މިބައްދަލުކުރެއްވުން އޮތީ ހޯމަ ދުވަހު ރިޔާޟުގައެވެ. ފޮރިން މިނިސްޓްރީން ހާމަކުރައްވާފައިވާ ގޮތުގައި މިބައްދަލުކުރެއްުމުގައި، ފޮރިން މިނިސްޓަރ މޫސާ ޒަމީރު ވަނީ، ރައީސުލްޖުމްހޫރިއްޔާ ޑރ. މުޙައްމަދު މުއިއްޒު، ސަޢޫދީޢަރަބިއްޔާގެ ވަލީ އަޙްދު މުޙައްމަދު ބިން ސަލްމާންއަށް ފޮނުއްވެވި ސިޓީފުޅު އެމަނިކުފާނަށް ރައްދުކުރެއްވުމަށްޓަކައި ސަޢޫދީޢަރަބިއްޔާގެ ފޮރިން މިނިސްޓަރުގެ އަތްޕުޅަށް އަރުއްވާފައެވެ.

މިނިސްޓްރީ އޮފް ފޮރިން އެފެއާޒުން ހާމަކުރައްވާފައިވާ ގޮތުގައި، ޓޫރިޒަމް މިނިސްޓަރ މޫސާ ޒަމީރާއި ސަރުކާރުގެ އިސްބޭފުޅުންގެ މައްޗަށް އެކުލެވޭ ވަފުދެއް ސަޢޫދީއަރަބިއްޔާއަށް ވަޑައިގެންފައި ވަނީ، އެޤައުމުގެ ފޮރިން މިނިސްޓަރ ޕްރިންސް ފައިސަލް ބިން ފަރްހާން އާލްސައުދުގެ ދައުވަތަކަށެވެ.

އިންޑިއާގެ އެގްޒިމް ބޭންކުގެ ލައިން އޮފް ކްރެޑިޓް ފެސިލިޓީގެ ދަށުން ރާއްޖޭގެ 28 ރަށެއްގައި ފެނާއި ނަރުދަމާގެ ނިޒާމްގެ މަސައްކަތް ނިންމައި އެމަޝްރޫޢުތައް ދިވެހި ސަރުކާރާއި ހަވާލުކުރުމުގެ ރަމްޒީލިޔުން ރާއްޖޭގެ ފޮރިން މިނިސްޓަރ މޫސާ ޒަމީރާއި ހަވާލުކޮށްދެއްވީ، އިންޑިއާގެ ޚާރިޖީ ވަޒީރު، ޑރ. އެސް ޖައިޝަންކަރެވެ.

މިނިސްޓަރ މޫސާ ޒަމީރު ވިދާޅުވީ، އިންޑިއާއާއެކު ދިވެހިރާއްޖެއިން މިނިވަން ވިޔަފާރީގެ އެއްބަސްވުމެއް ޤާއިމް ކުރުމަށް ހުށައެޅުއްވި ހުށައެޅުމަކީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ފަރާތްޕުޅުން ހުށައެޅުއްވި ހުށައެޅުއްވުމެއް ކަމަށެވެ. އަދި މިފަދަ ފްރީޓްރޭޑް އެގްރިމެންޓެއް ޤާއިމް ކުރުމުގެ ސަބަބުން އެކަމުގެ ސަބަބުން އިތުރު ވިޔަފާރިތަކަށް ފުރުޞަތު ހުޅުވި އިޤުތިޞާދަށް ހެޔޮއަސަރުތައް ކުރާނެ ކަމުގައި މިނިސްޓަރ ޒަމީރު ވަނީ ފާހަގަކުރައްވާފައެވެ.

ދިވެހި ސަރުކާރުން އިންޑިއާގެ ބޭންކް، ސްޓޭޓް ބޭންކް އޮފް އިންޑިއާއަށް ދައްކަން ޖެހޭ 50 މިލިއަން ޑޮލަރަކީ، އެބޭންކުން ގަނެފައިވާ ދިވެހިރާއްޖޭގެ ޓްރެޝަރީ ބޮންޑަށް މިއަހަރު ދައްކަން ޖެހޭ ފައިސާއެވެ. އެސްްބީއައި އިން ވަނީ، ޖުމުލަ 200 މިލިއަން ޑޮލަރުގެ ޓްރެޝަރީ ބޮންޑް ގަނެފައެވެ. އެއީ ދިވެހި ސަރުކާރާއި އިންޑިއާ ސަރުކާރާއި ދެމެދު 2019 ވަނަ އަހަރު ވެވުނު އެއްބަސްވުމުގެ ދަށުން ވިއްކާފައިވާ ޓްރެޝަރީ ބޮންޑަށް، ދިވެހި ސަރުކާރުން ދައްކަންޖެހޭ ފައިސާއެވެ.

އިއްޔެ ބޭއްވެވި ނޫސްވެރިންގެ ބައްދަލުވުމުގެ ހަވާސާގައި، ޤަތަރު ދަތުރުފުޅުގައި ފުރާ ވަޑައިގަންނަވާކަން މިނިސްޓަރ ޒަމީރު ވަނީ ހާމަކުރައްވާފައެވެ. އެކަމާއި ގުޅޭ ގޮތުން ފޮރިން މިނިސްޓްރީން ވިދާޅުވީ، މިނިސްޓަރ ޒަމީރުގެ މިދަތުރުފުޅުގައި، ގަތަރުގެ ބޮޑުވަޒީރާއި ހާރިޖީ ވަޒީރާއި މިނިސްޓަރ ޒަމީރު ބައްދަލު ކުރައްވައި، ދެ ޤައުމުގެ އިސްވެރިންގެ މަޝްވަރާތައް ކުރިޔަށް ގެންދަވާނެ ކަމަށެވެ.

އިންޑިއާގެ ފޮރިން މިނިސްޓްރީން ހާމަކޮށްފައިވާ ގޮތުގައި، އިންޑިއާ ސިފައިން ރާއްޖެއިން އަނބުރާ ގެންދިއުމަށް ދެޤައުމުގެ ދެމެދުގައި ވެވިފައިވީ އެއްބަސްވުމާއި އެއްގޮތަށް، މިހާރު ވަނީ ރާއްޖޭގައި ތިބި އިންޑިއާ ސިފައިންގެ ހުރިހާ އޮފިސަރުން އަނބުރާ ޤައުމަށް ގެންގޮސް އޭގެ ބަދަލުގައި އެޤައުމުގެ އާއްމު މީހުން ރާއްޖެއަށް ގެނެސްފައެވެ. ދެސަރުކާރުގެ ދެމެދުގައި އެއްބަސްވެފައި ވަނީ ރާއްޖޭގައި ތިބި އިންޑިއާ ސިފައިން މެއި 10ގެ ކުރިން އަނބުރާ އިންޑިއާއަށް ގެންދިޔުމަށެވެ.

ރައީސުލްޖުމްހޫރިއްޔާ ޑރ މުހައްމަދު މުޢިއްޒު ވެރިކަމަށް ވަޑައިގެންނެވުމަށް ރައްޔިތުންނަށް ވެވަަޑައިގެންނެވި މައިގަނޑު އެއް ވަޢުދަކީ، ރާއްޖޭގައި ތިބި އިންޑިއާ ސިފައިން ރާއްޖެއިން ބޭލުމެވެ. އެކަމަށް އެމަނިކުފާނު އެންމެ ފުރަތަމަ ދެއްވި ސުންގަނޑިއަކީ މާރިޗު 10 އެވެ. އެހެން ނަމަވެސް ދެ ސަރުކާރުގެ ދެމެދުގައި ކުރެވުނު މަތީ ފެންވަރުގެ މަޝްވަރާތަކަށް ފަހުގައި ފަހުން އެއްބަސް ވެވުނީ ރާއްޖޭގައި ތިބި އިންޑިއާގެ ހުރިހާ ސިފައިން މެއި 10ގެ ކުރިން ފޭބުމަށެވެ.

އިސްރާޢީލުން ލާއިންސާނީ ހަމަލާތައް ދެމުންދާ ފަލަސްޠީނުގެ ރައްޔިތުންނަކީ، ރައްކާތެރިކަމާއި ތަނަވަސްކަމާއެކު ދިރިއުޅުމުގެ ފުރިހަމަ ހައްޤު ލިބިގެންވާ ބައެއް ކަމަށާއި، ދިވެހިން އަބަދުވެސް ފަލަސްޠީނުގެ ރައްޔިތުންނާއި އެއްކޮށް ތިބޭނެކަމަށް ޚާރިޖީ ވަޒީރު މޫސާ ޒަމީރު ވިދާޅުވެއްޖެއެވެ. އެމަނިކުފާނު މިހެން ވިދާޅުވީ ނަން-އެލައިންޑް މޫވްމަންޓް، ނާމްގެ 19 ވަނަ ސަމިޓްގެ މިނިސްޓަރުންގެ ބައްދަލުވުމުގައި ތަޤްރީރު ކުރައްވަމުންނެވެ.

މިބައްދަލުވުމާއި ގުޅޭ ގޮތުން، އިންޑިއާގެ އެކްސްޓަރނަލް އެފެއާޒް މިނިސްޓަރ ވިދާޅުވީ، އިންޑިއާ އާއި ދިވެހިރާއްޖޭގެ ގުޅުމާއި ބެހޭ ގޮތުންނާއި، ނޮން-އެލައިންޑް މޫވްމަންޓް (ނާމް) އާއި ގުޅޭ ގޮތުން މަޝްވަރާ ކުރެވުނު ކަމަށެވެ.

ދިވެހިރާއްޖެއާއި މޮންގޯލިއާއާ ދެމެދު ވެފައިވާ ވިސާ ވެއިވަރ އެއްބަސްވުމުގެ ދަށުން، ދުރާލާ ވިސާ ނެގުމަކާއި ނުލައި ދަތުރުކުރެވޭނެ އިންތިޒާމް ހަމަޖައްސައިފިއެވެ. އެގޮތުން ދުރާލާ ވިސާ ނެގުމަކާއި ނުލައި މިމަހު 12އިން ފެށިގެން ދިވެހިންނަށް މޮންގޯލިއާއަށް އެތެރެވެވޭނެ ކަމަށް ފޮރިން މިނިސްޓްރީން ވިދާޅުވެއެވެ.

އިންޑިއާގެ ބޮޑުވަޒީރާއި، އެޤައުމުގެ ރައްޔިތުންނަށް ފުރައްސާރަކުރުމުގެ ސަބަބުން ދެޤައުމުގެ ދެމެދުގައި އޮތް ގުޅުންތައް ގޯސްވެ އެކަމުގެ ސަބަބުން ރާއްޖޭގެ އިޤުތިޞާދަށް ގެއްލުންތައް ވަމުންދާކަންވެސް މީކާއީލް ނަސީމް ވަނީ ފާހަގަކުރައްވާފައެވެ.

މިބައްދަލުކުރެއްވުން ކުރިޔަށް ދިޔައީ މިއަދު ފޮރިން މިނިސްޓްރީގައެވެ. މިބައްދަލުވުމާއި ގުޅޭ ގޮތުން، އިންޑިއާ ސަފީރު ކުރެއްވި ޕޯސްޓެއްގައި ވިދާޅުވީ، އިންޑިޔާއާއި ރާއްޖޭގެ ގުޅުން އިތުރަށް ބަދަހިކުރުމާ ގުޅޭގޮތުން، އެބައްދަލުވުުމުގައި ވަރަށް އުފެއްދުންތެރި މަޝްވަރާތަކެއް ކުރެވުނު ކަމަށެވެ. އެހެން ނަމަވެސް އެ މަޝްވަރާތަކާއު ގުޅޭ އިތުރު ތަފްސީލެއް އެމަނިކުފާނުވެސް އަދި އިންޑިއާ އެމްބަސީންވެސް ހާމަކުރައްވާފައެއް ނުވެއެވެ.

ޚާރިޖީ ވަޒީރު ޝާހިދުގެ ވާހަކަފުޅުގައި، ފަލަސްޠީނުގެ ޢާންމުރައްޔިންނާ ދެކޮޅަށް އިސްރާއީލުން ހިންގަމުންދާ އަސްކަރީ ޙަމަލާތައް ހަރުކަށި އިބާރާތުން ކުށްވެރިކުރައްވައި، މިހާރުން މިހާރަށް ހަމަލާތައް ހުއްޓާލަންޖެހޭކަމުގައި ވިދާޅުވިއެވެ. އަދި ޢައްޒާގައި އިންސާނީ ހާލަތު ގޯސްވަމުންދާދިއުމަށް އިޝާރާތްކުރައްވާ ވާހަކަފުޅު ދައްކަވަމުން މިނިސްޓަރ ޝާހިދު ވަނީ ކާބޯތަކެއްޗާއި ބޭސް ފަދަ ޒަރޫރީ ތަކެތި ރައްކާތެރިކަމާއެކު ޣައްޒާއަށް ވަންނާނެކަން ކަށަވަރުކުރުމަށާއި އެކަމަށް އެއްބާރުލުން ދެއްވުމަށް ވެސް އެދިވަޑައިގެންނެވިއެވެ.

އިޒްރޭލުން ފަލަސްތީނުގައި ހިންގަމުންދާ ގަތުލުއާންމުގެ ތެރެއިން ރޭ ގާޒާގައި ހުންނަ އަލް އަހްލީ ހޮސްޕިޓަލަށް ދިން ހަމަލާ ރާއްޖޭގެ ސަރުކާރުން ކުށްވެރިކޮށްފިއެވެ.

އިންޑިއާ ސަރުކާރުގެ އެހީގެ ދަށުން ރާއްޖެއަށް ހަދިޔާ ކުރި 2 ހެލިކޮޕްޓަރު ވެސް ގެނައީ މި ސަރުކާރުން ނޫން ކަމަށާއި އެކަން ކޮށްފައިވަނީ ކުރީގެ ސަރުކާރުތަކުން ކަމަށް ފޮރިން މިނިސްޓަރު އަބްދުﷲ ޝާހިދު ވިދާޅުވެއްޖެ އެވެ. ޝާހިދު މިހެން ވިދާޅުވީ، ރޭ އެމްޑީޕީގެ ސޯސަން ޖަގަހައިގައި ބޭއްވި ޖަލްސާގައި ވާހަކަ ދައްކަވަމުންނެވެ.