Advertisement
ފޮރިން މިނިސްޓަރ މޫސާ ޒަމީރު ---
ފޮރިން މިނިސްޓަރާއި ގަވަރު ނަރު ސައޫދީ ޢަރަބިއްޔާއަށް ވަޑައިގެންފި
ފޮރިން މިނިސްޓަރ މޫސާ ޒަމީރާއި، އެމްއެމްއޭގެ ގަވަރުނަރު އަޙްމަދު މުނައްވަރުގެ އިތުރުން ސަރުލާރުގެ ވަފުދެއް ސަޢޫދީ ޢަރަބިއްޔާއަށް ވަޑައިގެންފިއެވެ.
މިނިސްޓްރީ އޮފް ފޮރިން އެފެއާޒުން ހާމަކުރައްވާފައިވާ ގޮތުގައި، ޓޫރިޒަމް މިނިސްޓަރ މޫސާ ޒަމީރާއި ސަރުކާރުގެ އިސްބޭފުޅުންގެ މައްޗަށް އެކުލެވޭ ވަފުދެއް ސަޢޫދީއަރަބިއްޔާއަށް ވަޑައިގެންފައި ވަނީ، އެޤައުމުގެ ފޮރިން މިނިސްޓަރ ޕްރިންސް ފައިސަލް ބިން ފަރްހާން އާލްސައުދުގެ ދައުވަތަކަށެވެ.
މިދަތުރުފުޅުގައި، ސައުދީގެ ފޮރިން މިނިސްޓަރު ފައިސަލް ބިން ފަރްހާން އާލްސައުދު އާއިއެކު ބާއްވަވާ ބައްދަލުކުރެއްވުމުގައި، ދެޤައުމުގެ ގުޅުން ބަދަހިކުރުމަށާއި، ރާއްޖޭގެ އިޤުތިޞާދީ ޙާލަތު ރަނގަޅު ކުރުމަށްޓަކައި ބޭނުންވާ މާލީ އެހީތައް ހޯދުމާއި ގުޅޭ ގޮތުން މަޝްވަރާތައް ކުރެވޭނެ ކަމުގައިވެސް ވެސް ފޮރިން މިނިސްޓްރީން ހާމަކުރައްވާފައިވެއެވެ.
ރާއްޖޭގެ އިޤުތިޞާދު އިންތިހާއަށް ގޯސްވެ، އަސާސީ ކާބޯތަކެއްޗާއި ތެޔޮ އެތެރެކުރުމަށް ދަތިވާ ހިސާބަށް ވަނީ ގޮސްފައި ކަމުގައި އިޤުތިޞާދީ ދާއިރާގެ ބޭބޭފުޅުން ވަނީ ވިދާޅުވަމުންނެވެ.
