ޙަމާސްއިން އަސީރެއްގެ ގޮތުގައި ޣައްޒާއަށް ގެންގޮސްފައިވާ މީހަކު މަރުވެއްޖެކަމުގައި ހަމާސްއިން ހާމަކޮށްފިއެވެ.

ޙަމާސްއިން ހާމަކޮށްފައިވާ ގޮތުގައި މަރުވެފައި ވަނީ، އޮކްޓޫބަރު 7 ވަނަ ދުވަހު، ޙަމާސްއިން، އިޒްރޭލުން ބައިނަލްއަޤުވާމީ ޤާނޫނުތަކާއި ޚިލާފަށް ހަދާފައިވާ ޔަހޫދީ އާބާދީތަކުގައި ދިރިއުޅެމުން ދިޔަ މީހުންގެ ތެރެއިން ހަނގުރާމައިގެ އަސީރެއްގެ ގޮތުގައި ހަމާސްއިން ޣައްޒާއަށް ގެންދިޔަ، އަރީހް ޒަލްމެން ޒްމޮނޮވިޗް ނަމަކަށް ކިޔާ އުމުރުން 86 އަހަރުގެ މީހެކެވެ. ޙަމާސްއިން ބުނީ، ހިތުގެ ބަލިހުންނަ އެމީހާ މަރުވީ، ހާޓްއެޓޭކެއްޖެހި އައިސީޔޫގައި ފަރުވާދިނުމަށްފަހުގައި، ހާލަތު ރަނގަޅުވަމުން އަންނަނިކޮށް، އޭނާ ބަންދުކޮށްފައިވާ ތަނަށް އިޒްރާއީލުން ބޮންއަޅަމުން ދިޔުމާއި ގުޅިގެން ޕެނިކްއެޓޭކެއްވެސް ޖެހުމަށްފަހުގައެވެ.

ޙަމާސްއިން އިންވަނީ އޭނާއަށް ފަރުވާދެމުން ދިޔައިރުގެ ވީޑިއޯ އާއި މަރުވެފައިވަނިކޮށް ނަގާފައިވާ ވީޑިއޯވެސް އާއްމުކޮށްފައެވެ.