ފޮރިން މިނިސްޓަރ މޫސާ ޒަމީރު، ރަސްމީ ދަތުރުފުޅެއްގައި ރޭ ޤަތަރަށް ވަޑައިގެންފިއެވެ.

އިއްޔެ ބޭއްވެވި ނޫސްވެރިންގެ ބައްދަލުވުމުގެ ހަވާސާގައި، ޤަތަރު ދަތުރުފުޅުގައި ފުރާ ވަޑައިގަންނަވާކަން މިނިސްޓަރ ޒަމީރު ވަނީ ހާމަކުރައްވާފައެވެ. އެކަމާއި ގުޅޭ ގޮތުން ފޮރިން މިނިސްޓްރީން ވިދާޅުވީ، މިނިސްޓަރ ޒަމީރުގެ މިދަތުރުފުޅުގައި، ގަތަރުގެ ބޮޑުވަޒީރާއި ހާރިޖީ ވަޒީރާއި މިނިސްޓަރ ޒަމީރު ބައްދަލު ކުރައްވައި، ދެ ޤައުމުގެ އިސްވެރިންގެ މަޝްވަރާތައް ކުރިޔަށް ގެންދަވާނެ ކަމަށެވެ. 

މިދަތުރުފުޅުގައި މިނިސްޓަރ ޒަމީރުގެ އަރިހުގައި ރާއްޖޭގެ ފޮރިން މިނިސްޓްރީގެ އިސްވެރިންގެ ވަފްދެއް ބައިވެރިވެވަޑައިގަންނަވައެވެ.

މި ނިމުނު ހަފްތާގައި، މިނިސްޓަރ މޫސާ ޒަމީރު ވަނީ، ދިވެހިރާއްޖެ އާއި އިންޑިއާ ސަރުކާރުގެ ވެރިންގެ މެދުގައި ބޭއްވޭ މަތީ ފަންތީގެ މަޝްވަރާތަކަށް، ދިއްލީއަށް ވެސް ވަޑައިގެންފައެވެ.