ފާއިތުވި 4 ދުވަހުގެ ތެރޭ އިޒްރާއީލުގެ 62 މިލިޓަރީ ވެހިކަލް ހަލާކުކޮށްލެވިފައިވާ ކަމުގައި ޙަމާސް ޖަމާޢަތުން ބުނެފިއެވެ.

ޙަމާސް ޖަމާޢަތުގެ ތަރުޖަމާނު އަބޫ އުބެއިދާ ވިދާޅުވީ، ޣައްޒާއަށް ވަންނަ އިޒްރޭލުގެ ޓެރަރިސްޓް ސިފައިންނާއި، ޙަމާސްގެ މުޖާހިދުން ދަނީ ކުރިމަތިލަމުން ކަމަށެވެ.

މިލިޓަރީ ވެހިކަލްތަކަށް މުޖާހިދުން ދިން ހަމަލާތައް ދިނުމުގެ ދަބަ އޮޕަރޭޝަންގައި އިޒްރާއީލް ޓެރަރިސްޓް ސިފައިންގެ ތެރެއިން މަދުވެގެން 9 މީހަކު މަރުވެފައިވާ ކަމުގައިވެސް ޙަމާސްއިން ވަނީ ބުނެފައެވެ. މިގޮތުން ބެއިތު ހަނޫންގައި އިޒްރާއިލް ޓެރަރިސްޓް ސިފައިން މަރުކަޒު ހަދައިގެން ތިބި އިމާރާތެއް ގޮއްވާލައި އެންމެން މަރާަލާފައިވާ ކަމުގައިވެސް ޙަމާސްއިންވަނީ ބުނެފައެވެ.

އިޒްރޭލުން ޣައްޒާއަށް ޙަމަލާދޭތާ،40 ދުވަސް ވީއިރު، އިޒްރޭލުގެ ސިފައިން ވައިގެ ހަމަލާތަކުގައި ފަލަސްތީނުގެ 11000 ވުރެ ގިނަ މީހުން ވަނީ ޝަހީދުކޮށްލާފައެވެ.