މިއީ ހަމާސް އާއި އިސްރާއީލު ސިފައިންނާ ދެމެދު ކުރިޔަށްދާ ހަނގުރާމައިގެ 43 ވަނަ ދުވަސް، 18 ނޮވެމްބަރ 2023 ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴  އިސްރާއީލުގެ އަސްކަރިއްޔާއިން ޣައްޒާގެ އުތުރުން، ޖަބަލިއާ ރެފިއުޖީ ކޭމްޕްގައި ހުންނަ އަލް-ފަޚޫރާ ސްކޫލަށް ވަނީ ހޮނިހިރު ދުވަހުގެ ހެނދުނު ހަމަލާދީފި. އަދި ހަމަ އެ ދުވަހު ތަލް އަލް-ޒާތަރް ކިޔާ އަވަށެއްގައި ހުންނަ ސްކޫލަކަށް ވެސް ހަމަލާދީފައި. މި ދެ ސްކޫލަކީވެސް އދ. ގެ ކަމާ ގުޅޭ އެޖެންސީއިން ހިންގާ 2 ސްކޫލް. މި ހަމަލާތަކުގައި 50 އަށް ވުރެން ގިނަ އާންމުން ވަނީ މަރުވެފައި. މީގެ އިތުރުން އިސްރާއީލް ސިފައިން ދަނީ އާންމުން ދިރިއުޅޭ ސަރަޙައްދުތަކަށް ބޮން އަޅަމުން.

🔴 އަލް-ޝިފާ ހޮސްޕިޓަލުން ނިކުތުމަށް އިސްރާއީލް ސިފައިން އެންގުމާ ގުޅިގެން، އެތާންގައި ބޯހިޔާވަހިކަން ހޯދަމުން ދިޔަ ގިނަ މީހުނާއި، ފަރުވާ ހޯދަމުން ދިޔަ ގިނަ މީހުން ވަނީ ހޮސްޕިޓަލް ދޫކޮށް ގޮސްފައި. އަދި މިހާރު ހޮސްޕިޓަލްގައި ތިބީ މަދު ބަޔަކު. ދުނިޔޭގެ ސިއްހަތު ޖަމްއިއްޔާ، ޑަބްލިޔު. އެޗް. އޯ. އިން އަލް-ޝިފާ ހޮސްޕިޓަލް މިހާރު ސިފަކުރަނީ "ޑެތު ޒޯން" އެއް ގޮތުގައި.

Advertisement

🔴 ޣައްޒާއަށް ސިޔާދަތީ ބާރު ހިންގަންވާނީ ފަލަސްތިނުގެ ސަރުކާރުންކަމަށް ބުނެ އެމެރިކާގެ ރައީސް ޖޯ ބައިޑެން ހުށަހެޅި ހުށަހެޅުމަށް ނަތަންޔާހޫ ދެކޮޅު ހަދައިފި.

🔴 ޣައްޒާގައި ހިންގަމުންދާ ގަތުލުއާންމު ހުއްޓާލުމަށް އިސްރާއީލަށް ނުފޫޒު ފޯރުވުމަށް، ފަލަސްތީނުގެ ރައީސް މަހަމޫދު އައްބާސް އެމެރިކާގެ ރައީސްއަށް ގޮވާލައިފި.