ޕްރޮސިކިއުޓާ ޖެނަރަލްގެ އޮފީހުންވަނީ ބިދޭސީއެއްގެ އަތުން ފައިސާ ނެގުމަށް ފަހު، އެމީހާ އިމިގްރޭޝަންގެ ޑިޓެންޝަން ބަންދުން ދޫކޮށްލި ކަމަށް ތުހުމަތު ކުރާ މައްސަލައިގައި އިމިގްރޭޝަންގެ ކުރީގެ ކޮންޓްރޯލަރުގެ މުހައްމަދު ޝަމްއާން ވަހީދުގެ މައްޗަށް ދައުވާ އުފުލައި، ކްރިމިނަލް ލޯޓަށް ފޮނުވައިފި އެވެ.

ޕްރޮސިކިއުޓާ ޖެނަރަލްގެ އޮފީހުން މިރޭ ބަޔާންކުރިގޮތުން ޝަމްއާންގެ މައްޗަށް ތިން ދައުވާއެއް ވަނީ އުފުލައިފަ އެވެ. ފުރަތަމަ ދައުވާއަކީ ފޭރުމުގައި ބައިވެރިވުމުގެ ކުށުގެ ދައުވާ އެވެ. މިދައުވާޔަށް އެކަނިވެސް ސާބިތުވެއްޖެ ނަމަ 3 އަހަރާއި 2 މަހާއި 2 ދުވަހުގެ ޖަލު ހުކުމެއް އަންނަ ފަދަ ދައުވާއެކެވެ.

ދެވަނަ ދައުވާއަކަށް އުފުލީ ނަހަމަ ގޮތުގައި ރަސްމީ ހައިސިއްޔަތުން ބާރުގުބޭނުން ކުރިކަމުގެ ދައުވާއެވެ. މި ބަޔާން ކުރެނެވި ދެ ދައުވާ ސާބިތު ވެއްޖެ ނަމަ 5 އަހަރާއި 15 އަހަރާ ދެމެދުގެ ޖަލުހުކުމެއް އައިސް އަދި ޖޫރިމަނާގެ ގޮތުގައި އެއް މިލިއަން ރުފިޔާއާ ހަމައަށް ޖޫރިމަނާ ކުރެވޭ އަދަބު ކަނޑައެޅޭ ފަދަ ދައުވާ އެކެވެ.

ފުލުހުން ދަންވަރު ހިންގި އޮޕަރޭޝަންގައި އޭނާގެ ގެއިން ވަނީ އެތައް ލައްކަ ދިވެހި ރުފިޔާގެ އިތުރަށް އެތައް ހާސް ޑޮލަރެއްވެސް ވެސް އެނާގެ ގެއިން އަތުލައިގަނެފައެވެ. ޕީޖީންވަނީ އޭނާ ގެއިން ނެގުނު ފައިސާއާއި އަދި މިކަމުގައި ނެގިކަމަށް ތުހުމަތު ކުރެވޭ ފައިސާވެސް ދިވެހި ދައުލަތަށް ނަގައިދިނުމަށް އެދިފައެވެ. ބިދޭސީމީހާގެ އަތުން ފޭރުނު ކަމަށް ބުނާ ފައިސާއަށްވާ ބަދަލު ނަގައިދިނުމަށް ވެސް ދައުލަތުން އެދިފައިވެ އެވެ.