ހިޒްބުﷲގެ ލީޑަރުގެ އިޒްރޭލާއި ދެކޮޅަށް ހަނގުރާމަ އިއުލާނު ކުރައްވާނެކަން ޔަޤީނާއި ގާތްވެފައި ވާއިރު، އިޒްރޭލުގެ އުތުރުގެ ސަރަހައްދުތަކުގައި އިޒްރޭލު ސިފައިން އެންމެ މަތީ ދަރަޖައިގެ ތައްޔާރީ ޙާލަތަށް ގެނެސްފައިވާ ކަމުގައި އިޒްރޭލުގެ އަސްކަރިއްޔާއިން ވަނީ ބުނެފައެވެ.

ޙިޒްބުﷲއަކީ އިޒްރޭލުން ހިފާފައިވާ ގޯލާނުގެ އުސްބިންތަކުގެ ބަޔަކުން އިޒްރާއީލް ސިފައިން ފަހަތަށް ޖެއްސި ހަނގުރާމަވެރި ޖަމާޢަތެވެ. އަދި ހިޒްބުﷲއިން އިޒްރޭލާއި ދެކޮޅަށް ރަސްމީ ސިފައެއްގައި ހަނގުރާމަ ފަށައިފިނަމަ އެއީ އިޒްރާއީލަށް ދިފާޢުނުވެވޭ ވަރުގެ ބޮޑެތި ގެއްލުންތަކާއި ކުރިމަތިވެދާނެ ކަމެކެެވެ.

ހިޒްބުﷲގެ ލީޑަރު ނަޞްރުﷲގެ ޚާއްޞަ ތަޤުރީރެއް މިއަދު ޖީއެމްޓީ ގަޑިން 13:00ގައި ރާއްޖޭގަޑިން 18:00ގައި ދުރަށް ފޮނުވާނެ ކަމުގައި، ހިޒްބުﷲއިން މިދިޔަ ހަފްތާއިން ފެށިގެން އަންނަނީ ބުނަމުންނެވެ. އެ ތަޤުރީރު ފެށުމާއި ހަމައަށް އިޒްރޭލުން ޣައްޒާއަށް ހަމަލާދިނުން ހުއްޓާނުލާނަމަ ހިޒްބުﷲއިން ހަނގުރާމައިގެ ތެރެއަށް ވަންނާނެ ކަމުގެ އިންޒާރު ވަނީ ދީފައެވެ.

ޙިޒްބުﷲއަކީ މުޖާހިދުންގެ ގުރޫޕްތަކުގެ ތެރެއިން އެންމެ ބާރުގަދަ ގުރޫޕެވެ. އިޒްރޭލުގެ އަސްކަރިއްޔާއިން ބުނެފައި ވަނީ، އިޒްރޭލުގެ އުތުރު ސަރަހައްދުތަކުގައި މިހާރު ސިފައިން ތިބީ އެންމެ މަތީ ދަރަޖައިގެ ތައްޔާރީ ހާލަތުގައި ކަމަށެވެ.