Advertisement
ޑރ. އެސް ޖައިޝަންކަރު އާއި ފޮރިން މިނިސްޓަރ މޫސާ ޒަމީރު -- ފޮޓޯ: އިންޑިއާ ހައިކޮމިޝަން.
އިންޑިއާއެކު މިނިވަން ވިޔަފާރީގެ އެއްބަސްވުމެއް ޤާއިމްކުރުމަށް ރައީސް ޑރ. މުއިއްޒުގެ ފަރާތްޕުޅުން ހުށައަޅައިފި
ދިވެހިރާއްޖެއާ އިންޑިއާ އާއި ދެމެދުގައި މިނިވަން ވިޔަފާރީގެ އެއްބަސްވުމެއް ޤާއިމްކުރުމަށް ރާއްޖެއިން ހުށައަޅާފައިވާ ކަމުގައި ފޮރިން މިނިސްޓަރ މޫސާ ޒަމީރު ވިދާޅުވެއްޖެއެވެ.
މިނިސްޓަރ ޒަމީރު މިހެން ވިދާޅުވީ، އިންޑިއާގެ އެކްސްޓާނަލް އެފެއާޒް މިނިސްޓަރު ޑރ. އެސްނޖައިޝަންކަރާއި އެކު ބޭއްވެވި ރަސްމީ ބައްދަލުކުރެއްވުމަށްފަހުގައި މީޑިއާތަކަށް ދެއްވި ނޫސްބަޔާނުގައެވެ.
މިނިސްޓަރ މޫސާ ޒަމީރު ވިދާޅުވީ، އިންޑިއާއާއެކު ދިވެހިރާއްޖެއިން މިނިވަން ވިޔަފާރީގެ އެއްބަސްވުމެއް ޤާއިމް ކުރުމަށް ހުށައެޅުއްވި ހުށައެޅުމަކީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ފަރާތްޕުޅުން ހުށައެޅުއްވި ހުށައެޅުއްވުމެއް ކަމަށެވެ. އަދި މިފަދަ ފްރީޓްރޭޑް އެގްރިމެންޓެއް ޤާއިމް ކުރުމުގެ ސަބަބުން އެކަމުގެ ސަބަބުން އިތުރު ވިޔަފާރިތަކަށް ފުރުޞަތު ހުޅުވި އިޤުތިޞާދަށް ހެޔޮއަސަރުތައް ކުރާނެ ކަމުގައި މިނިސްޓަރ ޒަމީރު ވަނީ ފާހަގަކުރައްވާފައެވެ.
އިންޑިއާގެ އެކްސްޓާނަލް އެފެއާޒް މިނިސްޓަރު ޑރ. އެސްނޖައިޝަންކަރު ރާއްޖެއަށް ކުރައްވަމުން ގެންދަވާ 3 ދުވަހުގެ ރަސްމީ ދަތުރުފުޅުގައި އެމަނިކުފާނު، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއިވެސް ބައްދަލުކުރައްވާނެއެވެ.
އިންޑިއާގެ އެކްސްޓާނަލް އެފެއާޒް މިނިސްޓަރު ޑރ. އެސްނޖައިޝަންކަރުގެ ރަސްމީ ދަތުރުފުޅު ނިންމަވާލެއްވުމަށްފަހުގައި ރާއްޖެއިން ފުރާވަޑައިގަންނަވާނީ މާދަމާއެވެ.
