Advertisement
ސައޫދީ އާއި ރާއްޖޭގެ ފޮރިން މިނިސްޓަރުގެ ބައްދަލުކުރެއްވުމުގެ ތެރެއިން --
ފޮރިން މިނިސްޓަރ ޒަމީރު، ސަޢުދީ ޢަރަބިއްޔާގެ ފޮރިން މިނިސްޓަރާއި ބައްދަލު ކުރައްވައިފި
ފޮރިން މިނިސްޓަރު މޫސާ ޒަމީރު ސަޢޫދީޢަރަބިއްޔާގެ ފޮރިން މިނިސްޓަރު، ފައިސަލް ބިން ފަރްހާން އަލް-ސައުދާ ބައްދަލުކުރައްވައިފިއެވެ.
މިބައްދަލުކުރެއްވުން އޮތީ ހޯމަ ދުވަހު ރިޔާޟުގައެވެ. ފޮރިން މިނިސްޓްރީން ހާމަކުރައްވާފައިވާ ގޮތުގައި މިބައްދަލުކުރެއްުމުގައި، ފޮރިން މިނިސްޓަރ މޫސާ ޒަމީރު ވަނީ، ރައީސުލްޖުމްހޫރިއްޔާ ޑރ. މުޙައްމަދު މުއިއްޒު، ސަޢޫދީޢަރަބިއްޔާގެ ވަލީ އަޙްދު މުޙައްމަދު ބިން ސަލްމާންއަށް ފޮނުއްވެވި ސިޓީފުޅު އެމަނިކުފާނަށް ރައްދުކުރެއްވުމަށްޓަކައި ސަޢޫދީޢަރަބިއްޔާގެ ފޮރިން މިނިސްޓަރުގެ އަތްޕުޅަށް އަރުއްވާފައެވެ.
މިބައްދަލު ކުރެއްވުމުގައި ދެޤައުމުގެ ޚާރިޖީ ވަޒީރުން ވަނީ، ދެޤައުމުގެ މެދުގައި އޮތް އެކުވެރިކަމުގެ ގުޅުމާއި އިޤުތިޞާދީގުޅުންތައް އިތުރަށް ބަދަހިކުރެއްވުމާއި ގުޅޭ ގޮތުން ވާހަކަފުޅު ދައްކަވައި މަޝްވަރާކުރައްވާފައި ކަމުގައި ރައީސުލްޖުމްހޫރިއްޔާގެ އޮފީހުން ހާމަކުރައްވާފައި ވެއެވެ.
