Advertisement
އިންޑިއާ ސަފީރު ކަމުގެ މަޤާމަށް ނަންފުޅު ފޮނުއްވާފައިވާ، އާއިޝަތު އަޒީމާ --
އިންޑިއާ ސަފީރުގެ މަޤާމަށް އަޒީމާގެ ނަން ހުށައަޅުއްވައިފި
ދިވެހި ރާއްޖެއިން އިންޑިއާއަށް ކަނޑައަޅާ ސަފީރުގެ މަޤާމަށް، ފޮރިން މިނިސްޓްރީގެ އެޑިޝަނަލް ސެކްރެޓަރީގެ މަގާމުގައި މިހާރު ހުންނެވި އާއިޝަތު އަޒީމާ ހަމަޖެއްސުމަށްޓަމައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އޭނާގެ ނަންފުޅު ރައްޔިތުންގެ މަޖިލީހަށް ހުށައަޅުއްވައިފިއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި މަޖިލީހުންގެ ތަޅުމުގައި ވަނީ ރައީސުލްޖުމްހޫރިއްޔާގެ ސިޓީފުޅު އިއްވާފައެވެ. އަދި އޭނާ ސަފީރުކަމަށް ޢައްޔަނުކުރުމަށް ރުހުން ދިނުމަށްޓަކައި އޭނާގެ ނަންފުޅު ދިރާސާކުރުމަށް މިއަދު މަޖިލީހުގައި ވަނީ ކޮމިޓީއަށް ފޮނުވާފައެވެ. ޢަޒީމާ އެންމެ ފަހުން ހުންނެވީ، ދިވެހިރާއްޖެއިން ޗައިނާއަށް ކަނޑައަޅުއްވާަފައިވާ ސަފީރުގެ މަޤާމުގައެވެ.
1988 ވަނަ އަހަރު ފޮރިން މިނިސްޓްރީގައި މަސައްކަތްޕުޅު ކުރައްވަން ފެއްޓެވި އަޒީމާ، އިންޑިއާ ސަފީރުގެ މަޤާމަށް ހަމަޖެއްސެވުމަށް ރައީސުލްޖުމްހޫރިއްޔާ ނިންމެވީ، އެމަޤާމުގައި މިހާރު ހުންނެވި، އިބްރާހިމް ޝަހީބުގެ ސަފީރު ކަމުގެ ދައުރު ހަމަވާތީއެވެ. އިންޑިއާ ސަފީރުގެ މަޤާމަށް ޝަހީބު ހަަމަޖައްސަވާފައި ވަނީ، 2022 ވަނަ އަހަރުގެ ނޮވެމްބަރު މަހުގައެވެ. އޭގެ ކުރިން އޭޭނާ ހުންނެވީ ދިވެހިރާއްޖެއިން ސިންގަޕޫރަށް ކަނޑައަޅުއްވާފައި ހުންނަވާ ސަފީރުގެ މަޤާމުގައެވެ.
