މިއީ ހަމާސް އާއި އިސްރާއީލު ސިފައިންނާ ދެމެދު ކުރިޔަށްދާ ހަނގުރާމައިގެ 39 ވަނަ ދުވަސް، 14 ނޮވެމްބަރ 2023 ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 ޣައްޒާގައި ހުންނަ އަލް-ޝިފާ ހޮސްޕިޓަލް ހިމެނޭ ސަރަޙައްދު ރެއިޑް ކުރާނެކަމުގެ މައުލޫމާތު އިސްރާއީލުގެ އަސްކަރިއްޔާއިން ޣައްޒާ ސިޓީގެ އޮފިޝަލުންނަށް ދީފައިވާކަމަށް، ޣައްޒާގައި ހުންނަ ފަލަސްތީނުގެ ހެލްތް މިނިސްޓްރީގެ ތަރުޖަމާނު، އަޝްރަފް އަލް ޤުދްރާ ބުނެފި.

🔴 އަލް-ޝިފާ ހޮސްޕިޓަލުން، އެ ހޮސްޕިޓަލުގެ ޑޮކްޓަރަކު ރިޕޯޓްކޮސްފައިވާ ގޮތުގައި، އެތާންގެ ވަށައިގެން އިސްރާއީލުގެ އަސްކަރިއްޔާއިން ތިބެ، މެދުކެނޑުމެއްނެތި ހޮސްޕިޓަލް ހިމެނޭ ސަރަހައްދަށް ބޮން އަޅާ އަދި މީހުންނަށް އަމާޒުކޮށް ދަނީ ބަޑި ޖަހަމުން. އޭނާ އެކަން ސިފަކުރެއްވީ، މަރު އޮތީ އެމީހުން ވަށާލާފައިވާކަމަށް ބުނެ.

Advertisement

🔴 އދ. ގެ ތެޔޮ ޓްރަކްތައް ޣައްޒާ ސިޓީއަށް ވަނުމަށް އިސްރާއީލުން ހުއްދަދީފައިވާކަމަށް ރޮއިޓާސް އިން ރިޕޯޓްކޮށްފި. ނަމަވެސް އަދި އިސްރާއީލުންނާއި، އދ. އިންނާއި އަދި ހަމާސްއަކުން ވެސް މިކަމާ ގުޅިގެން ރަސްމީ ބަހެއް ބުނެފައެއް ނުވޭ.

🔴 އަލް-ޝިފާ ހޮސްޕިޓަލުގައި ދުވަސް ނުފުރާ ވިހާފައި ތިބި ކުދިންނަށް ފަރުވާ ނުދެވި އެ ތުއްތު ފުރާނަތައް މަރުވަމުންދާ މަންޒަރު ފެނި، އެ ހޮސްޕިޓަލުގައި ތިބި ބަލި މީހުން އެހެން ހޮސްޕިޓަލްތަކަށް ބަދަލުކުރުމުގެ ފުރުސަތު ދިނުމަށް މުޅި ދުނިޔޭގެ އެކި ކަންކޮޅުތަކުން ގޮވާލަމުން އެބަދޭ. ނަމަވެސް ޣައްޒާގެ އޮފިޝަލުން ބުނަނީ، ހަނގުރާމައާ ހެދި އެއްވެސް މީހަކު އެހެން ހޮސްޕިޓަލަށް ބަދަލުކުރުމަކީ ވުން ވަރަށް ނާދިރުކަމެއް ކަމަށް.

🔴 ޣައްޒާގެ ގިނަ ހޮސްޕިޓަލްތަކުގެ ހިންގުން  މުޅިން ހުއްޓިފައިވުމުގެ ސަބަބުން، 15 ސިއްޙީ އެހީތެރިއަކު ޣައްޒާއަށް ވަނުމުގެ ހުއްދަ އިސްރާއީލުން ދީފައިވާކަމަށް ރިޕޯޓްތައް ބުނޭ.

🔴 ޣައްޒާގެ އުތުރުގައި ހުންނަ އަލް-ޝަތީ ރެފިއުޖީ ކޭމްޕްގެ ފުރިހަމައަށް ނަގާފައިވާކަމަށް އިސްރާއީލުން ބުނެފި. މިއީ އޮކްޓޯބަރ 7 ގެ ކުރިން 90،000 އަށް ވުރެން ގިނަ މީހުން ބޯހިޔާވަހިކަން ހޯދަމުން ދިޔަ ކޭމްޕެއް. އިސްރާއީލުގެ އަސްކަރިއްޔާއިން ހާމަކޮސްފައިވާ ގޮތުގައި މިހާރު އެ ކުރިޔަށްދަނީ އުތުރު ޣައްޒާ އެއްކޮށް ހިފުމުގެ މަސައްކަތް.

🔴 އެމެރިކާއިން އިސްރާއީލަށް ވާގިވެރިވަމުން ދާތީ އެކަމާ ނުރުހުން ފާޅުކުރުމަށް، ވޮޝިންޓަންގެ މަގުތަކަށް އެތައް ހާސް ބަޔަކު ނިކުމެ، ހަނގުރާމަ ހުއްޓާލުމަށް ގޮވާލައިފި.

🔴 ހިފާފައިވާ ހުޅަނގު އައްސޭރީގައި އިސްރާއީލް ސިފައިން ކުރިޔަށް ގެންދާ އޮޕަރޭޝަންތަކުގައި މަދު ވެގެން 7 މީހުން މަރުވެފައިވާއިރު، 5 ގެ ވަނީ މުޅިން ބިމާ ހަމަވެފައި.

🔴 އަލް-ޝިފާ ހޮސްޕިޓަލުން ގިނަ ބަޔަކު މަރުވަމުންދާއިރު، މަރުވެފައި ތިބި މީހުންގެ ހަށިގަނޑުތައް ވަޅުލުމުގެ ފުރުސަތެއް އިސްރާއީލުން ނުދޭތީ ގިނަ ހަށިގަނޑުތައް މިހާރު ދަނީ ކުނިވަމުން.