މިއީ ހަމާސް އާއި އިޒްރޭލު ސިފައިންނާ ދެމެދު ކުރިޔަށްދާ ހަނގުރާމައިގެ 32 ވަނަ ދުވަސް،07 ނޮވެމްބަރ 2023 ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 ރިޕޯޓުތައް ބުނާގޮތުން، އެމެރިކާގެ ރައީސް ޖޯ ބައިޑަން ވަނީ ހަނގުރާމަ 3 ދުވަހަށް މެދުކަނޑާލުމަށް ނަތަންޔާހޫއަށް ގޮވާލާފަ. އަދި މި ކަމުގައި ބައިޑެންގެ ބޭނުމަކީ ރަހީނުކޮށްފައި ތިބި މީހުން ދޫކޮށްލުމާގުޅޭ މަޝްވަރާތައް ކުރުންކަމަށްވެސް އަޑު ފެތުރޭ.

🔴 ހަނގުރާމައަށްފަހު ޣައްޒާގެ ސެކިއުރިޓީގެ ކަންކަން ބަލަހައްޓާނީ އިސްރާއީލުންކަމަށް އެ ގައުމުގެ ޕްރައިމް މިނިސްޓަރ ނަތަންޔާހޫ ލަފާ ދިނަސް، އިސްރާއީލުގެ ދިފާއީ ވަޒީރު ޔޯވް ގަލަންޓު ބުނީ އެކަންކުރާނީ އިސްރާއީލުން އަދި ހަމާސްއިން ވެސް ނޫންކަމަށް. ނަމަވެސް މިކަމުގައި ދިފާއީ ވަޒީރުގެ އިތުރު ވިސްނުމެއް ހާމަކޮށްފައެއް ނުވޭ.

🔴 ނަތަންޔާހޫ ބުނާ ގޮތުން ހަނގުރާމަ ހުއްޓާލުމުގެ ވާހަކަ ދައްކަންވާނީ ހަމާސް އިން ރަހީނު ކޮށްފައި ތިބި އިސްރާއީލުގެ މީހުން ދޫކޮށްލުމަށްފަހު. އަދި އިސްރާއީލުގެ ދިފާއީ ވަޒީރު ޔޯވް ގަލަންޓު ބުނީ އެ ގައުމުގެ އަސްކަރިއްޔާއިން މިހާރު ޣައްޒާގެ މައި ސަރަހައްދަށް އަރާފައިވާކަމަށް. 

🔴 ޣައްޒާގެ އެތައް ހާސް ބަޔަކު މަރު ވަމުން ދިޔަ ނަމަވެސް، ވައިޓް ހައުސް އިން ބުނީ އިސްރާއީލުގެ އަމަލުތަކަށް ވަކި ހައްދެއް ކަނޑައެޅުމަށް އެމީހުން ނުވިސްނާކަމަށް. 

🔴 ތެލާއި، ހޮސްޕިޓަލްތަކުގައި ބޭނުންކުރާ ތަކެތީގެ ދަތިކަމާ ހެދި މިހާރު ޣައްޒާގެ މަދު ހޮސްޕިޓަލްތަކެއް އޮޕަރޭޓްކުރަމުންދާއިރު، އިންސާނީ އެހީގެ ކޮންވޯއީއެއް ޣައްޒާ ސިޓީއަށް އިއްޔެ ގޮސްފައިވާކަމަށް ރެޑް ކްރެސެންޓުން ބުނޭ. 

🔴 މި ހަނގުރާމައިގައި ޣައްޒާއިން މިހާތަނަށް މަރުވެފައިވާ މީހުންގެ އަދަދު 10،328 އަރާކަމަށް ފަލަސްތީނުގެ ހެލްތް މިނިސްޓްރީއިން ހާމަކުރޭ.