މި އަހަރުގެ ނޮވެމްބަރު 5 ވަނަ ދުވަހު އެމެރިކާގައި ބޭއްވުމަށް ހަމަޖެހިފައިވާ އެ ގައުމުގެ ރިޔާސީ އިންތިހާބުގައި ވާދަނުކުރައްވާނެކަމަށް، އެމެރިކާގެ މިހާރުގެ ރައީސް ޖޯ ބައިޑަން އިއުލާންކޮށްފިއެވެ. ބައިޑަން މިކަން އިއުލާންކުރީ އެކްސްގައި ކުރި ޕޯސްޓެއްގައެވެ.

ބައިޑަންގެ ޕޯސްޓުގައި އޭނާގެ ޒައާމަތުގައި އެމެރިކާގެ އިގްތިޞާދާއި، ސިއްހަތާއި އަދި ސަލާމަތާއި ރައްކާތެރިކަމަށް ހޯދުނު ކުރިއެރުންތައް ފާހަގަކޮށްފައިވެއެވެ.

އިންތިހާބުގައި ވާދަނުކުރުމަށް އުމުރުން 81 އަހަރުގެ ބައިޑެން ނިންމި އިރު، މިހާރު މިވަނީ އިންތިހާބަށް ހަތަރު މަހަށް ވުރެން ވެސް ކުޑަތަންވެފައެވެ.

ބައިޑެން އިންތިހާބުގައި ވާދަނުކުރުމަށް މި ނިންމި އެއް ސަބަބުގެ ގޮތުގައި ބެލެވެނީ، މި ދިޔަ ޖޫން މަހު އޮތް ރިޔާސީ ބަހުސްއިން ކުރިމަތިލާން ޖެހުނު ލަދުވެތިކަމާ ގުޅިގެން، އޭނާ ތަމްސީލްކުރާ ޑިމޮކްރެޓްސް އިން ވެސް އެކަމަށް ވަރަށް ބޮޑަށް ފާޑުކިޔުމުންނެވެ.