމާސްއިން، އިޒްރޭލުން ބައިނަލްއަޤުވާމީ ޤާނޫނުތަކާއި ޚިލާފަށް ހަދާފައިވާ ޔަހޫދީ އާބާދީތަކުގައި ދިރިއުޅެމުން ދިޔަ މީހުންގެ ތެރެއިން ހަނގުރާމައިގެ އަސީރެއްގެ ގޮތުގައި ހަމާސްއިން ޣައްޒާއަށް ގެންދިޔަ، އަރީހް ޒަލްމެން ޒްމޮނޮވިޗް ނަމަކަށް ކިޔާ އުމުރުން 86 އަހަރުގެ މީހެކެވެ.

އަލް-ޝިފާ ހޮސްޕިޓަލުން ގިނަ ބަޔަކު މަރުވަމުންދާއިރު، މަރުވެފައި ތިބި މީހުންގެ ހަށިގަނޑުތައް ވަޅުލުމުގެ ފުރުސަތެއް އިސްރާއީލުން ނުދޭތީ ގިނަ ހަށިގަނޑުތައް މިހާރު ދަނީ ކުނިވަމުން. އަދި އަލް-ޝިފާ ހޮސްޕިޓަލުގައި ދުވަސް ނުފުރާ ވިހާފައި ތިބި ކުދިންނަށް ފަރުވާ ނުދެވި އެ ތުއްތު ފުރާނަތައް މަރުވަމުންދާ މަންޒަރު ފެނި، އެ ހޮސްޕިޓަލުގައި ތިބި ބަލި މީހުން އެހެން ހޮސްޕިޓަލްތަކަށް ބަދަލުކުރުމުގެ ފުރުސަތު ދިނުމަށް މުޅި ދުނިޔޭގެ އެކި ކަންކޮޅުތަކުން ގޮވާލަމުން އެބަދޭ.

ޣައްޒާގެ 700،000 އަށް ވުރެން ގިނަ ކުޑަކުދިން ގެދޮރު ގެއްލި މަގުމަތިވެފައިވާކަމަށް އދ. ގެ ކުޑަކުދިންނާ ބެހޭ ޖަމްއިއްޔާ، ޔުނިސެފުން ބުނެފި.

ވޯލްޑް ހެލްތް އޯގަނައިޒޭޝަންއިން ހާމަކުރާ ގޮތުގައި ހޮސްޕިޓަލްތަކަމަށް ހަމަލާ ދިނުމުގެ ނަތީޖާއެއްގެ ގޮތުން، ފަރުވާ ނުލިބިފައި ތިބި އެތައް ބަޔަކު އަންނަނީ މަރުވަމުން. މީގެ ތެރޭގައި ދުވަސް ނުފުރާ އަލަށް ވިހާފައި ތިބި ތުއްތު ކުދިން ވެސް ހިމެނޭ.

ހިޒްބުﷲގެ ލީޑަރ ސައްޔިދު ޙަސަން ނަސްރުﷲ ބުނީ އި ޖަމާއަތުން އިސްރާއީލަށް ހަމަލާ ދިނުމަށް މުޅިން އައު ދެ ވައްތަރެއްގެ ހަތިޔާރު ބޭނުންކުރަމުން އަންނަކަމަށް. އަދި އިސްރާއީލަށް ހަމަލާ ދިނުމުގައި އެ ޖަމާއަތުން ވަރުގަދަކޮށް ތިބޭނެ ކަމަށް ވެސް ހާމަކޮށްފައިވޭ.

ގާޒާއަށް އަރާފައިވާ އިޒްރޭލުގެ ސަޙްޔޫނީ ސިފައިން ދަނީ، ގާޒާގެ ހޮސްޕިޓަލްތަކަށް ހަމަލާދެމުންނެވެ. އަލްޝިފާ ހޮސްޕިޓަލުގެ އޮޕަރޭޝަން ތިއޭޓަރުތައް ހުންނަ އިމާރާތަށްވެސް އިޒްރޭލު ސިފައިން ވަނީ ހަމަލާދީފައެވެ.

އިސްރާއީލުގެ އަސްކާރިއްޔާއިން އަލް ޝިފާ ހޮސްޕިޓަލަށް ހަމަލާދިން ނަމަވެސް، ހޮސްޕިޓަލުގެ މުވައްޒަފުން ބަލި މީހުންނަށް ހިދުމަތް ކުރުމުގައި ދެމިތިބޭނެކަމަށް ހޮސްޕިޓަލްގެ ޑިރެކްޓަރ މުޙައްމަދު އަބޫ ސަލްމިޔާ ބުނެފައިވޭ. މީގެ އިތުރުން، އދ. ގެ ސެކިއުރިޓީ ކައުންސިލްގައި ވޯލްޑް ހެލްތް އޯގަނައިޒޭޝަންގެ ވެރިޔާ ހާމަކޮށްފައިވާ ގޮތުން، ހޮސްޕިޓަލްތަކަށް މި ވަރަށް ހަމަލާ ދިނުމަކީ ދުވަހަކުވެސް ހީކުރި ގޮތެއް ނޫންކަމަށާއި، ހަނގުރާމަ ހުއްޓާލުމަށް އޭނާ އަނެއްކާވެސް ގޮވާލާފައިވޭ.

ޣައްޒާއަށް ދެމުންގެންދާ ހަމަލާތަކުގައި މިހާރު މިހާތަނަށް އދ. ގެ 92 މުވައްޒަފަކު މަރުވެފައިވާކަމަށް އެ ޖަމްއިއްޔާއިން ހާމަކޮށްފި. މިއީ މިފަދަ ހަނގުރާމައެއްގައި މިހާތަނަށް އެންމެ ގިނައިން އދ. ގެ މުވައްޒަފުން މަރުވި ފަހަރު.

ރިޕޯޓުތައް ބުނާގޮތުން، އެމެރިކާގެ ރައީސް ޖޯ ބައިޑަން ވަނީ ހަނގުރާމަ 3 ދުވަހަށް މެދުކަނޑާލުމަށް ނަތަންޔާހޫއަށް ގޮވާލާފަ. އަދި މި ކަމުގައި ބައިޑެންގެ ބޭނުމަކީ ރަހީނުކޮށްފައި ތިބި މީހުން ދޫކޮށްލުމާގުޅޭ މަޝްވަރާތައް ކުރުންކަމަށްވެސް އަޑު ފެތުރޭ.