މިއީ ހަމާސް އާއި އިސްރާއީލު ސިފައިންނާ ދެމެދު ކުރިޔަށްދާ ހަނގުރާމައިގެ 38 ވަނަ ދުވަސް، 13 ނޮވެމްބަރ 2023 ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 ޣައްޒާގެ މެދުތެރޭގައި ހުރި ނުޒެއިރަތް ރެފިއުޖީ ކޭމްޕަށާއި ޑަޔަރ އަލް-ބަލާހް ރެފިއުޖީ ކޭމްޕަށް އިސްރާއިލުން ހަމަލާދީފި.

🔴 ޖަބަލިއާ ރެފިއުޖީ ކޭމްޕަށް އެންމެ ފަހުން ދިން ހަމަލާތަކުގައި މަދުވެގެން 31 މީހަކު މަރުވެފައިވާކަމަށް ރިޕޯޓުތައް ބުނޭ.

🔴 ޣައްޒާގައި ހުރި އެންމެ ބޮޑު ހޮސްޕިޓަލް ކަމުގައިވާ އަލް-ޝިފާ ހޮސްޕިޓަލް އިސްރާއީލުގެ ހަމަލާތަކުން ރައްކާތެރިކުރަން ޖެހޭކަމަށް އެމެރިކާގެ ރައީސް ޖޯ ބައިޑެން ބުނެފި. ބައިޑަން މިހެން ބުނިއިރު ފަލަސްތީނުގެ އަރަބި ނަސްލު ނައްތާލުމަށް އިސްރާއީލަށް ވާގިވެރިވާކަމަށް ބުނެ، އެމެރިކާގެ ރައީސް ޖޯ ބައިޑަން އާއި އެމެރިކާ ސަރުކާރުގެ އެހެން މަތީ އޮފިޝަލުންގެ މައްޗަށް ފަލަސްތީނުން ވަނީ ދައުވާ އުފުލާފައި.

🔴 ހުޅަނގު އައްސޭރީގައި އިސްރާއީލުގެ އަސްކަރިއްޔާއިން ކުރިޔަށް ގެންދިޔަ އޮޕަރޭޝަނެއްގައި ފަލަސްތީނުގެ 2 މީހަކު މަރާލާފައިވާކަމަށް ފަލަސްތީނުގެ ހެލްތް މިނިސްޓްރީއިން ރިޕޯޓުކޮށްފި.

🔴 ހަމާސްއިން ރަހީނުކޮށްފައިތިބި އަސީރުން ދޫކޮށްލުމަށް އެތައް ފަހަރަކު އިސްރާއީލާ ވާހަކަ ދައްކާފައިވާކަމާއި، ކޮންމެ ފަހަރަކު ވެސް ދެފަރާތުން އެއްބަސްވާގޮތަށް ކުރިޔަށް ގެންދާނެކަމަށް ބުނެ، ފަހު ވަގުތު އިސްރާއީލުން އެމީހުންގެ ހުށަހެޅުންތައް ބަދަލުކުރާކަމަށް ހަމާސްގެ ތަރުޖަމާނު ބުނެފި.

🔴 ޣައްޒާގެ 700،000 އަށް ވުރެން ގިނަ ކުޑަކުދިން ގެދޮރު ގެއްލި މަގުމަތިވެފައިވާކަމަށް އދ. ގެ ކުޑަކުދިންނާ ބެހޭ ޖަމްއިއްޔާ، ޔުނިސެފުން ބުނެފި.