ސްޓެލްކޯ އިން މި އެކްސްޕޯގައި ބައިވެރިވެ ސަރުކާރު ހިއްސާވާ ކުންފުނިތަކުގެ ދާއިރާއިން 1 ވަނަ ހޯދައިފައިވަނީ ރިޖަނަލް ސްކާޑާ ނަމުން ނަންދެއްވިފައިވާ ސްޓެލްކޯއިން ކަރަންޓްގެ ޚިދުމަތްދޭ ރަށްތަކުގައި ކަރަންޓު އުފެއްދުމުގެ ކަންތައްތައް ބެލެހެއްޓުމަށް ތަރައްޤީކުރި ނިޒާމުންނެވެ. މި ނިޒާމުގެ ސަބަބުން މަސައްކަތްތައް އިތުރު ހަރުފަތަކަށް ގެންދެވި މައްސަލަތައް ހައްލުކުރުމުގައި ހަރުދަނާކަމާއެކު މަސައްކަތްކުރެވޭނެކަމީ އެއްވެސް ޝައްކެއް އޮތްކަމެއްނޫންކަމަށް ސްޓެލްކޯއިން ވަނީ މައުލޫމާތު ދީފައެވެ. ނޯޓިސްއަކާ ނުލައި ކަރަންޓް ކެނޑޭ ވަގުތު މަދުކުރެވި ކުރިމަގުގައި ބޭނުންވާނެ ކަރަންޓުގެ މިންވަރު ސައްހަކަމާއެކު ކަންކަން ތަރުތީބު ކުރެވިގެންދާނެކަމަށް ސްޓެލްކޯއިން ވަނީ ފާހަގަކޮށްފައެވެ. ސްޓެލްކޯގެ މިސްރާބު ޒަމާނީ ޓްކްނެލޮޖީއަށް މިސްރާބު ޖަހަމުންދާދިއުން މިއީ އާންމު ރައްޔިތުންގެ ހިތުގައި ސްޓްލެކޯއާއި ދޭތެރޭ ދެކޭގޮތް އިތުރަށް ޕޮސެޓިވްވެގެން ދާނެދިއުމެއް ކަމުގައި ބެލެވެއެވެ.

ދިވެހީންގެ އުފެއްދުންތެރިކަމުގެ މަޢުރަޒުގައި ޖުމްލަ 383 ފަރާތަކުން ބައިވެރިވެފައިވެއެވެ. އެއީ 14 ކެޓެގަރީއަކުންނާއި 82 ސަބް ގިންތިއަކުންނެވެ. މަޢުރަޒުގައި 3600އަށްވުރެ ގިނަ ތަކެތި ބައިވެރި ކުރުމަށް އެޕްލިކޭޝަން ފޯމް ފުރާފައިވެއެވެ.

މިއީ ދިވެހިރާއްޖޭގެ އުފެއްދުންތެރިކަން އިތުރުކޮށް ވިޔަފާރި ފުޅާ ކުރުމުގެ މަޤްސަދުގައި، ވިޔަފާރިއާއި އުފެއްދުންތެރިކަމަށް އަމާޒުކޮށް ބާއްވާ މަޢުރަޒެކެވެ. މި މަޢުރަޒު ކުރިއަށްގެންދިއުމަށް ހަމަޖެހިފައިވަނީ 23 މެއި އިން ފެށިގެން 31 މޭގެ ނިޔަލަށެވެ. މި މަޢުރަޒު އާންމުންނަށް ހުޅުވާލުމަށް ހަމަޖެހިފައިވަނީ ހުކުރު ދުވަހުގެ ރޭ 8:30ގައެވެ.