މޫސުމާއި ބެހޭ ޤައުމީ އިދާރާއިން ވިދާޅުވީ، ކުރިއަށް އޮތް ވަގުތު ތަކުގައި މުޅި ރާއްޖެއަށް ވިއްސާރަ ކުރާނެ ކަމަށް ލަފާކުރެވޭ ކަމަށެވެ. މިގޮތުން މޫސުމާިއ ބެހޭ ޤައުމީ އިދާރާއިން މުޅި ރާއްޖެެއަށް ވައިޓް އެލާޓް ނެރެެފައި ވަނީ މިއަދުގެ މެންދުރު ފަހު 12:30 އިން ހަވީރު 5:00އަށެވެ.

ސަޢުދާ މިހެން ވިދާޅުވީ، ސަޢުުދާ މަޖިލީހުގެ ނާއިބު ރައީސާގެ މަޤާމަށް ގެނައުމަށް ގޮވާލާ ބައެއް ފަރާތްތަކުން ކުރަމުންދާ ކެމްޕޭންތަކާއި ގުޅިގެންނެވެ. މިގޮތުން ސައުދާ މަޖިލީހުގެ ނައިބު ރައީސް ކަމުގެ މަޤާމަށް ގެނައުމަށް ގޮވާލައި، "ސައުދާ ފޯރ ޑެޕިއުޓީ ސްޕީކަރ"ގެ ނަމުގައި ހިންގަމުންދާ އެކްސް އެކައުންޓާއި ގުޅޭ ގޮތުން ސައިދާ ވިދާޅުވީ، އެއީ އޭނާއާއި ގުޅުން އޮތް އެކައުންޓެއް ނޫންކަމަށެވެ. އަދި އޭނާގެ ނަމުގައި އެފަދަ ކަންކަން ނުކުރުމަށް ވަރަށް ބޮޑަށް އެދޭ ކަމުގައި ސައުދާ ވަނީ ވިދާޅުވެފައެވެ.

މިއަދުގެ ޖަލްސާގެ ކޯރަމް ހަމަވޭތޯ މަސައްކަތް ކުރެއްވުމަށްފަހު، މަޖިލީހުގެ ރައީސް މުޙައްމަދު އަސްލަމް ޖަލްސާ ނިންމަވާލެއްވިކަން އިޢުލާން ކުރެއްވީ، 11 ޖެހިފަހުންނެވެ. އޭގެ ކުރިން 9:30 އާއި 10:00 އަދި 11:00އަށް ވެސް ކޯރަމް ހަމަވާ ވަރަށް މެމްބަރުން މަޖިލީހަށް ހާޟިރުވޭތޯ މަޖިލީހުގެ ރައީސް މަސައްކަތްޕުޅު ކުރެއްވިއެވެ. އެހެން ނަމަވެސް ޖަލްސާ ނިންމަވާލެއްވި އިރު، މަޖިލީހުގެ ތަޅުމުގައި ތިއްބެވީ 10 މެމްބަރުންނެވެ. މަޖިލީހުގެ ކޯރަމަކީ 19 މެމްބަރުންނެވެ.

ފުލުހުން ނޫސްވެރިންނަށް މައުލޫމާތު ދިނުމަށް ހަދާފައިވާ ވަޓްސްއެޕް ގުރޫޕުގައި ފުލުހުންގެ ފަރާތުން ލިޔެފައިވާ މެސެޖުގައި ބުނެފައި ވަނީ ބަންދުގެ މުއްދަތު އިތުރުކުރުމަށް އެމީހާ ކޯޓަށް ހާޟިރުކުރުމުން، ޝަރުޠުތަކަަކާއި އެކު ކޯޓުން އެމީހާ ދޫކޮށްލާފައިވާ ކަމަށެވެ. އެހެން ނަމަވެސް އެމީހާ ހާޟިރު ކުރީ ކޮން ކޯޓަކަށް ކަމެއް ފުލުހުން ބުނެފައެއް ނުވެއެވެ.

އެވައްކަން ކުރިކަމަށް ތުހުމަތު ކުރެވޭ މީހުން ހައްޔަރުކޮށްފައިވާ ކަމަށް ބުނުން ފިޔަވައި އެކަމާއި ގުޅޭ ގޮތުން ފުލުހުން އިތުރު މައުލޫމާތެއް ހާމައެއް ނުކުރެއެވެ.

މިބޭފުޅުން ސަފީރުންގެ މަޤާމަށް ޢައްޔަނުކުރައްވައި މަޤާމުގެ ފަތްކޮޅު ދެއްވުމަށް ބޭއްވި ރަސްމިއްޔާތު އޮތީ މިއަދު މެންދުރު ކުރީގައި ރައީސުލްޖުމްހޫރިއްޔާގެ އޮފީހުގައެވެ.

މިގޮތުން ޑެންގޫ ހުމާއި، ޗިކުންގުންޔާ އެންމެ ބާރަށް ފެތުރެމުން އަންނަނީ، މާލެ ސަރަހައްދުގައެވެ. އަދި ޗިކުންގުންޔާ އެންމެ ބޮޑަށް ފެތުރެމުން އަންނަނީ މާލޭގައި ކަމަށް ވާއިރު، ޑެންގޫހުން އެންމެ ބޮޑަށް ފެތުރެއްމުން އަންނަނީ ހުޅުމާލޭގައެވެ. މާރިޗު މަހުގެ 25 އިން މެއި މަހުގެ 4 ވަނަ ދުވަހާއި ހަމައަށް މާލެއިން އެކަނިވެސް 193 މީހަކަށް ޗިކުންގުންޔާ ޖެހިފައިވާއިރު، އެމުއްދަތުގައި، ހުޅުމާލެއިން ޗިކުންގުންޔާ ޖެހިފައި ވަނީ 40 މީހުންނަށެވެ.

ކްރޮސްރޯޑުގައި އިއްޔެ ފެށި މިފޯރަމް ހުޅުއްވައިދެއްވީ މިނިސްޓަރ އޮފް ސްޓޭޓްފޯރ ޑިފެންސް މުއާޒް ޙަލީމްއެވެ. ފޯރަމް ފައްޓަވައި ދެއްވަމުން ދެއްކެވި ވާހަކަފުޅުގައި މުއާޒް ވިދާޅުވީ، އެއާޕޯތުގެ ސަލާމަތާއި ރައްކާތެރިކަމަށް މުހިއްމު ފިޔަވަޅުތަކެއް އެޅިފައި އޮތުމަކީ މުހިއްމު ކަމެއް ކަމަށެވެ. އަދި އެއާޕޯޓުގެ އޮޕަރޭޝަން ތަކުގައި، އަވަސް އިމަރޖެންސީ ރެސްޕޮންސް ކަށަވަރު ކުރުމާއި، ވިލުންވެރިކަން ދެމެހެއްޓުމަށްޓަކައި، ސްޓޭކް ހޯލްޑަރުންގެ މެދުގައި ބަދަހިގުޅުމެއް އޮތުމުގެ މުހިއްމުކަންވެސް އޭނާ ފާހަގަކުރެއްވިއެވެ.

މިމައްސަލައިގައި ތުހުމަތު ކުރެވޭ މީހާ ހައްޔަރުކޮށްފައިވާ ކަމަށް ބުނުން ފިޔަވައި އިތުރު މައުލޫމާތެއް ފުލުހުން ހާމައެއް ނުކުރެއެވެ. އެނގިފައިވާ ގޮތުގައި ބިދޭސީ މީހާ އެއާލައިން މުވައްޒަފަށް ހަމަލާދިނީ ކަމަކާއި މެދު ހިތް ހަމަ ނުޖެހިގެންނެވެ. އަދި އެމާރާމާރީ ހިނގި ވަގުތު ނަގާފައި ވީޑިއޯއެއް ސޯޝަލް މީޑިއާގައި ދައުރުވަމުންދާއިރު، އެ މީހާ ދެ މުވައްޒަފަކަށް ހަމަލާދޭ މަންޒަރު ވީޑިއޯއިން ފެނެއެވެ.

ރައީސުލްޖުމްހޫރިއްޔާގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި، ހީނާ ވިދާޅުވީ، މިހާތަނަށް ރާއްޖެއިން ގެންގޮސްފައި ވަނީ، ދެ ޕްލެޓްފޯމެއްގައި ތިބި 51 ސިފައިން ކަމަށާއި، މެއި މަހުގެ 10 ވަނަ ދުވަހުގެ ކުރިން ރާއްޖޭގައި ތިބި ހުރިހާ ސިފައިން އިންޑިއާއިން އަނބުރާ ގެންދާނެ ކަމަށެވެ. އަދި އެމީހުންގެ ބަދަލުގައި، ރާއްޖެއަށް އައި އިންޑިއާގެ މަދަނީންގެ އަދަދު އެތާރީޚަށްފަހުގައި ހާމަކުރައްވާނެ ކަމަށް ހީނާ ވިދާޅުވިއެވެ.

މި ތިންބޭފުޅުންނަށް ރުހުން ދިނުމަށް ނެގި ވޯޓުގައި، ޑރ. ފަޒީލް ނަޖީބަށާއި، ޝިއުނީން ރަޝީދު ސަފީރު ކަމުގެ މަޤާމަށް ޢައްޔަނުކުރަން ފެންނަކަމަށް، ވޯޓު ދެއްވާފައި ވަނީ، 35 މެމްބަރުންނެވެ. އަދި ތާޙާއަށް ރުހުން ދިނުމަށް ފެންނަކަމަށް ވޯޓު ދެއްވާފައި ވަނީ، 33 މެމްބަރުންނެވެ.

ފްލެޓްތަކާއި ގުޅިގެން އާއްމު ފަރާތްތަކުން ހުށައެޅި، މައްސަލައެއް ދިރާސާކޮށް، މަޖިލީހުގެ ޤައުމީ ތަރައްޤީ އާއި ތަރިކައިގެ ކޮމިޓީން ތަޅުމަށް ހުށައެޅި ރިޕޯޓް ފާސްކޮށްފައި ވަނީ، 29 މެމްބަރުންގެ ވޯޓުންނެވެ. އެއާއި ދެކޮޅަށް އެއްވެސް މެމްބަރަކު ވޯޓު ދެއްވާފައެއް ނުވެެއެވެ.

އެމަނިކުފާނު މިހެން ވިދާޅުވެފައި މިވަނީ، އިއްޔެ އެމަނިކުފާނުގެ ޕާޓީ ޕީއެންސީއަށް ނިސްބަތްވާ އިންތިޚާބީ މަޖިލިސް މެމްބަރު ޢިމްރާން ލަތީފްއަށް ތާއީދު ކުރާ ބައެއް ފަރާތްތަކުން ކުރީގެ ހޯމް މިނިސްޓަރ އިމްރާންގެ ކާރުގައި މީހެއްގެ ޕިކަޕުން ޖެހި ހިނގި އެކްސިޑެއްޓެއްގެ ތެރެއަށް ޢިމްރާން ލަތީފް ވަދެ، ހިންގި އަމަލުތަކެއްގެ ވީޑިއޯ އެއް ސޯޝަލް މީޑިއާގައި ޕޯސްޓްކޮށް ދައުރުކުރަމުންދާ ދަނޑިވަޅެއްގައެވެ.

އެމްއެންޑީއެފުން ހާމަކުރައްވާފައިވާ ގޮތުގައި، މި އެކްސަސައިޒް ފެށުމުގެ ގޮތުން ބަންޑާރަކޮށީގައި އާދިއްތަ ދުވަހު ބޭއްވި ރަސްމިއްޔާތު ޝަރަފުވެރިކޮށްދެއްވީ ޗީފް އޮފް ޑިފެންސް ފޯސް، މޭޖަރ ޖެނެރަލް އިބްރާހީމް ޙިލްމީއެވެ. މި ރަސްމިއްޔާތުގައި ޗީފް އޮފް ޑިފެންސް ފޯސް، މޭޖަރ ޖެނެރަލް އިބްރާހީމް ޙިލްމީގެ އިތުރުން ޔޫއެސް މޮންޓާނާ ނޭޝަނަލް ގާޑުގެ އެޖުޓަންޓް ޖެނެރަލް، މޭޖަރ ޖެނެރަލް ޕީޓަރ ރޮނެކް ބައިވެރިވެވަޑައިގެންނެވިއެވެ.

ރައީސުލްޖުމްހޫރިއްޔާ، ޑރ. މުހައްމަދު މުޢިއްޒާއި އެމަނިކުފާނުގެ އަނބިކަނބަލުން ސާޖިދާ މުޙައްމަދު ނުރަސްމީ ދަތުރުފުޅެއްގައި ސިންގަޕޫރަށް ފުރާ ވަޑައިގެންނެވީ، މިދިޔަ މަހުގެ 30 ވަނަ ދުވަހުގައެވެ. ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި 5 ދުވަހުގެ ދަތުރުފުޅަކީ، ނުރަސްމީ ދަތުރުފުޅަކަށްވާތީ، އެ ދަތުރުފުޅާއި ގުޅޭ ގޮތުން ރައީސުލްޖުމްހޫރިއްޔާގެ އޮފީހުން އިތުރު މައުލޫމާތެއް ހާމައެއް ނުކުރައްވައެވެ.

އެމިނިސްޓްރީން ވިދާޅުވީ، މާލޭގެ ސަރަހައްދުތަކުގެ ސްކޫލުތަކުގެ ގްރޭޑް 1އަށް ވެއްދުމަށް، 2290 ފޯމް ހުށައަޅާފައި ވާކަމަށާއި، އަދި ގްރޭޑް 1 ފިޔަވައި އެހެން ގްރޭޑްތަކަށް ވެއްދުމަށް 1450 ފޯމް ހުށައަޅާފައި ވާކަމަށެވެ. މީގ އިތުުރުން މާލެ ސަރަހައްދުގެ އެއް ސްކޫލުން އަނެއް ސްކޫލަށް ބަދަލުވުމަށްވެސް 660 ފޯމު ހުށައަޅާފައި ވާކަމުގައި މިނިސްޓްރީ އޮފް އެޑިޔުކޭޝަނުން ވިދާޅުވިއެވެ.