ހައްދު ފަހަނަ އެޅި އިޒްރޭލާއި ދެކޮޅަށް ޖިހާދުކުރަމުންދާ، މުޖާހިދުންގެ ޖަމާޢަތް ހަމާސްގެ މިލިޓަރީ ގޮފީގެ ވެރިޔާ އިސްމާޢީލް ހަނިއްޔާގެ ތިން ފިރިހެންދަރީންނާއި، ކާފަދަރިންނާއި އާއިލާގެ ގިނަ ބަޔަކު އިޒްރޭލުން ހަމަލާދީ ޝަހީދުކޮށްލައިފިއެވެ.

އިޒްރޭލުން ހަނިއްޔާގެ އާއިލާގެ ގިނަ މެމްބަރުންތަކެއް ޝަހީދުކޮށްލާފައި ވަނީ ޢީދު ދުވަހު ޣައްޒާއަށް ދިން ހަމަލާތަކުގައެވެ.

އިޒްރޭލުން ހަނިއްޔާގެ ތިން ދަރީންނާއި ކާފަ ދަރީން އަދި އާއިލާގެ އެހެން މެމްބަރުން ޝަހީދުކޮށްލި ޚަބަރު އޭނާއަށް ލިބިވަޑައިގެންނެވީ، ގައްޒާ ހަނގުރާމައިގައި އެކިވަރުގެ ޒަޚަމްތައް ލިބުމުގެ ސަބަބުން އިތުރު ފަރުވާއަށް ދޯހާއަށް ގެނެވުނު މީހުންނާއި ބައްދަލުކޮށްލުމަށް، ދޯހާ ހޮސްޕިޓަލަށް ވަޑައިގެން ހުންނަވަނިކޮށެވެ.

ހަނިއްޔާގެ ތިން ފރިހެންދަރީންނާއި، އާއިލާގެ މީހުން މަރާލެވިއްޖެކަމުގައި، އިޒްރޭލުގެ އަސްކަރިއްޔާއިންވެސް ބުނެފައި ވާއިރު، މީގެ ކުރިން އިޒްރޭލުން ވަނީ، ހަނިއްޔާ އާއި ހަމާސްގެ ލީޑަރުންގެ އާއިލާތައް ދިރިއުޅެނީ މަތީފެންވަރުގެ ލަގްޒަރީ ދިރިއުޅުމެއްގައި ޤައުމުން ބޭރުގައި ކަމަށް ބުނެ ޕްރޮޕެގެންޑާތައް ފަތުރާފައެވެ.

ޣައްޒާ އަށް ހަމަލާދީ މިހާތަނަށް 40،000 ވުރެ ގިނަ މީހުން ޝަހީދުކޮށްލާފައި ވާއިރު، ހަމަލާއެއް ދީފާނެ ކަމުގެ ބިރަށް، އިޒްރޭލުގެ ބޮޑުވަޒީރު އޭނާގެ ފިރިހެންދަރިފުޅު ބަހައްޓާފައި ހުރީ، އެމެރިކާގެ މިއާމީގައެވެ.