Advertisement
ފޮރިން މިނިސްޓަރު އިންޑިއާ ސަފީރާއި ބައްދަލުކުރެއްވުން --- ފޮޓޯ: ފޮރިން މިނިސްޓްރީ
އިންޑިއާ ސަފީރު ރާއްޖޭގެ ފޮރިން މިނިސްޓަރުގެ އަރިހަށް ޒިޔާރަތްކުރައްވައިފި
ރާއްޖެއިން އިންޑިއާއަށް ކަނޑައަޅުއްވާފައި ހުންނަވާ ސަފީރު، ޖީ. ބަލަސުބްރަމަނިއަމް ރާއްޖޭގެ ފޮރިން މިނިސްޓަރ ޑރ. ޢަބްދުﷲ ޚަލީލާއި ބައްދަލު ކުރައްވައިފިއެވެ.
މިބައްދަލު ކުރެއްވުން ބާއްވަވާފައި ވަނީ، މިއަދު ހެނދުނު މިނިސްޓްރީ އޮފް ފޮރިން އެފެއާޒްގައެވެ. މިބައްދަލު ކުރެއްވުމަކީ، އިންޑިއާ ސަރުކާރުން ދިވެހިރާއްޖެއަށް ކަނޑައެޅުއްވި އައު ސަފީރު، ސަފީރު، ޖީ. ބަލަސުބްރަމަނިއަމް، ފޮރިން މިނިސްޓަރ ޑރ. ޢަބްދުﷲ ޚަލީލުގެ އަރިހަށް ކުރެއްވި އިޚްތިރާމްގެ ޒިޔާރަތުގެ ތެރެއިން ބޭއްވި ބައްދަލުވުމެވެ. މިއީ އިންޑިއާގެ އައު ސަފީރާއި، ފޮރިން މިނިސްޓަރ ބައްދަލު ކުރެއްވި ފުރަތަމަ ފަހަރެވެ.
މިބައްދަލު ކުރެއްވުމަށް ފަހު، ރާއްޖޭގެ ފޮރިން މިނިސްޓަރ ޑރ. ޢަބްދުﷲ ޚަލީލު އެކްސްގައި ކުރެއްވި ޕޯސްޓުގައި ވިދާޅުވީ، ދެބޭފުޅުންގެ ބައްދަލު ކުރެއްވުމަކީ، އުފެއްދުންތެރި އަދި ދެޤައުމުގެ ގުޅުމަށްވެސް ފައިދާ ކުރާނޭ ބައްދަލުވުމެއް ކަމަށެވެ. އަދި އެކި ދާއިރާތަކުން ދެ ޤައުމުގެ މެދުގައި އޮތް ގުޅުން އިތުރަށް ބަދަހި ކުރެއްވުމަށް މަސައްކަތް ކުރައްވާނޭ ކަމުގެ ޔަޤީންކަން އިންޑިއާ ސަފީރު ދެއްވާފައިވާ ކަމުގައިވެސް ފޮރިން މިނިސްޓަރުގެ ޕޯސްޓުގައި ފާހަގަކުރައްވާފައިވެއެވެ.
އިންޑިއާ ސަރުކާރުން ދިވެހިރާއްޖެއަށް ކަނޑައެޅުއްވި އައު ސަފީރު، ޖީ. ބަލަސުބްރަމާނިއަން، އެމަނިކުފާނުގެ ސަފީރުކަމުގެ ފަތްކޮޅު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއަށް އެރުވީ، މި ހިނގާ ޖެނުއަރީ މަހުގެ 6 ވަނަ ދުވަހުގައެވެ.
