ޣައްޒާއަށް އިޒްރޭލުން ދެމުންދާ ހަމަލާތަކުގައި، މިހާތަނަށް 37 ނޫސްވެރިން މަރާލައިފިއެވެ.

އޮކްޓޫބަރު 8 ވަނަ ދުވަހު އިޒްރޭލުން ޣައްޒާއަށް ހަމަލާތައްދޭން ފެށިތާ އެއްމަސް ދުވަސްވެގެން ދިޔައިރު، ހަނގުރާމައިގެ ޚަބަރުތައް ގެނެސްދިނުމުގައި ހަރަކާތްތެރިވަމުން ދިޔަ، ނޫސްވެރިންގެ ތެރެއިން ފަލަސްޠީނުގެ 32 ނޫސްވެރިން އިޒްރޭލުން ވަނީ ޝަހީދުކޮށްލާފައެވެ. އަދި ބައެއް ނޫސްވެރިން ޝަހީދުކޮށްލާފައި ވަނީ އެމީހުންގެ އާއިލާއާވެސް އެކުގައެވެ. 

އެހެން ނަމަވެސް ނުރަސްމީ ރިޕޯޓްތައް ބުނާ ގޮތުގައި އިޒްރާއީލުގެ ހަމަލާތަކުގައި މަރުވި ނޫސްވެރިންގެ އަދަދު ވަނީ 47އަށް އަރާފައެވެ.

ރޭ އިޒްރާއީލުން ޣައްޒާއަށް ދިން ވައިގެ ހަމަލާތަކުގައި، ވެސް ވަނީ ފަލަސްޠީނުގެ ނޫސްވެރިއަކު ޝަހީދުކޮށްލާފައެވެ. ރޭ ޝަހީދުކޮށްލާފައި ވަނީ، މުހައްމަދު އަލް ޖަލާލް ނަމަކަށްކިޔާ ނޫސްވެރިއެކެވެ. އިޒްރާއީލުން އޭނާ ދިރިއުޅޭ އިމާރާތަށް ބޮން އެޅުމުގެ ސަބަބުން އޭނާ އާއި އޭނާގެ އަނބިމީހާއާި އެދެމަފިރިންގެ ކުޑަ ދެދަރިން ވަނީ ޝަހީދުވެފައެވެ.

އިޒްރާއީލުން ރޭގަނޑުގެ ވަގުތުގައި ވައިގެ ހަމަލާތައް ދެމުން އަންނަނީ މީހުން ޢިމާރާތްތަކުގައި ނިދާފައި ތިއްބައެވެ.

އިޒްރޭލުން އަންނަނީ ޣައްޒާގެ ރައްޔިތުންނާއި ދެކޮޅަށް ހަނގުރާމައިގެ ހުރިހާ ޖަރީމާތަކެއް ހިންގައި ޤަތުލު ޢާއްމުތައް ހިންގަމުންނެވެ.